ഇത്തവണ ഭാവനയ്ക്ക് വേണ്ടി സ്‌പെഷ്യലാണ്; വീണ്ടും വൈറലായി കൂട്ടുകാരികള്‍ക്കൊപ്പമുള്ള ഡാന്‍സ്

ഒരിടയ്ക്ക് ഭാവന യും സുഹൃത്തുക്കളും ചെയ്ത ഡാന്‍സ് വീഡിയോ വന്‍ വൈറലായിരുന്നു. ഭാവന, ഷഫ്‌ന നിസാം, ശില്‍പ ബാല, മൃദുല വാര്യര്‍, സയനോര, രമ്യ നമ്പീശന്‍ എന്നിവരടങ്ങുന്ന സംഘത്തിന്റെ ചാന്‍സ് മൂവ്‌മെന്റുകളും, അവരുടെ വസ്ത്രധാരണവും എല്ലാം അന്ന് വലിയ ചര്‍ച്ചയായി, വീഡിയോ കേരളക്കര ഏറ്റെടുക്കുകയും ചെയ്തു,

വര്‍ഷങ്ങള്‍ക്ക് ശേഷം ഇതാ ആ ടീമിന്റെ മറ്റൊരു ഡാന്‍സ് റീല്‍ വൈറലാവുന്നു. പഴയത് പോലെ എല്ലാവരും ഇല്ലെങ്കിലും, ഈ ഡാന്‍സ് വീഡിയോ ഭാവനയ്ക്ക് വേണ്ടി സ്‌പെഷ്യലാണ്. ഷഫ്‌ന നിസാം, ശില്‍പ ബാല, മൃദുല വാര്യര്‍ എന്നിവരാണ് ഡാന്‍സ് വീഡിയോയില്‍ ഭാവനയ്‌ക്കൊപ്പമുള്ളത്.

Also Read: ഒരിക്കല്‍ ബ്രക്കപ് ആയി, കുറച്ച് സീനൊക്കെയായതാണ്; ഒളിച്ചോടിപ്പോയി കല്യാണം ചെയ്തതിനെ കുറിച്ച് ദീപ്തി രാജേഷ്

ഒരിടവേളയ്ക്ക് ശേഷം പുറത്തിറങ്ങുന്ന ഭാവനയുടെ അനോമി എന്ന ചിത്രത്തിന്റെ പ്രമോഷന്റെ ഭാഗമായിട്ടാണ് ഈ ഡാന്‍സ് റീല്‍. ഭാവനയെ റീ ഇന്‍ട്രഡ്യൂസ് ചെയ്യുന്ന സിനിമയാണ് അനോമി എന്നാണ് അണിയറ പ്രവര്‍ത്തകര്‍ പറയുന്നത്. ജീവിതത്തിലെ ഏറ്റവും വലിയൊരു പ്രതിസന്ധി ഘട്ടം വന്നതിന് ശേഷം ഭാവന തിരിച്ച് മലയാളത്തിലേക്ക് എത്തി, സിനിമ ചെയ്യുന്നു എന്നത് തന്നെ ആരാധകരെ സംബന്ധിച്ച് ആഘോഷമായിരുന്നു.

2017 ന് ശേഷം മലയാള സിനിമയില്‍ നിന്ന് മനപൂര്‍വ്വം മാറി നിന്ന ഭാവന അഞ്ച് വര്‍ഷത്തെ ഇടവേളയ്ക്ക് ശേഷമാണ് മലയാള സിനിമയിലേക്ക് തിരിച്ചെത്തിത്. കുറഞ്ഞ പക്ഷം ഇവിടെ ആരെയും കാണേണ്ടല്ലോ, ഒന്നിനും മറുപടി നല്‍കേണ്ടല്ലോ എന്ന് കരുതിയാണ് മാറി നിന്നത് എന്നാണ് ഭാവന പറഞ്ഞത്.

Also Read: ഡോറിനിട്ട് അടിച്ചു, ഒരു സഹായത്തിന് വേണ്ടി കരഞ്ഞു; ആ സിനിമയ്ക്ക് ശേഷം തെറാപ്പി എടുത്തു എന്ന് കാളിദാസ് ജയറാം

കന്നട സിനിമയില്‍ ഞാന്‍ വളരെ സുരക്ഷിതയായിരുന്നു. സിനിമ ചെയ്യുന്നു, തിരിച്ച് വീട്ടിലെത്തുന്നു, ഇഷ്ടമുള്ള ഷോകള്‍ ടിവിയില്‍ കാണുന്നു എന്ന രീതിയില്‍ എന്റെ കംഫര്‍ട്ട് സ്‌പേസില്‍ ജീവിച്ചു. ആ ഒരു ഷെല്‍ പൊളിച്ച് പുറത്തേക്ക് കടക്കാന്‍ തന്നെ പേടിയായിരുന്നു എന്നാണ് ഭാവന പറഞ്ഞത്.

തന്റെ എല്ലാ അവസ്ഥകളിലും പിന്തുണച്ച സുഹൃത്തുക്കളെ കുറിച്ചും ഭാവന സംസാരിച്ചിട്ടുണ്ട്. ഏതൊരു ഘട്ടത്തിലും പിന്തുണയും പ്രോത്സാഹനവും നല്‍കിയത് അവരാണ്. അവരാരും സിനിമ കാരണം വന്ന സുഹൃത്തുക്കളല്ല, പല ഘട്ടങ്ങളിലായി ജീവിതത്തിലേക്ക് വന്നതാണ്. ഈ ഒരു സൗഹൃദം നിലനിര്‍ത്താന്‍ എല്ലാവരും തുല്യ എഫേര്‍ട്ട് എടുക്കുന്നതായും ഭാവന പറഞ്ഞിരുന്നു.