ഇത് പ്രശ്നമാവും എന്ന് എനിക്ക് നേരത്തെ അറിയാമായിരുന്നു; കമൽ ഹാസനുമായുള്ള റൊമാൻസ്, വിമർശനങ്ങൾക്ക് തൃഷയുടെ മറുപടി

Authored by: അശ്വിനി പി|Samayam Malayalam•21 May 2025, 6:17 pm

തഗ്ഗ് ലൈഫ് എന്ന ചിത്രത്തിന്റെ തിരക്കിട്ട പ്രമോഷൻ തിരക്കുകളിലാണ് സിനിമയുടെ അണിയറ - മുന്നണി പ്രവർത്തകർ. മൂന്ന് പതിറ്റാണ്ടുകൾക്ക് ശേഷം കമൽ ഹാസനും മണിരത്നവും ഒന്നിക്കുന്ന ചിത്രത്തിൽ ചിമ്പു, നാസർ, തൃഷ കൃഷ്ണൻ, അഭിരാമി തുടങ്ങിയ ഒരു വലിയ താരനിര തന്നെയുണ്ട്. ചിത്രത്തിന്റെ ട്രെയിലറിനൊക്കെ ഗംഭീര അഭിപ്രായവും വന്നിരുന്നു. അതേ സമയം ചില വിമർശനങ്ങളും ഉയർന്നു.

എഴുപതുകാരനായ കമൽ ഹാസൻ തന്റെ മകളുടെ പ്രായമുള്ള നടിമാർക്കൊപ്പം റൊമാൻസ് ചെയ്തതായിരുന്നു വിഷയം. അഭിരാമിയുമായുള്ള ലിപ് ലോക്ക് രംഗത്തെ വ്യാപകമായി വിമർശിച്ചു. തൃഷയുടെ റോളിന് എതിരെയും ഉണ്ടായിരുന്നു വിമർശനം. രണ്ട് മിനിട്ട് ദൈർഘ്യമുള്ള ട്രെയിലറിൽ കമലിനൊപ്പം റൊമാൻസ് ചെയ്യുന്ന തൃഷയെയും കാണാം. അഭിരാമിയും - കമൽ ഹാസനും ഭാര്യയും ഭർത്താവുമായി അഭിനയിക്കുമ്പോൾ, കമൽ ഹാസനൊപ്പം റൊമാൻസ് ചെയ്യുന്ന തൃഷയ്ക്ക് സിനിമയിൽ എന്താണ് റോൾ എന്നായിരുന്നു സംശയം.

Also Read: മാസാമാസം 40 ലക്ഷം നൽകണം! കോടതിയിൽ ജയം രവിയിൽ നിന്ന് ജീവനാംശം ആവശ്യപ്പെട്ട് ആർതി; 15 വർഷത്തെ പ്രണയ ജീവിതത്തിന്റെ അർത്ഥം?

എല്ലാ ചോദ്യങ്ങൾക്കുമുള്ള ഉത്തരം മുംബൈയിൽ നടന്ന പ്രസ്സ് മീറ്റിൽ തൃഷ കൃഷ്ണൻ നൽകി. തഗ്ഗ് ലൈഫ് എന്ന ചിത്രത്തിന്റെ പ്രഖ്യാപനം കഴിഞ്ഞ സമയത്തെ എനിക്ക് അറിയാമായിരുന്നു, ഇത്തരം വിമർശനം വരുമെന്ന്, അപ്പോൾ ഞാൻ സിനിമയുടെ കരാറിൽ ഒപ്പ് വച്ചിരുന്നില്ല. പക്ഷേ അതേ സമയം ഇതൊരു മാജിക് ആണെന്ന വിശ്വാസവും എനിക്കുണ്ടായിരുന്നു. അപ്പോൾ ഞാൻ ഈ സിനിമയുടെ ഭാഗമായിരുന്നില്ല - തൃഷ പറഞ്ഞു.


കമൽ ഹാസൻ - മണിരത്നം എന്നിങ്ങനെ രണ്ട് പ്രകത്ഭർക്കൊപ്പം വർക്ക് ചെയ്യുന്നതിലെ സന്തോഷവും അഭിമാനവും തൃഷ കൃഷ്ണൻ പങ്കുവച്ചു. തിരശ്ശീലയ്ക്ക് പിന്നിലുള്ള അവർ രണ്ട് പേരുടെയും സിങ്ക് അപാരമാണ്, കണ്ണെടുക്കാൻ തോന്നില്ല. ശ്ശൊ നമ്മൾ അഭിനേത്താക്കളാണ്, അവരെ നോക്കിയിരിക്കാതെ, എന്തെങ്കിലും വർക്ക് ചെയ്യണം എന്ന് സ്വയം ഓർമപ്പെടുത്തേണ്ട ഇവസ്ഥയായിരുന്നു. തീർത്തും മാജിക് ആയ അനുഭവം തന്നെ - തൃഷ കൃഷ്ണൻ പറഞ്ഞു.