ഇത് തൃഷയ്ക്ക് വേണ്ടിയല്ല, സൂര്യയ്ക്ക് വേണ്ടിയുള്ള ആഘോഷം; ആര്‍ജെ ബാലാജിയെ പ്രശംസിച്ച് ആരാധകര്‍

ജയിച്ചിട്ടേന്‍ മാരാ.. ഇപ്പോള്‍ സോഷ്യല്‍ മീഡിയയില്‍ ട്രെന്റ്ങ് ആകുന്ന ഹാഷ് ടാഗാണിത്. സൂര്യയുടെ ഒറു ഗംഭീര തിരിച്ചുവരവിന് ആഗ്രഹിച്ച പ്രേക്ഷകര്‍ക്ക് അത്രയും വലിയൊരു ആഘോഷമായി തന്നെ കറുപ്പ് സിനിമ എത്തിയിരിക്കുന്നു. അതും ഒരുപാട് പ്രതിസന്ധികളും പ്രശ്‌നങ്ങളും തരണം ചെയ്‌തൊരു വിജയം. ഇത് ചരിത്രം ആവര്‍ത്തിച്ചതാണെന്നാണ് ആരാധകരുടെ പക്ഷം

മുന്‍പ് സിങ്കം എന്ന സിനിമയുടെ റിലീസിങ് സമയത്തും പ്രതിസന്ധികളെ തുടര്‍ന്ന് റിലീസ് നീട്ടി വയ്‌ക്കേണ്ടി വന്നിരുന്നു. അന്നത് ഒരി ദുശ്ശകനും ആണെന്ന് പലരും പറഞ്ഞു. പക്ഷേ സിങ്കം ചരിത്ര വിജയം നേടി. കറുപ്പിന്റെ റിലീസും നിര്‍മാതാവിന്റെ സാമ്പത്തിക പ്രതിസന്ധിയെ തുടര്‍ന്ന് നീട്ടി വയ്‌ക്കേണ്ടി വന്നപ്പോഴും ആളുകള്‍ പറഞ്ഞത് അത് തന്നെയാണ്, ഇത് സിങ്കം പോലെ ഹിറ്റാകും എന്ന്, അത് ഫലിച്ചു.

Also Read: ജീവിക്കാന്‍ അനുവദിക്കൂ, ഫോണില്‍ വിളിച്ച് അശ്ലീലം ആവശ്യപ്പെടുന്നവര്‍ക്കെതിരെ സീതത്തോട് ദീപ്തി

സിനിമ റിലീസിങ് പ്രതിസന്ധി നേരിട്ട ഘട്ടത്തിലും സംവിധായകന്‍ ആര്‍ ജെ ബാലാജി കരഞ്ഞുകൊണ്ട് ഒരുറപ്പ് നല്‍കിയിരുന്നു, സിനിമ ഇറങ്ങിയാല്‍ നിങ്ങള്‍ക്കെല്ലാം അത് ഇഷ്ടമാവും, കറുപ്പ് സൂപ്പര്‍ ഹിറ്റ് വിജയമായിരിക്കും, ഇതൊരു സൂപ്പര്‍ പടമാണ് എന്ന്. ആ പറഞ്ഞ വാക്കും സംവിധായകന്‍ പാലിച്ചിരിയ്ക്കുന്നു.

റിലീസിങ് പ്രതിസന്ധികള്‍ മറികടന്ന് ചിത്രം തിയേറ്ററുകളിലെത്തിയപ്പോള്‍ ഫാന്‍സിനൊപ്പം ആര്‍ജെ ബാലാജിയും തൃഷയും, കാര്‍ത്തിയും മറ്റ് അണിയറ പ്രവര്‍ത്തകരും ഒന്നിച്ചാണ് സിനിമ കണ്ടത്. പല പ്രശ്‌നങ്ങള്‍ പരിഹരിക്കുന്ന തിരക്കില്‍ സൂര്യ ഫസ്റ്റ് ഡേ ഫസ്റ്റ് ഷോ കണാണാന്‍ എത്തിയില്ല. സിനിമ കഴിഞ്ഞതും ആളുകള്‍ വിസിലടിച്ച് വരവേറ്റു, ആര്‍ജെബി എന്ന് വിളിച്ച് ആര്‍ത്തലച്ചു. സന്തോഷം പങ്കുവച്ചുകൊണ്ടുള്ള ആര്‍ജെ ബാലാജിയുടെ വീഡിയോകളും സോഷ്യല്‍ മീഡിയിയല്‍ വൈറലൈണ്.

28 വര്‍ഷങ്ങള്‍ക്ക് ശേഷം തൃഷയും സൂര്യയും ഒന്നിക്കുന്ന ചിത്രം എന്നൊക്കെ പറഞ്ഞായിരുന്നു പ്രഖ്യാപന സമയത്ത് സിനിമയ്ക്ക് പ്രമോഷന്‍ നല്‍കിയത്. എന്നാല്‍ വിജയിച്ചപ്പോള്‍ തൃഷയുടെ പേരേ അതില്ലില്, സൂര്യയ്ക്ക് വേണ്ടിയാണ് ഈ ആഘോഷം എന്നത് വ്യക്തമാണ്. കഴിഞ്ഞ കുറച്ച് വര്‍ഷങ്ങളായി തുടര്‍ പരാജയങ്ങള്‍ നേരിട്ടുകൊണ്ടിരിയ്കക്ുന്ന സൂര്യയുടെ വിജയമായിട്ടാണ് കറുപ്പ് ആഘോഷിക്കുന്നത്. മലയാളി പ്രേക്ഷകര്‍ക്കിടയിലും അതിന്റെ അലയടികളുണ്ട്.