ആവേശമായി ബിടിഎസ്സിന്റെ ആർ എമ്മു വിയും ജെ ഹോപ്പും? ആ എനർജിയാണ് ഞങ്ങൾക്ക് വേണ്ടത് എന്ന് ആരാധകർ

Authored by: അശ്വിനി പി|Samayam Malayalam•16 Sept 2025, 4:09 pm

ബി ടി എസ് താരങ്ങൾ എവിടെ പോകുന്നു എന്ത് ചെയ്യുന്നു എന്നൊക്കെ ആരാധകർ അത്രയേറെ ആവേശത്തോടെയാണ് നോക്കി കാണുന്നത്. ഏറ്റവുമൊടുവിൽ ഏഴംഗങ്ങളിൽ ചിലർ സിയോളിൽ നടന്ന കിയേറ്റേഴ്സ് കൺസേർട്ട് ആയ ടൈലറിൽ പങ്കെടുത്ത വിശേഷങ്ങളാണ് പുറത്തുവരുന്നത്.

വിയും ആർ എമ്മും ജെ ഹോപ്പുമാണ് കൺസേർട്ടിൽ പങ്കെടുത്തത്. അവർക്കൊപ്പം കോർട്ടിസ് അംഗം ജെയിംസും ഉണ്ടായിരുന്നു. ബിടിഎസിന്റെ മറ്റ് നാല് താരങ്ങളായ ജിന്നും ജിമിനും ജങ്കൂക്കും സുഗയും അവരവരുടെ ഇന്റിവിജ്വൽ പ്രോഗ്രാമുകളുമായി തിരക്കിലാണ്.

Also Read: ആ 48 മണിക്കൂറിനുള്ളിൽ എന്ത് സംഭവിച്ചു; കെൽസി ബാലൊരിനിയും ചേസ് സ്റ്റോക്സും വേർപിരിഞ്ഞ ഞെട്ടലിൽ ആരാധകർ

ടൈലർ കൺസേർട്ടിൽ നിന്നും പുറത്തുവന്ന വീഡിയോകളിൽ ഒന്നിൽ ആർ എം പാട്ട് പാടിയും ഡാൻസ് ചെയ്തും ആരാധകരെ എത്രത്തോളം എന്റർടൈനിങ് ചെയ്യിപ്പിയ്ക്കുന്നു എന്ന് കാണാം. വിയുടെ മനോഹരമായ ചിരിയാണ് വേറൊരു വീഡിയോയിലെ ആകർഷണം. ജെ ഹോപ് വിയെ കുലുക്കി ചിരിക്കുന്നതും കൺസേർട്ട് എൻജോയ് ചെയ്യുന്നതും മറ്റൊരു വീഡിയോയിൽ കാണാം. പിന്നീട് ജെയിംസിനൊപ്പം ഫോട്ടോയ്ക്കും പോസ് ചെയ്യുന്നുണ്ട്.

ഇതുപോലെ ബിടിഎസ് താരങ്ങൾ ആവേശത്തോടെ വേദിയിലെത്തുന്നതും ആരാധകരെ ത്രസിപ്പിയ്ക്കുന്ന പ്രകടനം നടത്തുന്നതും കാണാനാണ് ഈ രണ്ടര വർഷമായി ആരാധകർ കാത്തിരിയ്ക്കുന്നത്. ഏഴ് പേരും ഒന്നിച്ച് എപ്പോൾ വരും എന്നതാണ് ബിടിഎസ് ആർമി എന്ന് വിശേഷിപ്പിക്കപ്പെടുന്ന ആരാധകർ ആകാംക്ഷയോടെ ഉറ്റുനോക്കുന്ന ഒരു കാര്യം.

Also Read: ഞാൻ വിവാഹം കഴിക്കുമ്പോൾ അവൾ വളരെ ചെറുപ്പമാ! ഒന്ന് ചിരിച്ച് ഇരുന്നൂടെ എന്നൊക്കെ എന്നോട് ഇടയ്ക്കിടെ ചോദിക്കും

സൈനിക സേവനം പൂർത്തിയാക്കി വന്നതിന് ശേഷം ഓരോരുത്തരായി സോളോ പെർഫോമൻസുകൾ പലതും നടത്തിയിരുന്നു. അതിന് പിന്തുണ അറിയിച്ച് മറ്റ് താരങ്ങൾ എത്തുന്നതും ആരാധകർ കണ്ടു. പക്ഷേ ഏഴ് പേരും ഒരുമിച്ചെത്തുന്നതാണ് ആരാധകരുടെ ആവേശം.


രണ്ട്- രണ്ടര വർഷത്തിന് ശേഷമുള്ള ബിടിഎസ്സിന്റെ ആൽബം 2026 ൽ പുറത്തിറങ്ങും എന്നാണ് റിപ്പോർട്ടുകൽ. അതിന്റെ വർക്കുകൾ എല്ലാം ഏഴുപേരും ലോസ് ആഞ്ചൽസിൽ പോയി പൂർത്തിയാക്കിയിരുന്നു. അത് കഴിഞ്ഞ് തിരിച്ചെത്തിയതിന് ശേഷം സ്റ്റേജ് പ്രോഗ്രാമുകളുമായി തിരക്കിലാണ് ടീം.