ഇതൊരു ബി​ഗ് അനൗൺസ്മെന്റ് ആണ്; ​ഗർഭിണിയാണ് എന്ന വാർത്തകൾക്ക് വ്യക്തത നൽകി കെനിഷാ ഫ്രാൻസിസ്, ഫുഡ് ബേബിയാണ്!

Authored by: അശ്വിനി പി|Samayam Malayalam•10 Oct 2025, 2:33 pm

അടുത്തിടെ ഏറെ വൈറലായ ഒരു പേരാണ് കെനിഷാ ഫ്രാൻസിസ് . നടൻ ജയം രവിയുമായി ചേർത്ത് പല ഗോസിപ്പു കോളങ്ങളിലും കെനിഷാ ഫ്രാൻസിസ് എന്ന ഗായികയുടെ പേര് സജീവമായിരുന്നു. ഇപ്പോഴിതാ കെനിഷാ ഗർഭിണിയാണ് എന്ന ഗോസിപ്പുകൾ പ്രചരിക്കുന്നു. വാർത്തകൾക്ക് തന്റെ സോഷ്യൽ മീഡിയ പേജിലൂടെ കെനിഷാ ഫ്രാൻസിസ് മറുപടി നൽകി.

ഹോ ഇതൊരു ബിഗ് അനൗൺസ്മെന്റാണ്. ഞാൻ പ്രഗ്നന്റ് ആണോ എന്ന്. നോക്കൂ, ഇത് ഭക്ഷണം കഴിച്ചിട്ടുള്ള വയറാണ് - എന്ന് ഒരു വീഡിയോയിലൂടെയാണ് കെനിഷാ അറിയിക്കുന്നത്. നേരത്തെ കെനിഷാ തന്റെ പുതിയ ആൽബത്തിന്റെ ഷൂട്ടിനിടെയുള്ള ചില ചിത്രങ്ങൾ പങ്കുവച്ചപ്പോഴും പ്രെഗ്നൻസി ഗോസിപ്പുകൾ പ്രചരിച്ചിരുന്നു. എനിക്ക് സിക്സ് പാക്കില്ല, പക്ഷേ ഞാൻ ഗർഭിണിയല്ല എന്നായിരുന്നു അന്ന് ഗായിക നൽകിയ മറുപടി.

Also Read: വലിയൊരു സർജറിയാണ് കഴിഞ്ഞത്! ഒരു വർഷം കൊണ്ട് രണ്ട് ലോകം കണ്ടു; ആരോഗ്യ അവസ്ഥയെ കുറിച്ച് ശ്രുതിക അർജുൻ

ആർതി രവിയുമായുള്ള വിവാഹ ബന്ധത്തിൽ അനുഭവിച്ച മാനസിക സമ്മർദ്ദത്തെ തുടർന്നാണ് തെറാപ്പിയുടെ ഭാഗമായി കെനിഷാ ഫ്രാൻസിസിലേക്ക് എത്തിയത് എന്നാണ് ജയം രവി എന്ന രവി മോഹൻ പറഞ്ഞത്. കെനീഷാ തന്റെ ഹീലർ ആണ് എന്നും പാർട്ണർ ആണ് എന്നും നടൻ തുറന്ന് പറഞ്ഞിട്ടുള്ളതാണ്. എന്നാൽ വിവാഹ മോചനത്തിന് കാരണം കെനിഷാ അല്ല എന്നും വ്യക്തമാക്കിയിട്ടുണ്ട്.

അടുത്തിടെ ജയം രവി സ്വന്തമായി ഒരു പ്രൊഡക്ഷൻ ഹൗസ് ആരംഭിച്ചിരുന്നു. അവിടെയും കെനിഷായെ ചേർത്തു പിടിച്ചാണ് സംസാരിച്ചത്. അമ്മ കഴിഞ്ഞാൽ ഇന്ന് തന്റെ ഏറ്റവും വലിയ പിൻബലം കെനിഷാ ഫ്രാൻസിസ് ആണ് എന്ന് രവി പറഞ്ഞിരുന്നു. അതേ സമയം തങ്ങൾ ജീവിത പങ്കാളികളാണെന്ന് എവിടെയും ഇരുവരും പറഞ്ഞിട്ടില്ല. ഇപ്പോഴും ഉറ്റ സുഹൃത്ത് എന്ന നിലയിൽ തന്നെയാണ് പരസ്പരം വിശേഷിപ്പിക്കുന്നത്.


രവി മോഹന്റെ പ്രൊഡക്ഷൻ ഹൗസിനും സിനിമ കരിയറിനും കെനിഷാ എത്രത്തോളം സപ്പോർട്ടീവാണോ, അത്ര തന്നെ കെനിഷായുടെ മ്യൂസിക് കരിയറിനും ആൽബത്തിനും സപ്പോർട്ടീവാണ് രവി മോഹൻ. ഏറ്റവും ഒടുവിൽ പുറത്തിറങ്ങിയ ആൽബത്തിലും അത് കാണാമായിരുന്നു. രവി മോഹൻ പ്രൊഡക്ഷൻസ് ആദ്യമായി നിർമിച്ചത് എൻ വാനം നീയേ എന്ന കെനീഷായുടെ ആൽബമാണ്. ഇതിന്റെ വരികൾ എഴുതിയത് രവി തന്നെയാണ് എന്നതും പ്രത്യേകതയാണ്.