ഇന്നത്തെ കളിക്ക് മുൻപ് ടീമുകൾക്ക് ആശങ്ക നൽകി ഈ രണ്ട് താരങ്ങൾ; മുംബൈ ഇന്ത്യൻസിനും ലക്നൗ സൂപ്പർ ജയന്റ്സിനും വലിയ തലവേദന

Curated byഗോകുൽ എസ് | Samayam Malayalam | Updated: 4 Apr 2025, 10:48 am

Samayam Malayalamമുംബൈ ഇന്ത്യൻസ്

2025 സീസൺ ഇന്ത്യൻ പ്രീമിയർ ലീഗിലെ 16 മത് മത്സരത്തിൽ ഇന്ന് മുംബൈ ഇന്ത്യൻസും ലക്നൗ സൂപ്പർ ജയന്റ്സും തമ്മിൽ ഏറ്റുമുട്ടാനൊരു‌ങ്ങുകയാണ്‌. ഈ സീസണിൽ അത്ര മികച്ച ഫോമിലല്ലാത്ത ഈ ടീമുകൾ മൂന്ന് മത്സരങ്ങളിൽ നിന്ന് ഒരു ജയം മാത്രമാണ് നേടിയിട്ടുള്ളത്. മുംബൈ ഇന്ത്യൻസ് നിലവിൽ പോയിന്റ് പട്ടികയിൽ ആറാമതും ലക്നൗ സൂപ്പർ ജയന്റ്സ് ഏഴാമതുമാണ്. ചില സീനിയർ താരങ്ങളുടെ മോശം ഫോം ആദ്യ‌ കളികളിൽ ഈ ടീമുകൾക്ക് കനത്ത തിരിച്ചടി നൽകിയിരു‌‌ന്നു‌. ഇന്നത്ത മത്സരത്തിന് മുൻപ് മുംബൈ ഇന്ത്യൻസ്, ലക്നൗ സൂപ്പർ ജയന്റ്സ് ടീമുകൾക്ക് ഏറ്റവും വലിയ തലവേദന നൽകുന്നത് ഏതൊക്കെ താരങ്ങളാണെന്ന് നോക്കാം.സ്റ്റാർ ഓപ്പണറും ടീമിന്റെ മുൻ നായകനുമായ രോഹിത് ശർമയുടെ ഫോമൗട്ടാണ് സീസണിലെ ആദ്യ മൂ‌ന്ന് മത്സരങ്ങൾ കഴിയുമ്പോൾ മുംബൈ ഇന്ത്യൻസിന്റെ ഏറ്റവും വലിയ തലവേദന. ആദ്യ മൂന്ന് കളികളിലും രോഹിത് ശർമ‌‌ ഫ്ലോപ്പായിരുന്നു എന്നതാണ് ശ്രദ്ധേയം. 2025 സീസൺ ഐപിഎല്ലിൽ ആകെ 21 റൺസ് മാത്രം ‌നേടാനായ രോഹിതിന്റെ ബാറ്റിങ് ശരാശരി ഏഴാണ്.


ചെന്നൈ സൂപ്പർ കിങ്സിന് എതിരായ ആദ്യ കളിയിൽ പൂജ്യത്തിനായിരുന്നു രോഹിത് ശർമ പുറത്തായത്. ഗുജറാത്ത് ടൈറ്റൻസിന് എതിരെ നടന്ന രണ്ടാം മത്സരത്തിൽ എട്ട് റൺസിനാണ് അദ്ദേഹം വീണത്. കൊൽക്കത്ത നൈറ്റ് റൈഡേഴ്സിന് എതിരെയാകട്ടെ 13 റൺസെടുത്ത് താരം പുറത്തായി‌. രോഹിതിന്റെ മോശം ഫോം ഈ കളികളിൽ മുംബൈയുടെ പ്രകടനത്തെയും ബാധിച്ചു‌. അടുത്ത കളിയിലെങ്കിലും താരം ഫോമിലേക്ക് മടങ്ങിയെത്തുമെന്ന പ്രതീക്ഷയിലാണ് ആരാധകർ.

Also Read: അടുത്ത കളിയിൽ രാജസ്ഥാൻ റോയൽസിൽ ഈ നിർണായക മാറ്റങ്ങൾ വരും; സഞ്ജുവിന്റെ ടീം ഡബിൾ സ്ട്രോങ്ങാവാൻ പോകുന്നു

മുംബൈ ഇന്ത്യൻസിന് ആശങ്ക നൽകുന്നത് രോഹിത് ശർമയുടെ ഫോമൗട്ടാണെങ്കിൽ ലക്നൗ സൂപ്പർ ജയന്റ്സിന് അത് ഋഷഭ് പന്തിന്റെ മോശം ഫോമാണ്‌. ഇക്കഴിഞ്ഞ ഐപിഎൽ മെഗാ ലേലത്തിൽ 27 കോടി രൂപക്കാണ് ഋഷഭ് പന്തിനെ ലക്നൗ വാങ്ങിയത്‌. പിന്നാലെ ടീമിന്റെ നായകനായി ലക്നൗ അദ്ദേഹത്തെ നിയമിക്കുകയും ചെയ്തു. എന്നാൽ സീസണിലെ ആദ്യ മൂന്ന് കളികളിൽ നിന്ന് ആകെ 17 റൺസ് മാത്രമാണ് അദ്ദേഹത്തിന്റെ സമ്പാദ്യം.

Also Read: അടുത്ത കളിയിൽ സഞ്ജു സാംസണിന്റെ ലക്ഷ്യം ആ സ്പെഷ്യൽ റെക്കോഡ്; പഞ്ചാബിനെ തോൽപ്പിച്ചാൽ രാജസ്ഥാൻ റോയൽസിലെ കിടിലൻ നേട്ടം

ഡെൽഹി ക്യാപിറ്റൽസിന് എതിരെ നടന്ന ആദ്യ കളിയിൽ പൂജ്യത്തിന് പുറത്തായ പന്ത് സൺ റൈസേഴ്സ് ഹൈദരാബാദിന് എതിരെ നേടിയത് 15 റൺസ് മാത്രമാണ്. മൂന്നാമത്തെ കളിയിൽ പഞ്ചാബ് കിങ്സി‌ന് എതിരെയും താരം ഫ്ലോപ്പായി. രണ്ട് റൺസിനാണ് ഈ കളിയിൽ അദ്ദേഹം വീണത്. മുംബൈ ഇന്ത്യൻസിന് എതിരെ നടക്കാനിരിക്കുന്ന മത്സരത്തിലെങ്കിലും പന്ത് ഫോമിലേക്ക് മടങ്ങിയെത്തുമെന്ന പ്രതീക്ഷയിലാണ് ഇപ്പോൾ ആരാധകർ.