ഇന്ത്യകണ്ട ഏറ്റവും വലിയ ക്രൂരനും ദുഷ്ടനും ആയിരിക്കുമോ പൃഥ്വിരാജ് സുകുമാരന്‍; രാജമൗലി ചിത്രത്തിന്റെ പോസ്റ്റര്‍ എത്തി

Authored by: അശ്വിനി പി|Samayam Malayalam•7 Nov 2025, 3:24 pm

മലയാള സിനിമയെ അന്താരാഷ്ട്ര തലത്തിലേക്ക് ഉയര്‍ത്തണം എന്നതാണ് തന്റെ ആഗ്രഹം എന്ന് പൃഥ്വിരാജ് സുകുമാരന്‍ മുമ്പ് പറഞ്ഞിട്ടുള്ളതാണ്. അതുകൊണ്ട് തന്നെ പൃഥ്വി മലയാളത്തിന് പുറമെ മറ്റ് ഭാഷാ ചിത്രങ്ങളിലും കേന്ദ്ര കഥാപാത്രമായതില്‍ അതംഭുതപ്പെടാനില്ലായിരുന്നു. എന്നാല്‍ മറ്റ് ഭാഷക്കാരെയും അമ്പരപ്പിക്കുന്ന വിധം പെര്‍ഫോമന്‍സ് ചെയ്ത് പൃഥ്വിരാജ് സുകുമാരന്‍ ഞെട്ടിച്ചുകൊണ്ടേയിരിക്കുകയാണ്.

നിലിവില്‍ ഇപ്പോള്‍ ടോളിവുഡിലും ബോളിവുഡിലും എല്ലാം നിറഞ്ഞു നില്‍ക്കുന്ന പൃഥ്വിരാജിന്റെ ഏറ്റവും പുതിയ ചിത്രത്തിന്റെ പോസ്റ്ററാണ് ഇപ്പോള്‍ വിഷയം. മഹേഷ് ബാബുവിനെ നായകനാക്കി എസ്എസ് രാജമൗലി സംവിധാനം ചെയ്യുന്ന ചിത്രത്തില്‍ പ്രധാന വില്ലനായിട്ടാണ് പൃഥ്വി എത്തുന്നത്. എത്രത്തോളം ക്രൂരനും ദുഷ്ടനുമായ വില്ലനാണ് പൃഥ്വിരാജ് അവതരിപ്പിക്കുന്ന കുംഭ എന്ന് ഈ പോസ്റ്റര്‍ കണ്ടാല്‍ വ്യക്തം.

Also Read: ഈ മോതിരം സ്‌പെഷ്യലാണെന്ന് രശ്മിക മന്ദാന; വിജയ് ദേവരകൊണ്ടയുമായുള്ള വിവാഹം എപ്പോള്‍?

എസ്എസ്എംബി 29 ഗ്ലോബ് ട്രോട്ടര്‍ എന്ന് താത്കാലികമായി പേരിട്ടിരിയ്ക്കുന്ന ചിത്രത്തില്‍ ഒരു ഇലക്ട്രിക് വീല്‍ ചെയറില്‍, വളരെ ക്രൂരമായ മുഖഭാവത്തോടെ ഇരിക്കുന്ന പൃഥ്വിരാജിനെയാണ് കാണാന്‍ സാധിക്കുന്നത്. ഇത് ഒരു ടൈം ട്രാവല്‍ ചിത്രമാണോ എന്ന് തോന്നിപ്പിക്കുന്ന വിധം വന്യമാണ് പോസ്റ്ററിലെ അന്തരീക്ഷം.

ഞാന്‍ ഇതുവരെ ചെയ്തതില്‍ ഏറ്റവും സങ്കീര്‍ണമായ മനസ്സുള്ള കഥാപാത്രമാണ് കുഭ എന്ന പൃഥ്വിരാജ് പറയുന്നു. എന്റെ പരിമിതികളെ നിരന്തരം പരീക്ഷിച്ചുകൊണ്ടിരിക്കാന്‍ അവസരം നല്‍കിയതിന് എസ് എസ് രാജമൗലിയോടും പൃഥ്വു നന്ദി പറയുന്നുണ്ട്. ചിത്രത്തില്‍ മറ്റൊരു പ്രധാന വേഷം ചെയ്യുന്ന ഹോളിവുഡ് ശ്രദ്ധ നേടിയ നടി പ്രിയങ്ക ചോപ്രയും പൃഥ്വിരാജിന്റെ പോസ്റ്റര്‍ ഇന്‍സ്റ്റഗ്രാമില്‍ ഷെയര്‍ ചെയ്തിരിയ്ക്കുന്നു.


പൃഥ്വിരാജിനൊപ്പമുള്ള ആദ്യത്തെ ഷോട്ടിന് ശേഷം ഞാന്‍ അദ്ദേഹത്തിന്റെ അടുത്ത് ചെന്ന് പറഞ്ഞു, ഞാന്‍ ഇതുവരെ കണ്ടിട്ടുള്ളതില്‍ വച്ച് ഏറ്റവും മികച്ച നടന്മാരില്‍ ഒരാളാണ് താങ്കള്‍ എന്ന്. ദുഷ്ടനും ക്രൂരനും ശക്തനുമായ ഈ വില്ലനായി ജീവിച്ചതിന് സംവിധായകന്‍ എന്ന നിലയില്‍ ഞാന്‍ തൃപ്തനാണ്, തന്റെ വീല്‍ ചെയറിലേക്ക് കയറിയതിന് നന്ദി- എന്നാണ് പോസ്റ്റര്‍ പങ്കുവച്ചുകൊണ്ട് എസ്എസ് രാജമൗലി പറഞ്ഞത്.