ഇന്ത്യ– പാക്കിസ്ഥാൻ പോരാട്ടം ബിഗ് സ്ക്രീനിൽ, ആരാധകർക്കൊപ്പം കളി കണ്ട്് ആസിഫ് അലിയും ജീത്തു ജോസഫും

കൊച്ചി∙ ഏഷ്യാകപ്പില്‍ ഇന്ത്യ– പാക്കിസ്ഥാൻ പോരാട്ടം ബിഗ് സ്ക്രീനിൽ കാണാൻ ഒഴുകിയെത്തി ആരാധകർ. രാത്രി ഏഴു  മണി  മുതൽ കൊച്ചി ഫോറം മാളിലെ സ്ക്രീന്‍ അഞ്ചിലായിരുന്നു ലൈവ് സ്ക്രീനിങ്. മനോരമ ഓൺലൈനും ഫ്‌ളൈവേൾഡ് ഓവർസീസ് എഡ്യൂക്കേഷനും ചേർന്നാണ് ലൈവ് സ്ക്രീനിങ്  സംഘടിപ്പിക്കുന്നത്.

നടൻ ആസിഫ് അലി, സംവിധായകന്‍ ജീത്തു ജോസഫ്, നിര്‍മാതാവ് മുകേഷ് മേത്ത, നടന്മാരായ ഹക്കിം ഷാ,അർജുൻ തുടങ്ങിയവര്‍ കളി കാണാൻ തിയേറ്ററിലെത്തി. മത്സരത്തിനിടയിലെ ചോദ്യങ്ങള്‍ക്ക് കൃത്യമായി ഉത്തരങ്ങൾ പറഞ്ഞ ആരാധകർക്ക് സമ്മാനങ്ങൾ നൽകി.