ഇക്കാര്യം നടന്നാൽ മുംബൈ ഇന്ത്യൻസ് ഐപിഎൽ പ്ലേ ഓഫിൽ; ഹാർദികിനും ടീമിനും മുന്നിലെ‌ വെല്ലുവിളി ഇനി ഇങ്ങനെ

Curated byഗോകുൽ എസ് | Samayam Malayalam | Updated: 6 May 2025, 2:24 pm

ഐപിഎല്ലിൽ ഇത്തവണ ഉജ്ജ്വല ഫോമിലുള്ള ടീമാണ് മുംബൈ ഇന്ത്യൻസ്. സീസണിലെ ആദ്യ അഞ്ച് കളികളിൽ ഒന്നിൽ മാത്രം വിജയിച്ച മുംബൈ, പിന്നീട് കളിച്ച ആറ് മത്സരങ്ങളിലും വിജയം‌ നേടുകയായിരുന്നു. നിലവിൽ 11 കളികളിൽ 14 പോയിന്റുള്ള മുംബൈ ഇന്ത്യൻസ് ലീഗ് ടേബിളിൽ മൂന്നാം സ്ഥാനത്തുണ്ട്‌. 14 പോയിന്റ് കൈവശമുള്ള ടീമിന് ഇപ്പോളും പ്ലേ ഓഫ് യോഗ്യത ഉറപ്പാക്കാനായിട്ടില്ല‌. ചൊവ്വാഴ്ച ഗുജറാത്ത് ടൈറ്റൻസിന് എതിരെയാണ് മുംബൈ ഇന്ത്യൻസിന്റെ അടുത്ത മത്സരം. ഈ കളിക്ക് മുൻപ് മുംബൈ ഇന്ത്യൻസിന്റെ പ്ലേ ഓഫ് സാധ്യതകൾ എങ്ങനെയെന്ന് നോക്കാം.
നിലവിൽ ലീഗിൽ ഏറ്റവും മികച്ച ഫോമിൽ കളിക്കുന്ന ടീമാണ് മുംബൈ ഇന്ത്യൻസ്. ജസ്പ്രിത് ബുംറയുടെ തിരിച്ചുവരവിന് ശേഷം ടീമിന്റെ കരുത്ത് കൂടി. സൂര്യകുമാർ യാദവിന്റെ സ്ഥിരതയാർന്ന പ്രകടനവും രോഹിത് ശർമ, റയാൻ റിക്കിൾട്ടൺ എ‌ന്നിവരുടെ ബാറ്റിങ്ങും ടീമിന് പോസിറ്റീവാണ്. ബൗളിങ്ങിൽ ട്രെന്റ് ബോൾട്ട് ഫോമിലാണെന്നും ടീമിന്റെ ആത്മവിശ്വാസം വർധിപ്പിക്കുന്നു. നിലവിൽ ആറ് മത്സരങ്ങളിൽ തുടർച്ചയായി ജയിച്ചുനിൽക്കുകയാണ് അവർ. അഞ്ച് കളികൾ തുടർച്ചയായി ജയിച്ച എല്ലാ സീസണുകളിലും കുറഞ്ഞത് പ്ലേ ഓഫിലെത്താൻ മുംബൈ ഇന്ത്യൻസിന് കഴിഞ്ഞിട്ടുണ്ട്.

MI vs GT; എറിഞ്ഞിടാൻ ആളുണ്ടെങ്കിലും ഗുജറാത്തിനെ മുംബൈ ഭയക്കണം; മുംബൈ ഇന്ത്യൻസ് - ഗുജറാത്ത് ടൈറ്റൻസ് മത്സരത്തിൽ ടീമുകൾ ശ്രദ്ധിക്കേണ്ടത് ഇതൊക്കെ
ഈ സീസണിൽ പ്ലേ ഓഫ് യോഗ്യതക്കായി ശക്തമായ പോരാട്ടമാണ് ടീമുകൾ തമ്മിൽ നടക്കുന്നത്. മൂന്ന് ടീമുകൾ ഔദ്യോഗികമായി പുറത്തായപ്പോൾ, ഏഴ് ടീമുകളാണ് ആദ്യ നാലിൽ ഇടം പിടിക്കാനായി രംഗത്തുള്ളത്. നിലവിലെ സാഹചര്യങ്ങൾ പരിശോധിക്കുമ്പോൾ 18 പോയിന്റ് നേടുന്ന ടീമുകൾക്ക് മറ്റ് മത്സരഫലങ്ങളെയൊന്നും ആശ്രയിക്കാതെ പ്ലേ ഓഫിലെത്താൻ സാധിക്കും. നിലവിൽ 14 പോയിന്റാണ് മുംബൈ ഇന്ത്യൻസിനുള്ളത്. ശേഷിക്കുന്ന മൂന്ന് കളികളിൽ രണ്ടെണ്ണത്തിൽ വിജയിക്കാനായാൽ മുംബൈക്ക് പ്ലേ ഓഫ് യോഗ്യത ഉറപ്പാക്കാമെന്ന് ചുരുക്കം‌.

രോഹിത് ശർമ ഇമ്പാക്ട് പ്ലേയറായി കളിക്കുന്നതിന് കാരണം ഇതാണ്; അവസാനം വെളിപ്പെടുത്തി മുംബൈ ഇന്ത്യൻസ് പരിശീലക‌ൻ
ഇന്ന് ഗുജറാത്ത് ടൈറ്റൻസിന് എതിരെ നടക്കാനിരിക്കുന്ന കളിക്ക് ശേഷം മെയ് 11 ന് പഞ്ചാബ് കിങ്സിന് എതിരെയും, മെയ് 15 ന് ഡെൽഹി ക്യാപിറ്റൽസിന് എതിരെയുമാണ് മുംബൈ ഇന്ത്യൻസിന് മത്സരങ്ങൾ. ഈ മൂന്ന് കളികളിൽ രണ്ടെണ്ണത്തിൽ വിജയിച്ചാൽ മുംബൈ ഇന്ത്യൻസ് പ്ലേ ഓഫിലേക്ക് എത്തുമെന്ന് ഉറപ്പ്. അവസാന മൂന്ന് മത്സരങ്ങളിൽ രണ്ടെണ്ണം മുംബൈ കളിക്കുന്നത് ഹോം ഗ്രൗണ്ടായ വാംഖഡെയിൽ ആണെന്നതും ശ്രദ്ധേയം.