ഇതുവരെ അവരൊക്കെയുണ്ടായിരുന്നു! ഇനിയാണ് പാടുപെടാന്‍ പോവുന്നതെന്ന് ദേവിക! പുതിയ മാറ്റത്തെക്കുറിച്ച് പറഞ്ഞ് വിജയും

Edited byഅനുപമ നായർ | Samayam Malayalam | Updated: 19 Apr 2025, 4:59 pm

വിജയ് മാധവും ദേവിക നമ്പ്യാരും വ്‌ളോഗുമായി സജീവമാണ്. ജീവിത വിശേഷങ്ങളെല്ലാം ഇരുവരും പങ്കുവെക്കാറുണ്ട്. വിവാഹവും, അതിന് ശേഷമുള്ള ജീവിതവും, മക്കളുടെ വരവും, അവരുടെ കാര്യങ്ങളെക്കുറിച്ചുമെല്ലാം ഇരുവരും വാചാലരാവാറുണ്ട്. ഇത്തവണ ശരിക്കും പേടിച്ചുപോയിരുന്നു. നോര്‍മല്‍ ഡെലിവറിയായിരുന്നു പ്രതീക്ഷിച്ചതെങ്കിലും അവസാനനിമിഷം സിസേറിയനിലേക്ക് പോവുകയായിരുന്നു. ഒരു ദിവസമെടുത്താണ് ദേവികയ്ക്ക് ബോധം വന്നത്. ആ സമയം വരെ ഉപവാസമായിരുന്നു വിജയിന്. അതേക്കുറിച്ച് പറഞ്ഞുള്ള വീഡിയോ നേരത്തെ വൈറലായിരുന്നു.

വിഷുവിന് തലേന്നായിരുന്നു പുതിയ ഫ്‌ളാറ്റിലെ പാലുകാച്ചല്‍. അതിന് ശേഷം വിഷുക്കണി വെച്ചിരുന്നു. പിന്നെ അവിടെ നിന്നും വീട്ടിലേക്ക് വന്നതാണ്. ഫ്‌ളാറ്റിലേക്കുള്ള സാധനങ്ങളൊക്കെ സെറ്റാക്കുന്നേയുള്ളൂ. മക്കളുടെ കാര്യങ്ങള്‍ക്കിടയില്‍ പൂര്‍ണമായി അതിനായി ഓടാന്‍ മാഷിന് പറ്റുന്നില്ല. ദേവികയുടെ അച്ഛന്‍ ഫ്‌ളാറ്റിലേക്ക് വന്നതിന്റെ വിശേഷങ്ങളായിരുന്നു പുതിയ വ്‌ളോഗിലൂടെ കാണിച്ചത്. അവിടെയൊരാള്‍ കരയുന്നു, വേറൊരാള്‍ കുളിക്കുന്നു, ഇനിയൊരാളാവട്ടെ അടുക്കളയിലും. എല്ലാം കൂടെ എന്നെക്കൊണ്ട് മാനേജ് ചെയ്യാനാവുമോയെന്നതില്‍ കണ്‍ഫ്യൂഷനാണ്.

Also Read: അഹാനയെ അല്ലേ അങ്ങനെ വിളിക്കേണ്ടതെന്ന് ഹന്‍സു! അമ്മയുടെ ആ വിളി ഇഷ്ടപ്പെടാത്തതിന് കാരണം? ജപ്പാന്‍ യാത്രയില്‍ സംഭവിച്ചതിനെക്കുറിച്ച് സിന്ധു കൃഷ്ണ

ഇതുവരെ ഞങ്ങളുടെ കൂടെ അമ്മമാരൊക്കെയുണ്ടായിരുന്നു. ഇനിയാണ് ശരിക്കും പാടുപെടാന്‍ പോവുന്നതെന്ന് ദേവിക പറഞ്ഞപ്പോള്‍ ഞാന്‍ എന്റെ പാടുനോക്കി പോവുമെന്നായിരുന്നു വിജയിന്റെ മറുപടി. പാട്ടും, ഷോകളും, സിനിമയുമൊക്കയായി ഞാനങ്ങ് പോവും. ബോബനും മോളിയും പട്ടിക്കുട്ടിയും പോലെ ഞങ്ങളും വരുമെന്നായിരുന്നു ദേവിക പറഞ്ഞത്. മാഷിന് എല്ലാം ചെയ്യാനറിയാം. പക്ഷേ, ചിലതൊന്നും ചെയ്യില്ല. ഇഷ്ടപ്പെട്ട് പോയാല്‍ എന്നും ചെയ്യേണ്ടി വന്നാലോ എന്ന പേടിയാണ്.


അച്ഛന്‍ വരുന്നത് പ്രമാണിച്ച് സ്‌പെഷലായി പുഡിംഗും ഉണ്ടാക്കിയിരുന്നു ദേവിക. അച്ഛനും അമ്മയ്ക്കും മാങ്ങയും ചക്കയുമൊക്കെ ഇഷ്ടമാണ്. ആരെ കണ്ടാലും നിങ്ങളുടെ വീട്ടില്‍ ചക്കയുണ്ടോ, മാങ്ങയുണ്ടോ എന്നൊക്കെയാണ് ചോദിക്കുന്നത്. അതുകൊണ്ട് തന്നെ അവരുടെ മനസ് മനസിലാക്കിയായിരുന്നു മകള്‍ പുഡിംഗ് തയ്യാറാക്കിയത്. അതേക്കുറിച്ചും ദേവിക വിശദമായി സംസാരിച്ചിരുന്നു.

ആത്മജയെ മാനേജ് ചെയ്യാന്‍ അന്നും ഇന്നും വലിയ ബുദ്ധിമുട്ടില്ല. കാറില്‍ കയറിയാല്‍ ആള്‍ ഉടനെ ഉറങ്ങും. പിന്നെ ലക്ഷ്യസ്ഥാനത്ത് എത്തിയാലേ എഴുന്നേല്‍ക്കൂ. അങ്ങനെ വാശിയോ, കരച്ചിലോ ഒന്നുമില്ലാത്ത ആളാണ്. അതിനും വേണ്ടി മോള്‍ വഴക്കുണ്ടാക്കുന്നുണ്ട്. കാറില്‍ കയറിയാല്‍ കരച്ചില്‍ തുടങ്ങും. അമ്മയെ കിട്ടുന്ന വരെ കരച്ചിലാണ്. പിന്നെ അമ്മ തന്നെ മാനേജ് ചെയ്യണമെന്നുമാണ് വിജയ് പറഞ്ഞത്.