ആസ്തി 150 കോടിക്ക് അടുത്ത്, എല്ലാം ആവണിക്കോ; ഒന്നും വേണ്ടെന്ന് വച്ചിറങ്ങിയ മഞ്ജു ഇന്ന് അക്ഷരാർത്ഥത്തിൽ ലേഡി സൂപ്പർ സ്റ്റാർ!

തമിഴ്‌നാട്ടിലെ നാഗര്‍കോയിലില്‍ ആണ് മഞ്ജു വാര്യരുടെ ജനനം. പഠിയ്ക്കുന്ന കാലത്ത് കലാതിലകമായിരുന്നു. സിനിമയില്‍ വന്നപ്പോഴും പകരം വയ്ക്കാനില്ലാത്ത അഭിനയ മികവുകൊണ്ട് അത്ഭുതപ്പെടുത്തുകയാണ് ഈ പ്രായത്തിലും മഞ്ജു വാര്യര്‍.

തിരിച്ചുവരവിനെ മഞ്ജുവിന്റെ രണ്ടാം ജന്മം എന്ന് വിശഷിപ്പിക്കുന്നതിൽ തെറ്റില്ല. കാരണം ഒരു പുനർജ്ജന്മം പോലെ ആയിരുന്നു തന്റെ വരവെന്ന് താരം സ്വയം വിശേഷിപ്പിച്ചിട്ടുണ്ട്. രണ്ടുവർഷം തുടർച്ചയായി സംസ്ഥാന സ്കൂൾ യുവജനോത്സവത്തിൽ കലാ തിലകം പട്ടം അണിഞ്ഞിട്ടുള്ള മഞ്ജു വാര്യർ 1995-ൽ പുറത്തിറങ്ങിയ സാക്ഷ്യം എന്ന ചലച്ചിത്രത്തിലൂടെയാണ് അഭിനയരംഗത്തിന് തുടക്കം കുറിച്ചത്

പ്രതീക്ഷിക്കാത്ത കാര്യങ്ങളാണ് തന്റെ ജീവിതത്തിൽ നടന്നതെന്ന് പലകുറി താരം തുറന്നുപറഞ്ഞിട്ടുണ്ട്. "ഒരിക്കലും ഫ്യൂച്ചറിനെക്കുറിച്ചു യാതൊരു ചിന്തയും ഇല്ലാത്ത ആളാണ് ഞാൻ. കാരണം ഞാൻ സ്വപ്നത്തിൽ പോലും വിചാരിക്കാത്ത കാര്യങ്ങളാണ് പലതും എന്റെ ജീവിതത്തിൽ നടന്നിട്ടുളളത്. അതുകൊണ്ടുതന്നെ ഒഴുക്കിനു അനുസരിച്ചു പോയ്കൊണ്ടേയിരിക്കുന്നുവെന്നും മഞ്ജു മുൻപൊരിക്കൽ പറഞ്ഞിരുന്നു"

142 കോടി രൂപയാണ് മഞ്ജു വാര്യരുടെ ആസ്തിയെന്നാണ് ഫിലിം ബീറ്റ് പോലെയുള്ള ചില ദേശീയ മാധ്യങ്ങൾ റിപ്പോർട്ട് ചെയ്യുന്നത്. ഓരോ സിനിമയ്ക്കും 50 ലക്ഷം മുതൽ 1 കോടി വരെ പ്രതിഫലം വാങ്ങുന്നു. മലയാള സിനിമയിലെ അഭിനയത്തിന് പുറമെ, 'തുണിവ്', 'അസുരൻ' തുടങ്ങിയ ബോക്‌സ് ഓഫീസ് ഹിറ്റ് തമിഴ് സിനിമകളിലും പ്രധാന വേഷത്തിൽ പ്രത്യക്ഷപ്പെട്ട മഞ്ജു 'തുണിവ്' എന്ന ചിത്രത്തിന് വേണ്ടി ഒരു കോടി രൂപ പ്രതിഫലമായി കൈപ്പറ്റിയെന്നും റിപ്പോർട്ടുണ്ട്.