ഇത് കാണാന്‍ അച്ഛനില്ലാതെ പോയല്ലോ, എന്നാലും ജീവിതത്തിലേക്ക് തിരിച്ചുവന്നതില്‍ സന്തോഷ; താരപുത്രിയെ പ്രശംസിച്ച് ആരാധകര്‍

മാരി എന്ന ചിത്രത്തിന് ശേഷം തമിഴ് സിനിമാ ഹാസ്യ ലോകത്ത് തന്റേതായ ഇടം കണ്ടെത്തിയ നടനായിരുന്നു റോബോ ശങ്കര്‍. രജിനികാന്ത്, കമല്‍ ഹാസന്‍, അജിത്ത്, വിക്രം, സൂര്യ, വിജയ്, ധനുഷ്, സിവകാര്‍ത്തികേയന്‍ എന്നിങ്ങനെ തമിഴിലെ എല്ലാ സൂപ്പര്‍താരങ്ങള്‍ക്കുമൊപ്പം സ്‌ക്രീന്‍ പങ്കിട്ട നടന് തന്റേതായ ഒരു അഭിനയ ശൈലിയുംം സംഭാഷണ രീതിയും ഉണ്ടായിരുന്നു. അത് തന്നെയാണ് അദ്ദേഹത്തെ ജനപ്രിയനാക്കിയതും.

ആരോഗ്യ പരമായ പ്രശ്‌നങ്ങളെ തുടര്‍ന്ന് റോബോ ശങ്കര്‍ മരണപ്പെട്ടിട്ട് അഞ്ച് മാസം കഴിയുന്നു. അതില്‍ നിന്ന് പുറത്തു കടക്കുക എന്നത് ഭാര്യ പ്രിയങ്കയ്ക്കും ഏകമകള്‍ ഇന്ദ്രജയ്ക്കും അത്ര എളുപ്പമായ ഒന്നല്ല. ആ വേദന ഇപ്പോഴും വേട്ടയാടുമ്പോഴും, സാധാരണ ജീവിതത്തിലേക്ക് ഇന്ദ്രജയും പ്രിയങ്കയും തിരിച്ചെത്തി എന്നാണ് ഇപ്പോള്‍ റോബോ ശങ്കറിനെ ഇഷ്ടപ്പെട്ടവരുടെ സമാധാനം.

Also Read: എന്നാലും ആ വലിയ മനസ്സിനെ സമ്മതിച്ചേ പറ്റൂ, ചിരിച്ചുകൊണ്ട് സ്വീകരിച്ചല്ലോ; സംയുക്തയെ കുറിച്ച് ആരാധകര്‍

ശിവരാത്രി ദിനത്തില്‍ വീണ്ടും ചിലങ്കയണിഞ്ഞ് ഇന്ദ്രജ ചുവടുവച്ചു. ആ ചിത്രങ്ങള്‍ താരപുത്രി സോഷ്യല്‍ മീഡിയയില്‍ പങ്കുവയ്ക്കുകയും ചെയ്തു. ശിവതാണ്ഡവത്തിന്റെ ഒരു ചെറു തുള്ളിയാണ് എന്റെ നൃത്തം. ആംഗിക ഫൈന്‍ ആര്‍ട്‌സ് അക്കാദമയുടെ നാട്യാഞ്ജലി 2026 ല്‍ പങ്കെടുക്കാന്‍ കഴിഞ്ഞതില്‍ വളരെ അധികം സന്തോഷമുണ്ട് എന്ന് ഇന്ദ്രജ പറയുന്നു.

ഇന്ന് ഞാന്‍ ആരാണോ, ആ എന്നെ വാര്‍ത്തെടുത്തതിന് ഗുരു തുളസി വിഇആര്‍ സേതുലക്ഷ്മി മാഡത്തിനോട് എന്നും നന്ദിയും കടപ്പാടും മാത്രം. നിന്റെ പ്രകടനത്തില്‍ നിന്റെ ഗുരു പ്രതിഫലിക്കുന്നു എന്ന് എല്ലാവരും എന്നോട് പറഞ്ഞു. ആ വാക്കുകള്‍ 18 വര്‍ഷത്തെ എന്റെ ഭരതനാട്യം ജീവിതത്തെ അര്‍ത്ഥവത്താക്കുന്നതാണ് മാം- എന്നാണ് ഇന്ദ്രജ ഫോട്ടോകള്‍ക്കൊപ്പം ഇന്‍സ്റ്റഗ്രാമില്‍ കുറിച്ചത്.

നര്‍ത്തകി മാത്രമല്ല, റോബോ ശങ്കറിന്റെ മകള്‍ എന്നതിനപ്പുറം ബിഗ് സ്‌ക്രീനിലും മിനിസ്‌ക്രീനിലും ഇന്ദ്രജ സാന്നിധ്യം അറിയിച്ചിട്ടുണ്ട്. വിജയ് യുടെ ബിഗില്‍ എന്ന ചിത്രത്തിലെ പാണ്ഡിയമ്മ എന്ന കഥാപാത്രത്തിലൂടെ ഏറെ പരിചിതയാണ് ഇന്ദ്രജ. പാഗല്‍, വിരുമാന്‍, അഗത്യ, കോരന്‍ എന്നീ സിനിമകളിലും താരപുത്രി അഭിനയിച്ചിട്ടുണ്ട്.