ആർ എമ്മിന്റെ വാക്കുകൾ ഹൃദയത്തിൽ തൊട്ടു; എത്ര നന്ദി പറഞ്ഞാലും തീരില്ല, ബിടിഎസ് താരം നൽകിയ ധൈര്യത്തെ കുറിച്ച് സൂബിൻ

Authored by: അശ്വിനി പി|Samayam Malayalam•4 Oct 2025, 4:54 pm

ബിടിഎസിന്റെ ലീഡർ ആർ എമ്മും, ടുമോറോ എക്സ് ടുഗെദറിന്‌‍റെ ( ടിഎക്സ്ടി ) ലീഡർ സൂബിനും തമ്മിൽ നല്ല ഒരു സൗഹൃദ ബന്ധമുണ്ട്. കഴിയുന്ന അവസരങ്ങളിൽ എല്ലാം ഇരുവരും പരസ്പരം പ്രശംസിക്കുന്നതും കാണാം. ഏറ്റവുമൊടുവിൽ യൂണിസെഫിന്റെ പ്രസംഗത്തിന് മുൻപ് തന്നെ സഹായിച്ച ആർ എമ്മിനെ കുറിച്ച് വാചാലനാവുകയാണ് സൂബിൻ.

മാനസികാരോഗ്യത്തെക്കുറിച്ച് സംസാരിക്കുന്ന ഒരു പുതിയ കാമ്പെയ്‌ൻ ആരംഭിക്കാൻ TXT അടുത്തിടെ UNICEF-മായി കൈകോർത്തിരുന്നു. ടീമിന്റെ പ്രതിനിധിയായി അര മണിക്കൂർ നേരം പ്രസംഗിക്കേണ്ടതുണ്ട്. സദസ്സിലിരിക്കുന്ന എല്ലാവരെയും കണ്ടപ്പോൾ തന്നെ സൂബിൻ ആകെ ടെൻഷനായി. പക്ഷേ താൻ സംസാരിക്കാൻ പോകുന്നതിന് അര മണിക്കൂർ മുൻപ് ആർ എമ്മിന്റെ കോൾ വന്നു. അത് നൽകിയ ധൈര്യം വളരെ വലുതാണെന്നാണ് സൂബിൻ പറഞ്ഞത്.

Also Read: തിരിച്ചുവരവിൽ മഞ്ജുവിന് കരുത്തും ധൈര്യവും നൽകിയ നടൻ, കുഞ്ചാക്കോ ബോബനുമായുള്ള സൗഹൃദം വേറെ ലെവലാണ്

ആരാധകരുമായി സംവദിക്കവെയാണ് യൂനിസെഫ് പ്രസംഗത്തിന്റെ അനുഭവത്തെ കുറിച്ചും ആർ എം നൽകിയ പിന്തുണയെ കുറിച്ചും സൂബിൻ പറഞ്ഞത്. ഞാൻ വളരെ അധികം നേർവസ് ആയിരുന്നു, അതു കാരണം ആർ എമ്മിനെ വിളിച്ചു. പ്രസംഗിക്കാൻ 30 മിനിട്ട് ബാക്കി നിൽക്കവെയാണ് ഞാൻ ആർ എമ്മിനെ വിളിച്ചത്.

ആർ എം എന്നോട് പറഞ്ഞു, പോരാടുക! എപ്പോഴൊക്കെ എനിക്ക് നേർവസ് തോന്നുന്നുവോ അപ്പോഴൊക്കെ ഞാനൊരു വീഡിയോ കാണാറുണ്ട്. അത് ഞാൻ നിനക്ക് അയക്കാം. അവിടെയുള്ള ഓഡിയൻസ് ആയിട്ടുള്ള ജനങ്ങൾ എല്ലാം വളരെ ലൈറ്റ് ഹാർട്ട് ആയിട്ടാണ് നിന്നെ നോക്കിക്കൊണ്ടിരിയ്ക്കുന്നത്. പക്ഷേ നീ മാത്രം നേർവസ് ആവുന്നു. അതുകൊണ്ട് ഒന്നും പേടിക്കാനില്ല, കംഫർട്ട് ആയിട്ട് പ്രസംഗിക്കൂ- എന്ന്


ആർ എം അത് പറഞ്ഞതും, സത്യമാണല്ലോ എന്ന് എനിക്ക് തോന്നി. എനിക്ക് വളരെ ഉന്മേഷവും സമാധാനവും തോന്നി. അതിന് ആർ എമ്മിന് പേഴ്സണലി നന്ദി പറയുന്നു. ഈ പ്രസംഗത്തെ കുറിച്ചോർത്ത് കഴിഞ്ഞ ദിവസം എനിക്ക് ഉറക്കമേ വന്നിരുന്നില്ല. പക്ഷേ ആർ എമ്മിനോട് സംസാരിത്ത് കഴിഞ്ഞപ്പോൾ ഇത് ഇത്രയേയുള്ളൂ എന്ന് തോന്നി- സൂബിൻ പറഞ്ഞു.