ആരാധകരെ ശാന്തരാകു; ആർസിബിയുടെ സൂപ്പർ താരം തിരിച്ചെത്തി; ഇനി കളി മാറും

Authored by: അനുഷ ഗംഗാധരൻ|Samayam Malayalam•3 Jun 2025, 3:26 pm

നിർണായക മത്സരത്തിൽ റോയൽ ചലഞ്ചേഴ്‌സ് ബെംഗളൂരു (ആർസിബി) ആരാധകരെ ആശങ്കയിലാഴ്ത്തുന്ന തരത്തിൽ ചില വാർത്തകൾ പുറത്തുവന്നിരുന്നു. ഫൈനൽ പോരാട്ടത്തിൽ ആർസിബിയുടെ പ്ലേയിങ് ഇലവനിൽ ഫിൽ സാൾട്ട് ഉണ്ടാകാൻ സാധ്യത ഇല്ല എന്ന അഭ്യൂഹങ്ങളാണ് പുറത്തുവന്നത്. എന്നാൽ താരം ടീമിലേക്ക് തിരിച്ചെത്തി എന്ന റിപ്പോർ പുറത്തെത്തിയിരിക്കുകയാണ്.
ടോസ് നേടുന്നവർക്ക് കാര്യങ്ങൾ കൂടുതൽ എളുപ്പം; ഫൈനൽ പോരാട്ടത്തിലെ പിച്ച് ആരെ തുണയ്ക്കും
ഇഎസ്പിഎൻ ക്രിക്ക് ഇൻഫോ ആണ് താരം തിരിച്ചെത്തി എന്ന റിപ്പോർട്ട് പുറത്തുവിട്ടത്. ഇഎസ്പിഎൻ ക്രിക്ക് ഇൻഫോ തന്നെ പുറത്തുവിട്ട മറ്റൊരു റിപ്പോർട്ട് ആണ് അഭ്യൂഹങ്ങൾക്ക് വഴിവെച്ചത്.

ഇന്ന് രാത്രി 7:30 ന് അഹമ്മദാബാദ് സ്റ്റേഡിയത്തിൽ വെച്ചാണ് ഇന്ത്യൻ പ്രീമിയർ ലീഗ് 2025 ഫൈനൽ പോരാട്ടം നടക്കുന്നത്. പോയിന്റ് ടേബിളിൽ ആദ്യ ഒന്ന് രണ്ട് സ്ഥാനങ്ങളിൽ യഥാക്രമം ഫിനിഷ് ചെയ്ത പഞ്ചാബ് കിങ്‌സും റോയൽ ചലഞ്ചേഴ്‌സ് ബെംഗളൂരുവുമാണ്‌ ഏറ്റുമുട്ടുന്നത്. വർഷങ്ങളുടെ കാത്തിരിപ്പിന് ശേഷം കന്നി കിരീടം സ്വന്തമാക്കാനുള്ള തയ്യാറെടുപ്പിലായിരുന്നു ഇരു ടീമുകളും.ഇതിനിടെയാണ് ആർസിബി താരം ഫിൽ സാൾട്ട് ഇന്ന് പ്ലേയിങ് ഇലവനിൽ ഉൾപ്പെടാനുള്ള സാധ്യത കുറവാണ് എന്ന അഭ്യൂഹങ്ങൾ സമൂഹമാധ്യങ്ങളിൽ പ്രചരിച്ചത്. ഇഎസ്പിഎൻ ക്രിക് ഇൻഫോ പുറത്തുവിട്ട റിപ്പോർട്ട് പ്രകാരം കഴിഞ്ഞ ദിവസം പരിശീലന സമയത്ത് ആർസിബി ക്യാമ്പിൽ ഫിൽ സാൾട്ട് ഇല്ല എന്നാണ്. ഇതാണ് താരം പ്ലേയിങ് ഇലവനിൽ ഉണ്ടാകുമോ എന്ന ആശങ്ക ആരാധകരിൽ എത്തുന്നത്.

താരം സ്വന്തം നാട്ടിലേക്ക് മടങ്ങി എന്ന അഭ്യൂഹങ്ങളും പ്രചരിച്ചിരുന്നു. ഫിൽ സാൾട്ടിന് കുഞ്ഞു പിറന്നു എന്നും അദ്ദേഹം തന്റെ കുട്ടിയെ കാണാൻ നാട്ടിലേക്ക് തിരിച്ചു എന്നുമാണ് പ്രചരിച്ചിരുന്നത്. എന്നാൽ ഇപ്പോൾ താരം ടീമിനൊപ്പം തന്നെ ഉണ്ട് എന്ന റിപ്പോർട്ട് എത്തിയതോടെ ആരാധകരും സന്തോഷത്തിലാണ്.

ആർസിബിയുടെ ഓപ്പണർ റോളിൽ മികച്ച പ്രകടനം കാഴ്ചവെക്കുന്ന താരമാണ് ഫിൽ സാൾട്ട്. പരിക്കിനെ തുടർന്ന് ചില മത്സരങ്ങൾ നഷ്ടമായെങ്കിലും ടീമിലേക്ക് തിരിച്ചെത്തിയ താരം ഫോമിലേക്ക് വളരെ പെട്ടന്ന് തന്നെ എത്തിയിരുന്നു. 12 മത്സരങ്ങളിൽ നിന്ന് 175.90 സ്ട്രൈക്ക് റേറ്റിൽ 35.12 ശരാശരിയിൽ 387 റൺസാണ് താരം നേടിയത്.

ഫൈനൽ മത്സരത്തിനായി തയ്യാറെടുക്കുന്ന താരങ്ങളുടെ വീഡിയോ ആർസിബി സമൂഹ മാധ്യമങ്ങളിൽ പങ്കുവെച്ചിരുന്നു. ഇതിലും ഫിൽ സാൾട്ടിനെ കാണാൻ സാധിച്ചില്ല. ഇതാണ് അഭ്യൂഹങ്ങൾക്ക് വഴി ഒരുക്കിയത്. സാൾട്ട് പരിക്കിനെ തുടർന്ന് മാറി നിന്ന് മത്സരങ്ങളിൽ ആർസിബിയുടെ ഓപ്പണർ റോളിൽ ഇറങ്ങിയത് ജേക്കബ് ബെഥേൽ ആയിരുന്നു.