ഇനി എനിക്ക് കുഞ്ഞുങ്ങൾ ഉണ്ടാകില്ലേ എന്ന് പോലും പേടിച്ചു! മീനൂട്ടി ജനിച്ചശേഷമാ പിന്നെ ഞാൻ അത് കമ്മിറ്റ് ചെയ്യുന്നത്; വൈറൽ വീഡിയോ

Authored by: ഋതു നായർ|Samayam Malayalam•22 Jun 2025, 9:52 am

ഒരുപാട് ഒരുപാട് തീയേറ്റർ ഹിറ്റുകൾ മലയാള സിനിമ പ്രേമികൾക്ക് സമ്മാനിച്ച നടനാണ് ദിലീപ് . ജനപ്രിയ നായകൻ ആയി ഇന്നും അദ്ദേഹത്തെ ആരാധകർ വാഴ്ത്താൻ കാരണവും അത് തന്നെയാണ്. കുഞ്ഞിക്കൂനനും ചക്കരമുത്തിലെ അരവിന്ദാക്ഷനും മുതൽ നിരവധി കഥാപാത്രങ്ങൾ. അതിൽ ചാന്തുപൊട്ടിലെ ദിലീപ് ചെയ്ത രാധ എന്ന കഥാപാത്രം എന്നെന്നും അദ്ദേഹത്തിന്റെ ഹിറ്റ് ലിസ്റ്റിൽ ഒന്നാമതുണ്ട്. എന്നാൽ ഈ രാധ ഏറ്റെടുക്കാൻ ഏറെ കാലം വര്ഷങ്ങളോളം താൻ ആലോചിച്ചെടുത്ത തീരുമാനം ആണെന്നാണ് ദിലീപ് മുൻപൊരിക്കൽ പറഞ്ഞിട്ടുള്ളത്.

ദിലീപിന്റെ ആത്മാർത്ഥ സുഹൃത്തും സഹോദര തുല്യനും ആയിരുന്ന കലാഭവൻ മണി നൽകിയ ഉപദേശത്തെ തുടർന്നാണ് താൻ അങ്ങനെ ഒരു തീരുമാനമെടുത്തത് എന്നാണ് ദിലീപ് പറയുന്നത് . മുൻപൊരു സമയത്ത് വൈറലായ വീഡിയോ വീണ്ടും സമൂഹ മാധ്യമങ്ങളിൽ നിറയുകയായിരുന്നു. മണിയുടെ ഉപദേശം കേട്ട് ഏകദേശം എട്ടൊൻപതുവര്ഷത്തോളം ആ സിനിമ മാറ്റിവച്ചു എന്നാണ് ദിലീപ് പറയുന്നത്.

ALSO READ: അനീഷിനും നടി തുഷാരക്കും ഇത് പുതിയജീവിതം! എന്റെ പാർട്ണർ എന്റെ പങ്കാളി!; സന്തോഷം പങ്കുവച്ച് താരങ്ങൾചാന്തുപൊട്ടിന്റ കഥ കേട്ടതിനുശേഷം ഞാൻ ഇങ്ങനെ ഒരു കഥാപാത്രം ചെയ്യുന്നുണ്ടെന്ന് കലാഭവൻ മണിയോട് പറഞ്ഞു. അപ്പോൾ അവൻ എന്നോട് പറഞ്ഞു " എടാ അതൊന്നും ചെയ്യണ്ട, അത് ചെയ്താൽ പിള്ളേർ ഉണ്ടാവില്ല എന്ന്. ഇത് കേട്ടപ്പോൾ എനിക്ക് പേടിയായി. അങ്ങനെ 8 വർഷം ഞാൻ ആ സ്ക്രിപ്റ്റ് മാറ്റിവച്ചു. പിന്നെ മീനൂട്ടി ജനിച്ചതിനുശേഷമാണ് ഞാൻ ആ സിനിമ ചെയ്യുന്നത് എന്ന് ദിലീപ് പറയുന്ന വീഡിയോ ആണ് വീണ്ടും വൈറലാകുന്നത്. അതേസമയം ഏറെ പ്രശംസ നേടി മുന്നേറുകയാണ് ദിലീപിന്റെ ഏറ്റവും പുത്തൻ ചിത്രം പ്രിൻസ് ആൻഡ് ഫാമിലി.

ALSO READ: ഇനി ഇല്ല ആ വാത്സല്യം! അച്ഛനില്ലെന്ന സത്യം ഉൾക്കൊള്ളാൻ വയ്യ; അന്ത്യചുംബനം നൽകാൻ എത്തിയില്ലേ എന്ന ചോദ്യം തന്നെ ആവശ്യമില്ലാത്തത്

അവസാനചിത്രം റിലീസ് ചെയ്ത് ഒരു വർഷത്തിന് ശേഷം ആണ് പ്രിൻസ് ആൻഡ് ഫാമിലി റിലീസ് ചെയ്യുന്നത്. ഈ ചിത്രം ബോക്സ് ഓഫീസ് വിജയമായി മാറി. റിപ്പോർട്ടുകൾ അനുസരിച്ച് ചിത്രത്തിന്റെ മൊത്തം കളക്ഷൻ ഇരുപതുകോടിക്ക് അടുത്താണ്.

എട്ടുകോടി ബജറ്റിലാണ് ഈ ചിത്രം നിർമ്മിച്ചിരിക്കുന്നത്. ബിന്റോ സ്റ്റീഫൻ ആണ് ചിത്രത്തിന്റെ സംവിധായകൻ. സാമൂഹ്യ മാധ്യമങ്ങളും അതിലുപയോഗിക്കുന്ന ഭാഷയും ജീവിത സാഹചര്യങ്ങളുമെല്ലാം എത്രമാത്രം മലയാളി ജീവിതത്തെ മാറ്റിമറിച്ചിരിക്കുന്നുവെന്ന് തുറന്നടിച്ചു കാണിക്കുകയാണ് ബിന്റോ സ്റ്റീഫനെന്ന സംവിധായകന്റെ ആദ്യ ചിത്രം പ്രിന്‍സ് ആന്റ് ഫാമിലിയിലൂടെ.