ആലപ്പുഴക്കാരി 10 കോടി പ്രതിഫലം! തകർന്നുപോയ ജീവിതം; രോഗത്തോട് ചങ്കൂറ്റത്തോടെ പൊരുതി; എല്ലാം തിരികെപിടിച്ച് സാമന്ത

Authored by: ഋതു നായർ|Samayam Malayalam•19 Sept 2025, 1:50 pm

ജീവിതം കൊണ്ടും കരിയർ കൊണ്ടും ആരാധകർക്ക് അത്ഭുതമാണ് സാമന്ത . വിവാഹജീവിതം ഇടക്ക് വച്ച് നിർത്തേണ്ടി വന്നപ്പോഴും ആരോഗ്യപരമായ വിഷയങ്ങൾ അലട്ടിയപ്പോഴും എല്ലാം സാമന്ത അതിനെയെല്ലാം അതിജീവിച്ചുകൊണ്ടാണ് പൂർവാധികം ശക്തിയോടെ തിരികെ എത്തിയത്. ഇപ്പോഴിതാ ആലപ്പി അഷ്‌റഫ് താരത്തെ കുറിച്ച് പറഞ്ഞ വാക്കുകൾ ആണ് വൈറലായി മാറുന്നത്.

ആലപ്പുഴക്കാരിയാണ് സാമന്ത എന്ന് പറഞ്ഞാൽ ആർക്കെങ്കിലും അറിയാമോ. 'അമ്മ മലയാളിയും അച്ഛൻ തെലുങ്കനും ആണ്.മോഡലിംഗ് രംഗത്തുകൂടി അഭിനയത്തിലേക്ക് എത്തിയ സാമന്തയെ സിനിമയിലേക്ക് കൈപിടിച്ചുകൊണ്ട് വരുന്നതും ഒരു മലയാളി സംവിധായകൻ ആണ്. ഗൗതം മേനോൻ എന്ന സംവിധായകൻ. കോളേജ് പഠനം കഴിഞ്ഞ സമയത്താണ് താരത്തിന്റെ അരങ്ങേറ്റം. യേ മായ ചേസാവേ എന്ന ചിത്രത്തിലൂടെയാണ് അരങ്ങേറ്റം. കരിയറും ജീവിതവും മാറ്റിമറിച്ച സിനിമ ആയിരുന്നു അത്. താരത്തിന്റെ മുൻ ഭർത്താവ് കൂടിയായ നാഗാർജുനക്ക് ഒപ്പം സ്‌ക്രീൻ പങ്കിട്ട പ്രത്യേകതയും ഈ സിനിമക്ക് ഉണ്ട്.

ALSO READ: സൗന്ദര്യ മരണപ്പെട്ട ആ പ്ലെയിനിൽ ഞാനും ഉണ്ടാവേണ്ടതായിരുന്നു എന്ന് മീന; ഇത്രകാലമായിട്ടും പറയാതിരുന്നത് എന്തിന്?

സാമന്തയും ആയുള്ള വിവാഹത്തിൽ കടുത്ത എതിർപ്പ് ആയിരുന്നു നാഗ ചൈതന്യയുടെ വീട്ടുകാർക്ക്. അവരുടെ കടുത്ത പ്രണയത്തിനു മുൻപിൽ പക്ഷെ എതിർപ്പുകൾ വിലപ്പോയില്ല. തെന്നിന്ത്യയിൽ ഏറെ ആരാധകർ ഉണ്ടായിരുന്ന ഇവർക്ക് പക്ഷെ കുടുംബബന്ധത്തിൽ വിള്ളൽ ഉണ്ടായി. അൽപ്പം മോഡേൺ ചിന്താഗതിക്കാരിയായ സാമന്തയും അൽപ്പം ട്രഡീഷണൽ വിശ്വാസി ആയ നാഗാർജുനയും തമ്മിലുള്ള അഭിപ്രായ വ്യത്യാസങ്ങൾ ഇവരുടെ ജീവിതത്തെയും ബാധിച്ചെന്നിരിക്കാം. സാമന്ത സിനിമ അഭിനയം നിർത്തണം എന്ന് കുടുംബം ആവശ്യപ്പെട്ടുവെന്നും റിപ്പോർട് വന്നിരുന്നു. അതേസമയം സാമന്തയും ആയുള്ള ബന്ധം നിലനിൽക്കെ തന്നെ നാഗചൈതന്യയ്ക്ക് ശോഭിതയും ആയുള്ള ബന്ധം ഉണ്ടായിരുന്നുവെന്നും റിപ്പോർട്ടുകൾ ഒരു സമായത്ത് പ്രചരിച്ചു.

ALSO READ: പുലർച്ചെ നാല് മണിക്ക് ഉണരുന്ന കാവ്യ! ആ രണ്ടുദിവസം എനിക്ക് മാത്രമുള്ളതാണ്; കാവ്യയുടെ രീതികളും ചിട്ടകളും

ഇവരുടെ വേർപിരിയൽ വളരെ ഞെട്ടലോടെയാണ് ആരാധകർ സ്വീകരിച്ചത്. സോഷ്യൽ മീഡിയ ഇടത്തിൽ നിന്നും ഫോട്ടോസ് അപ്രത്യക്ഷം ആയതും, പ്രത്യക്ഷപെട്ടതും ചർച്ചയായി. ഡിവോഴ്സിന് ശേഷം സാമന്തയുടെ ജീവിതം നഷ്ടം ആയപോലെ സിനിമയിലും അത് റിഫ്ലെക്ട് ആകാൻ തുടങ്ങി. ഗുരുതരമായ ആരോഗ്യപ്രശ്നങ്ങളിലൂടെ താരം കടന്നുപോയി. ഇക്കാര്യം താരം സോഷ്യൽ മീഡിയ വഴി പറയുകയും ചെയ്തു. കൂടുതൽ ശക്തയായി മുൻപോട്ട് പോകാൻ താരം ഒരുപാട് ശ്രമിച്ച സാമന്ത ആരോഗ്യം വീണ്ടെടുത്ത് മുൻപോട്ട് വന്നു. പത്തുകോടിക്ക് മുകളിൽ പ്രതിഫലം വാങ്ങുന്ന ആളാണ് ഇന്ന് സാമന്ത.