ഇന്ത്യന്‍ സിനിമ കാത്തിരുന്ന ആ കൂട്ടുക്കെട്ട്; അല്ലു അര്‍ജുനും ലോകേഷ് കനകരാജും ഒന്നിക്കുന്നു, അനൗണ്‍സ്‌മെന്റ് വീഡിയോ തന്നെ കിടു!

ഇന്ത്യന്‍ സിനിമാ ലോകത്തെ ആവേശത്തിലാഴ്ത്തിക്കൊണ്ട് ഐക്കണ്‍ സ്റ്റാര്‍ അല്ലു അര്‍ജുനും ബ്ലോക്ക്ബസ്റ്റര്‍ സംവിധായകന്‍ ലോകേഷ് കനകരാജും ആദ്യമായി ഒന്നിക്കുന്നു. പ്രമുഖ ചലച്ചിത്ര നിര്‍മ്മാണ കമ്പനിയായ മൈത്രി മൂവി മേക്കേഴ്‌സും ബി വി വര്‍ക്‌സും സംയുക്തമായാണ് ഈ വമ്പന്‍ പ്രോജക്ട് പ്രഖ്യാപിച്ചിരിക്കുന്നത്.

ചിത്രത്തിന്റെ ഔദ്യോഗിക പ്രഖ്യാപനത്തോടൊപ്പം പുറത്തിറങ്ങിയ അനൗണ്‍സ്‌മെന്റ് വീഡിയോ സോഷ്യല്‍ മീഡിയയില്‍ തരംഗമായിക്കഴിഞ്ഞു. AA23 എന്ന് ത്താക്ലാകമായി പേരിട്ടുകൊണ്ട് പുറത്തുവരുന്ന ചിത്രത്തിന്റെ പ്രഖ്യാപന വീഡിയോ തന്നെ കിടുവാണ്. ലോകേഷ് കനകരാജിന്റെ സമാനതകളില്ലാത്ത മേക്കിംഗും അല്ലു അര്‍ജുന്റെ സ്‌റ്റൈലിഷ് പ്രസന്‍സും ഒത്തുചേരുമ്പോള്‍ ഒരു പാന്‍-ഇന്ത്യന്‍ ദൃശ്യവിരുന്നാണ് ആരാധകര്‍ പ്രതീക്ഷിക്കുന്നത്.

Also Read: ബിജു മേനോനും ജോജു ജോര്‍ജ്ജും നേര്‍ക്കുനേര്‍; വലതുവശത്തെ കള്ളന്‍- മുറിവേറ്റൊരു ആത്മാവിന്റെ കുമ്പസാരം!

ചിത്രത്തിന് സംഗീതമൊരുക്കുന്നത് സെന്‍സേഷണല്‍ കമ്പോസര്‍ അനിരുദ്ധ് രവിചന്ദറാണ് എന്നതും ചിത്രത്തിലുള്ള പ്രേക്ഷകരുടെ പ്രതീക്ഷ ഇരട്ടിയാവാന്‍ കാരണമാണ്. പ്രഖ്യാപന വീഡിയോയില്‍ അനിരുദ്ധിന്റെ സ്‌റ്റൈലിഷ് ബാക്ക്ഗ്രൗണ്ട് മ്യൂസിക് തന്നെയാണ് ഏറ്റവും ആദ്യത്തെ ആകര്‍ഷണം. ലോകേഷ് - അനിരുദ്ധ് കൂട്ടുക്കെട്ടിലെ മുന്‍ ചിത്രങ്ങളെല്ലാം മ്യൂസിക്കല്‍ ഹിറ്റുകളായിരുന്നതിനാല്‍ ഈ പ്രോജക്ടിനുള്ള പ്രതീക്ഷയും ഹൈപ്പും ആ ലെവലില്‍ തന്നെയാണ്.

Also Read: ശ്രീനിവാസൻ ഇനിയില്ല അതൊരു സത്യമാണ്; പക്ഷേ, ആ സത്യം പൂർണമായി ഉൾക്കൊള്ളാൻ എനിക്കിപ്പോഴും കഴിയുന്നില്ല

Also Read: ഇനി സൈജു കുറുപ്പ് പൊലീസ് വേഷത്തില്‍, മാസ് ലുക്കില്‍ പൂജ ചടങ്ങിന് എത്തിയ താരം!

താല്‍ക്കാലികമായി AA23 എന്ന് പേരിട്ടിരിക്കുന്ന ഈ ചിത്രത്തിന്റെ ചിത്രീകരണം 2026 ഓഗസ്റ്റില്‍ ആരംഭിക്കാനാണ് അണിയറപ്രവര്‍ത്തകര്‍ തീരുമാനിച്ചിരിക്കുന്നത്. മുമ്പ് കണ്ടിട്ടില്ലാത്ത വേറിട്ട ലുക്കിലാകും അല്ലു അര്‍ജുന്‍ ഈ ചിത്രത്തില്‍ പ്രത്യക്ഷപ്പെടുക എന്നാണ് ലഭിക്കുന്ന സൂചനകള്‍. മൈത്രി മൂവി മേക്കേഴ്‌സിന്റെ ബാനറില്‍ വൈ. രവിശങ്കറും നവീന്‍ യെര്‍നേനിയും ചേര്‍ന്നാണ് ചിത്രത്തിന്റെ നിര്‍മാണം. സഹനിര്‍മ്മാണം: ബണ്ണി വാസ്, നട്ടി, സാന്‍ഡി, സ്വാതി, പി ആര്‍ ഒ : ആതിര ദില്‍ജിത്ത്. ലോകേഷ് കനകരാജ് യൂണിവേഴ്‌സിറ്റിയിലെ അടുത്ത അത്ഭുതത്തിന് വേണ്ടി കാത്തിരിക്കുരയാണ് ആരാധക ലക്ഷങ്ങള്‍.