ഇന്നലെ മുഴുവൻ ഉർവ്വശിചേച്ചിയുടെ ഒപ്പം; തളർന്നുകിടന്ന കാലം സഹോദരിമാരുടെ പിന്തുണയോടെ ജീവിതം തിരിച്ചുപിടിച്ച കമൽ

ഉർവശിയുടെ സഹോദരന്റ മരണം തീർത്തും അപ്രതീക്ഷിതമെന്ന് ചലച്ചിത്ര പ്രവർത്തകൻ രാജേഷ് കുമാർ. ഹൃദയാഘാതത്തെ തുടർന്ന് ചെന്നൈയിൽ വച്ചാണ് കമൽ മരണപ്പെടുന്നത്. ഇക്കഴിഞ്ഞ ദിവസം ഉർവശിയുടെ പുതിയ ചിത്രത്തിന്റെ ഷൂട്ടിങ് ലൊക്കേഷനിൽ കമൽ ഉണ്ടായിരുന്നു. അപ്രതീക്ഷിതമായെത്തിയ മരണം ഉർവശിയെ മാത്രമല്ല അമ്മ വിജയലക്ഷ്മിയും മൂത്ത സഹോദരി കലാരഞ്ജിനിയും എങ്ങിനെ താങ്ങുമെന്നറിയില്ല രാജേഷ് പറയുന്നു.

താരസഹോദരിമാരായ ഉർവ്വശി കല്പന കലാരഞ്ജിനിമാരുടെ സഹോദരൻ കമൽറായ് ചെന്നെയിൽ കാർഡിയാക് അറസ്റ്റിനെ തുടർന്ന് അന്തരിച്ചു ..നാടകകലാകാരനായ ചവറ വി.പി.നായരുടെയും വിജയലക്ഷ്മിയുടെയും മകനാണ്.

മുപ്പതോളം മലയാളചിത്രങ്ങളിലും വിരലിലെണ്ണാവുന്ന തമിഴ്ച്ചിത്രങ്ങളിലും അഭിനയിച്ചിട്ടുളഃള കമൽറായ് ബാലതാരമായാണ് സിനിമയിലെത്തുന്നത്.. സായൂജ്യം എന്ന സിനിമയിലെ പ്രധാന ബാലതാരമാണ്.അന്തഃപുരം,മഞ്ഞ് കോളിളക്കം ആ ചിത്രത്തിലെ കാലിത്തൊഴുത്തിൽ_പിറന്നവനേ എന്ന ഗാനരംഗത്തിൽ സഹോദരി ഉർവ്വശിയും പ്രത്യക്ഷപ്പെട്ടിരുന്നു.

മുതിർന്നപ്പോൾ യുവജനോത്സവത്തിൽ ഉർവ്വശിയ്ക്കൊപ്പം ഉണ്ണി എന്ന വേഷത്തിൽ അഭിനയിച്ചിരുന്നു. മറ്റൊരു സഹോദരിയായ കലാരഞ്ജിനിയും ചിത്രത്തിൽ അതിഥിതാരമയെത്തി. ആ ചിത്രത്തിൽ ഇന്നുമെൻറെ_കണ്ണുനീരിൽ എന്ന ഗാനരംഗത്തിലഭിനയിച്ചത് കമൽറോയിയാണ്...ഉർവ്വശിയും, മോഹൻലാലും, മേനകയും,കൃഷ്ണചന്ദ്രനും അശോകനുമടക്കമുള്ള താരങ്ങൾ ആ ഗാനരംഗത്തിലഭിനയിച്ചിരുന്നു.

മുതിർന്നപ്പോൾ പുതുസാപഠിക്കിറേൻപാട്ട് എന്ന തമിഴ്ച്ചിത്രത്തിൽ നായകനായി വീണ്ടും അഭിനയരംഗത്തെത്തി ആലയം എന്ന തമിഴ്ച്ചിത്രത്തിൽ ഉപനായകനായി..കരണും(മാസ്റ്റർ രഘ) ഉർവ്വശിയുമായിരുന്നു ചിത്രത്തിലെ നായികാനായകൻമാർ.

മലയാളത്തിൽ വിനയൻ സംവിധാനം ചെയ്ത കല്ല്യാണസൗഗന്ധികം എന്ന ചിത്രത്തിൽ വില്ലനായി വന്നു. തുടർന്ന് നായക-ഉപനായകവേഷങ്ങളിൽ ശോഭനം,വാചാലം,ദി ലീഡർ തുടങ്ങിയ ചിത്രങ്ങളിലും ശാരദ അടക്കമുളള സീരിയലുകളിലും അഭിനയിച്ചു.

ALSO READ: അത് നന്ദു ഇത് കമൽ; ദുരൂഹ അപകടത്തിന് ഇരയായ കമൽ; വർഷങ്ങളോളം ചികിത്സയിൽ? മരണം കവർന്നപ്പോഴും മായാതെ ഇന്നുമെന്റെ കണ്ണുനീരിൽ

ഇന്നലെ മുഴുവൻ ദിവസവും ഉർവ്വശി ചേച്ചിയുടെ തമിഴ് സിനിമാ ലൊക്കേഷനിൽ ചേച്ചിയ്ക്കൊപ്പമുണ്ടായിരുന്നു..അപ്രതീക്ഷിതമായെത്തിയ ഈ ദുഃഖവാർത്ത ചേച്ചി മാത്രമല്ല അമ്മ വിജയലക്ഷ്മിയും മൂത്ത സഹോദരി കലാരഞ്ജിനിയും എങ്ങിനെ. താങ്ങുമെന്നറിയില്ല..

ALSO READ: എല്ലാവരും കൈവിട്ടു, കൂടെ ഉണ്ടായിരുന്നത് ഭാര്യയും മക്കളും മാത്രം; ആ അഞ്ച് വര്‍ഷം നേരിട്ട കഷ്ടപ്പാടിനെ കുറിച്ച് ജയറാം

വർഷങ്ങൾക്കുമുമ്പ് ഒരു ആക്സിഡണ്ടിൽ ശയ്യാവലംബിയായ സഹോദരനെ മൂന്ന് സഹോദരിമാരും അമ്മയും ചേർന്ന് മികച്ച പരിരക്ഷ നൽകിയാണ് തിരിച്ചുകൊണ്ടു വന്നത്.കമലിന് ഒരു മകനുണ്ട്. പ്രിൻസ് റോയിയ്ക്കും(നന്ദു) കല്പനചേച്ചിയ്ക്കും പിന്നാലെ കമലും കൂടി വിടപറയുമ്പോൾ തേങ്ങുന്ന മാതൃഹൃദയത്തെ ഓർക്കുമ്പോഴാണ് മനസ്സിന് വിങ്ങൽ.

സുഖത്തിലും ദുഃഖത്തിലും എന്നും ആ കുടുംബത്തിനൊപ്പം നിൽക്കുന്ന ആളെന്ന നിലയ്ക്ക് ഈ ദുഃഖവാർത്ത താങ്ങാവുന്നതിനപ്പുറമാണ്- രാജേഷ് പറയുന്നു.