ഇനി കളിമാറും; ഹോം - എവേ മത്സരങ്ങളുടെ എണ്ണം വർധിപ്പിക്കും; സുപ്രധാന വെളിപ്പെടുത്തൽ നടത്തി ബിസിസിഐ ചെയർമാൻ

Edited byഅനുഷ ഗംഗാധരൻ | Samayam Malayalam | Updated: 29 Apr 2025, 11:54 am

മുംബൈ: ക്രിക്കറ്റ് ആരാധകർ ആഘോഷമാക്കുന്ന ടൂർണമെന്റ് ആണ് ഇന്ത്യൻ പ്രീമിയർ ലീഗ്. 2028 മുതൽ 20 മത്സരങ്ങൾ കൂടി ടൂർണമെന്റിൽ ഉൾപ്പെടുത്താനുള്ള ആലോചനയിലാണ് ഇന്ത്യൻ ക്രിക്കറ്റ് കൺട്രോൾ ബോർഡ് (ബിസിസിഐ). ഐപിഎൽ ചെയർമാൻ അരുൺ ധുമാൽ ആണ് ഈ കാര്യത്തെ കുറിച്ച് സൂചിപ്പിച്ചത്. 2028 ഓടെ മാറ്റങ്ങൾ കൊണ്ടുവരാനാണ് ആലോചിക്കുന്നത് എന്ന് ഇഎസ്പിഎൻ ക്രിക് ഇൻഫൊയോട് സംസാരിക്കവെ അദ്ദേഹം പറഞ്ഞു.
ദൈവം അംഗീകരിച്ചു; പതിനാലുകാരൻ വൈഭവിനെ പ്രശംസിച്ച് ഇതിഹാസങ്ങൾ; ആരാധകരും വമ്പൻ പ്രതീക്ഷയിൽലോക ക്രിക്കറ്റിലെ ഏറ്റവും വലിയ ക്രിക്കറ്റ് ടൂർണമെന്റ് ആണ് ഐ‌പി‌എൽ. അതുകൊണ്ടുതന്നെ ഐപിഎല്ലിൽ കൊണ്ടുവരുന്ന ഈ മാറ്റങ്ങൾ അന്താരാഷ്ട്ര ക്രിക്കറ്റ് ടൂർണമെന്റുകളെയും ബാധിക്കും.
നിലവിൽ, ഐ‌പി‌എൽ ടീമുകളെ രണ്ട് ഗ്രൂപ്പുകളായി ആണ് തിരിച്ചിരിക്കുന്നത്. ഗ്രൂപ്പ് എ, ഗ്രൂപ്പ് ബി എന്നിങ്ങനെയാണ് ഗ്രൂപ്പുകൾ. ഗ്രൂപ്പ് എയിലെ ടീമുകൾ പരസ്പരം 2 മത്സരങ്ങളും ഗ്രൂപ്പ് ബിക്കെതിരെ ഓരോ മത്സരവും കളിക്കുന്നു. എന്നാൽ 2028 ആകുമ്പോഴേക്കും ടീമുകൾക്ക് ഹോം - എവേ ഷെഡ്യൂൾ പൂർണ്ണമായി നൽകുക എന്നതാണ് ഇപ്പോൾ ബിസിസിഐ മുന്നോട്ടുവെക്കുന്ന ആശയം. ഇത് 2028 ആകുമ്പോഴേക്കും മത്സരങ്ങളുടെ എണ്ണം 20 ആയി വർദ്ധിപ്പിക്കും."തീർച്ചയായും, അതൊരു അവസരമായിരിക്കാം. ഐസിസിയിലും ബിസിസിഐയിലും ഞങ്ങൾ ഇതിനെക്കുറിച്ച് ചർച്ച ചെയ്തുവരികയാണ്, ഐസിസി ഇവന്റുകളെ സംബന്ധിച്ചും, ഫ്രാഞ്ചൈസി ക്രിക്കറ്റിനെയും ടി20 ക്രിക്കറ്റിനെയും സംബന്ധിച്ചും ആരാധകരുടെ ആസ്വാദനരീതി മാറിവരുന്നതിനാൽ, ഈ വിഷയത്തിൽ കൂടുതൽ ഗൗരവപരമായ ചർച്ചകൾ നടത്തേണ്ടതുണ്ട്. ഈ കളിയുടെ സ്റ്റേക്ക്‌ഹോൾഡർമാർക്ക് പരമാവധി മൂല്യം സൃഷ്ടിക്കാൻ എങ്ങനെ കഴിയുമെന്നതിലും ശ്രദ്ധ കേന്ദ്രീകരിക്കേണ്ടതുണ്ട്," എന്ന് അരുണ്‍ ധുമാൽ ഒരു അഭിമുഖത്തിൽ പറഞ്ഞു.

അതേസമയം ഐപിഎൽ 2025 സീസൺ കൂടുതൽ ത്രില്ലിങിലേക്ക് കടന്നിരിക്കുകയാണ്. 14 പോയിന്റുമായി റോയൽ ചലഞ്ചേഴ്‌സ് ബാംഗ്ലൂർ ആണ് പോയിന്റ് ടേബിളിൽ ഒന്നാം സ്ഥാനത്തുള്ളത്. തുടക്കം പിഴച്ചെങ്കിലും ഏവരെയും ഞെട്ടിച്ച് മുംബൈ ഇന്ത്യൻസ് ടേബിളിൽ രണ്ടാം സ്ഥാനത്തെത്തിയിരിക്കുകയാണ്. ഗുജറാത്ത് ടൈറ്റൻസ് മൂന്നാം സ്ഥാനത്തും ഡൽഹി ക്യാപിറ്റൽസ് നാലാം സ്ഥാനത്തും തുടരുകയാണ്.

പഞ്ചാബ് കിങ്‌സ്, ലക്‌നൗ സൂപ്പർ ജെയ്ന്റ്സ്, കൊൽക്കത്ത നൈറ്റ് റൈഡേഴ്‌സ് എന്നീ ടീമുകൾ 5 , 6 , 7 എന്നീ സ്ഥാനങ്ങളിൽ തുടരുമ്പോൾ അവസാന മൂന്ന് സ്ഥാനങ്ങൾ രാജസ്ഥാൻ റോയൽസ് , സൺ റൈസേഴ്‌സ് ഹൈദരാബാദ് , ചെന്നൈ സൂപ്പർകിങ്‌സ്‌ എന്നീ ടീമുകൾ നിലനിന്നു. മെയ് 25 നാണ് ഐപിഎൽ 2025 കിരീട പോരാട്ടം നടക്കുക.