ഇതൊരു നോർമൽ കഥയല്ല, എനിക്ക് വേണ്ടി എഴുതിയതും അല്ല; ഗാംഭീര്യം നിറയ്ക്കുന്ന തീപ്പൊരി പ്രസംഗവുമായി ലാലേട്ടൻ

മോഹൻലാൽ നായകനാകുന്ന വൃഷഭ ഈ വർഷം ക്രിസ്മസ് റിലീസ് ആയി തിയേറ്ററുകളിൽ എത്തുന്ന ചിത്രമാണ്. തിയേറ്റർ റിലീസിന് മുന്നോടിയായി, നിർമ്മാതാക്കൾ ചിത്രത്തിന്റെ മാസ്മരികത കാണിക്കുന്ന രീതിയിൽ ഉള്ള ട്രെയിലറുകൾ പുറത്തിറക്കി. വൃഷഭയുടെ ഒരു മിനിറ്റും 47 സെക്കൻഡും ദൈർഘ്യമുള്ള ട്രെയിലർ ഒരു ഫാന്റസി വേൾഡിൽ എത്തിയപ്പോൾ കാഴ്ചക്കാരെ തോന്നിപ്പിക്കുന്ന രീതിയിൽ ആണ് ഒരുക്കിയത്. രണ്ടുകാലഘട്ടങ്ങളെ അവിസ്മരണീയമാക്കുകയാണ് ചിത്രം. ഒരു അച്ഛനും മകനും തമ്മിലുള്ള അഭേദ്യമായ ബന്ധത്തിന്റെ കഥയാണ് എങ്കിലും വ്യത്യസ്തമായ കാതസന്ദര്ഭങ്ങളിലൂടെയാണ് ചിത്രം സഞ്ചരിക്കുന്നത്.

വ്യത്യസ്തം ആണെന്ന് തോന്നി. നോർമൽ സിനിമയുടെ കഥയല്ല. കണ്ടാൽ നിങ്ങൾക്ക് കുറച്ചുകൂടി മനസിലാകും. ബന്ധങ്ങൾക്ക് വലിയ സ്ഥാനം ഉണ്ട്. ഒരുപാട് ആക്ഷൻസ് ഉണ്ട്. ഞാൻ ഇങ്ങനെ ഒരു സിനിമ മുൻപേ ചെയ്തിട്ടില്ല എന്നാണ് ലാലേട്ടൻ ഇക്കഴിഞ്ഞ ദിവസം പറഞ്ഞത്. എത്രത്തോളം വിജയിക്കും എന്നുള്ളത് പിന്നെയെ നമുക്ക് പറയാൻ ആകൂ. പക്ഷേ ഞാൻ അത്രയും ഇഷ്ടപ്പെട്ട് ചെയ്‌തു ചെയ്ത സിനിമ ആണ്. പിന്നെ സംവിധായകനിൽ ഞാൻ വിശ്വസിക്കുന്നു. കണ്ടന്റിൽ വലിയ വ്യത്യാസം ഉണ്ട്. എനിക്ക് വേണ്ടി എഴുതിയ കഥയൊന്നും അല്ല, പക്ഷേ ഇങ്ങനെ ഒരു കഥയുണ്ട് വരാമോ എന്ന് ചോദിച്ചു ഞാൻ പോയി അഭിനയിച്ചു; മോഹൻലാൽ പറയുന്നു.

മിക്ക ലെജൻഡ്സിന് ഒപ്പം ഞാൻ അഭിനയിച്ചിട്ടുണ്ട്. സീനിയേഴ്സിന് ഒപ്പവും. ഏതു സഹപ്രവർത്തകർക്ക് ഒപ്പം ഞാൻ വർക്ക് ചെയ്താലും അതിന് എന്റെ ലൈഫിൽ സ്ഥാനം ഉണ്ട്, ഒരു സിനിമയെ കുറിച്ചും അങ്ങനെ പ്രത്യേകിച്ച് എനിക്ക് എടുത്തുപറയാൻ ആകില്ല. അത്രത്തോളം ഇമോഷണൽ കണക്ഷൻസ് ഉണ്ട് ഓരോ സിനിമയും ആയി. വൃഷഭയിലും അങ്ങനെ ഒരുപാട് ഇമോഷൻസ് കൂടിച്ചേർന്നതാണ്.മോഹൻലാൽ പറഞ്ഞു.

സമർജിത് ലങ്കേഷ്, നയൻ സരിക, രാഗിണി ദ്വിവേദി, അജയ്, നേഹ സക്‌സേന, വിനയ് വർമ്മ, ഗരുഡ റാം, അലി, കിഷോർ, തുടങ്ങിയവരും പ്രധാന വേഷങ്ങളിൽ ചിത്രത്തിൽ അഭിനയിക്കുന്നു.

നന്ദ കിഷോർ രചനയും സംവിധാനവും നിർവ്വഹിക്കുന്ന ഈ ചിത്രത്തിന്റെ സംഗീതം സാം സി.എസ്. നിർവ്വഹിക്കുന്നു. ഛായാഗ്രഹണം ആന്റണി സാംസണും എഡിറ്റിംഗ് കെ.എം. പ്രകാശും ആണ് നിർവഹിക്കുന്ത് . തെലുങ്കിലും മലയാളത്തിലും ഒരേസമയം ചിത്രീകരിച്ച ഈ ചിത്രം ഹിന്ദിയിലും കന്നഡയിലും ഡബ്ബ് ചെയ്ത് റിലീസ് ചെയ്യും.