1 week ago
4
കയ്പേറിയ ഭൂതകാലമുണ്ട് ആശയ്ക്ക്. ഭര്ത്താവിന്റെ മരണത്തോടെ ഒറ്റയ്ക്കായി പോയ അവര് പറക്കമുറ്റാത്ത രണ്ടു പെണ്മക്കളെ പോറ്റി വളര്ത്തി വലുതാക്കി. ഭര്ത്താവില് നിന്ന് നേരിട്ട ദുരനുഭവങ്ങളും പീഡനങ്ങളും മാനസികാഘാതം സൃഷ്ടിച്ചുവെങ്കിലും അതെല്ലാം ഉള്ളിലൊതുക്കി, അതിജീവിച്ച് അവര് മുന്നോട്ടുവന്നു. പ്രതിസന്ധികളെ നേരിടാനുള്ള മനക്കരുത്ത് ആര്ജ്ജിച്ചു. പക്ഷേ ഒരു രാത്രിയില് നടന്ന ഒരു സംഭവം അവരുടെ ജീവിതം തന്നെ കീഴ്മേല് മറിക്കുന്നതാണ് സിനിമയുടെ ഇതിവൃത്തം.
റിനി ജോര്ജ് ആരോപിച്ച ലൈംഗികാതിക്രമ കേസ് കേരളക്കരയില് വലിയ ചര്ച്ചയായിരുന്നു. വിഷയത്തില് റിനി
ഭാവാഭിനയത്തിന്റെ ഒരു സര്വ്വകലാശാല തന്നെയെന്ന് തോന്നിപ്പിക്കുന്ന അസാധാരണ അഭിനയ പാടവമാണ് ചിത്രത്തില് താരം കാഴ്ചവെച്ചിരിക്കുന്നത്. ചില സന്ദര്ഭങ്ങളില് മാനസികനില തെറ്റിയെന്നു തോന്നുന്ന രീതിയിലുള്ള സ്വഭാവ വിശേഷത്തോടേയും മറ്റു ചിലപ്പോള് മക്കളെ ചേര്ത്തുപിടിക്കുന്നൊരമ്മയായും വേറെ സമയങ്ങളില് പൊലീസിനോടും നിയമ വ്യവസ്ഥയോടും ചങ്കൂറ്റത്തോടെ നില്ക്കുന്നൊരു കഥാപാത്രമായി ഏറെ ആഴത്തോടെയാണ് ഉര്വശി ആശയെ സ്ക്രീനില് എത്തിച്ചിരിക്കുന്നത്.
''ആശ ഷമ്മിയുടെ അമ്മയോ'' എന്ന രീതിയലടക്കം സോഷ്യല് മീഡിയയില് ഈ കഥാപാത്രം ചര്ച്ചാവിഷയമായി കഴിഞ്ഞു. 'കുമ്പളങ്ങി നൈറ്റ്സി'ലെ ഷമ്മി എന്ന സൈക്കോ കഥാപാത്രം മുമ്പ് ഏറെ രീതിയില് ചര്ച്ചയായ ഒന്നാണ്. താന് മാത്രമാണ് ശരി എന്ന നാര്സിസിസ്റ്റിക് പേഴ്സണാലിറ്റിയും പുറമെ വളരെ മാന്യനും ഉള്ളില് ക്രൂരതയുമുള്ള സൈക്കോപതിക് സ്വഭാവങ്ങളും ടോക്സിക് മാസ്കുലിനിറ്റിയുമുള്ള ഷമ്മിയുടെ മാനസിക വ്യാപാരങ്ങള് സിനിമാപ്രേക്ഷകര് വലിയ രീതിയില് സംസാരവിഷയമാക്കിയിട്ടുള്ളതാണ്. ഇപ്പോഴിതാ ഉര്വശിയുടെ കഥാപാത്രത്തിന്റെ വ്യത്യസ്തമായ മാനസിക വ്യാപാരങ്ങളേയും ഇതേ രീതിയില് ചര്ച്ചയാക്കിയിരിക്കുകയാണ് പ്രേക്ഷകര്.
നവാഗതനായ സഫര് സനല് സംവിധാനം ചെയ്ത് തിയറ്ററുകളിലെത്തിയിരിക്കുന്ന 'ആശ' മലയാളത്തില് നിന്നുമുള്ളൊരു ലക്ഷണമൊത്ത ഡാര്ക്ക് സസ്പെന്സ് ത്രില്ലറാണ്. ഉര്വശിക്ക് പുറമെ ജോജു ജോര്ജ്ജ്, ഐശ്വര്യ ലക്ഷ്മി , വിജയരാഘവന് തുടങ്ങിയവരുടെ അസാധ്യ പ്രകടനങ്ങളും ചിത്രത്തിന് മുതല്ക്കൂട്ടാണ്. മധു നീലകണ്ഠന്റെ ഛായാഗ്രഹണ മികവും ഷാന് മുഹമ്മദിന്റെ കൃത്യതയാര്ന്ന എഡിറ്റിംഗും ഗോവിന്ദ് വസന്ത ഒരുക്കിയിരിക്കുന്ന പശ്ചാത്തല സംഗീതവും പാട്ടുകളും തീര്ച്ചയായും ഒരു വരിഞ്ഞുമുറുക്കുന്ന അനുഭവം പ്രേക്ഷകര്ക്ക് സമ്മാനിക്കുന്നുണ്ട് എന്ന് നിസ്സംശയം പറയാം.
English (US) ·