ഇന്നലെ വളരെ നല്ലൊരു ദിവസമായിരുന്നു, സ്‌നേഹവും സന്തോഷവും നിറഞ്ഞ ദിവസം; മഞ്ജു വാര്യര്‍ പറയുന്നു

വല്ലപ്പോഴും മാത്രമേ മഞ്ജു വാര്യര്‍ സോഷ്യല്‍ മീഡിയയില്‍ ഒരു പോസ്റ്റ് പങ്കുവയ്ക്കാറുള്ളൂ, പങ്കുവച്ചാല്‍ അത് വൈറലാവും എന്ന കാര്യത്തിലും സംശയമൊന്നുമില്ല. മൂന്ന് ആഴ്ചകള്‍ക്ക് ശേഷം പുതിയ കുറച്ച് ഫോട്ടോകളുമായി എത്തിയിരിക്കുകയാണ് നടി. ഇന്നലെ പങ്കെടുത്ത പരിപാടികളുടെ ചിത്രങ്ങളാണ് പങ്കുച്ചിരിയ്ക്കുന്നത്.

റീഗല്‍ ജ്വല്ലേഴ്‌സിന്റെ പാലക്കാട് ഷോറൂം ഉദ്ഘാടനമായിരുന്നു ഇന്നസ മാര്‍ച്ച് 15ന്. അതീവ സുന്ദരിയായി, നിറഞ്ഞ സന്തോഷത്തോടെയാണ് മഞ്ജു എത്തിയത് എന്ന് ചിത്രങ്ങളില്‍ വ്യക്തം. ഒരുപാട് ചിരിയും സന്തോഷവും നിറഞ്ഞ, മനോഹരമായ ഒരു ദിവസമായിരുന്നു ഇന്നലെ, പാലക്കാടിന് നന്ദി- എന്നാണ് ഫോട്ടോ കള്‍ക്കൊപ്പം മഞ്ജു വാര്യര്‍ കുറിച്ചത്. ഫോട്ടോ എടുത്ത വിഷ്ണു കെ മേനോനും നടി നന്ദി പറയുന്നു.

Also Read: താര ജാഡകളില്ല, സ്മിനുവിന്റെ വീട്ടില്‍ കുടുംബത്തോടൊപ്പം കുറച്ച് നേരം ദിലീപ്; സന്തോഷം പങ്കുവച്ച് നടി

മഞ്ജുവിന്റെ മുഖത്തെ ഈ ചിരി തന്നെയാണ് ഏറ്റവും വലിയ സന്തോഷം, ഈ ചിരി എന്നും മായിതിരിക്കട്ടെ, ഹൃദയം തുറന്നുള്ള ചിരി എന്നിങ്ങനെ പോകുന്നു ഫോട്ടോയ്ക്ക് താഴെ വരുന്ന കമന്റുകള്‍. മിനിട്ടുകള്‍ക്ക് മുന്‍പ് പങ്കുവച്ച പോട്ടോയ്ക്ക് ഇതിനോടകം ആയിരക്കണക്കിന് ലൈക്കുകള്‍ വന്നു കഴിഞ്ഞു.

അഭിനയത്തിന് പുറമെ ഡ്രൈവിങും യാത്രകളുമൊക്കെയാണ് ഇപ്പോള്‍ മഞ്ജു വാര്യര്‍ ആസ്വദിക്കുന്നത്. തമിഴ് നടന്‍ അജിത്തിനൊപ്പമുള്ള ചിത്രങ്ങളായിരുന്നു ഇതിന് മുന്‍പ് ഏറ്റവുമൊടുവില്‍ മഞ്ജു പങ്കുവച്ചത്. അഭിനയത്തെക്കാള്‍ ഇപ്പോള്‍ റേസിങില്‍ ശ്രദ്ധ കേന്ദ്രീകരിച്ച അജിത്തിനെ, റേസിങ് പ്രാക്ടീസ് നടക്കുന്നിടത്ത് ചെന്നു കണ്ട ചിത്രങ്ങളായിരുന്നു അത്. ആത്മാവില്‍ ജ്വലിക്കുന്ന കാര്യങ്ങളെ എങ്ങനെ കണ്ടെത്താം എന്ന് കാണിച്ചു തന്ന അജിത് സാറിന് നന്ദി എന്ന് പറഞ്ഞുകൊണ്ടായിരുന്നു പോസ്റ്റ്.

Also Read: അന്‍പത് വയസ്സിലേക്ക് കടക്കുന്ന ആളാണോ ഇത്, സിമ്രന്റെ എനര്‍ജി വെറെ ലെവല്‍; ഹിപ് ഹോപ് ഡാന്‍സ് വീഡിയോ വൈറല്‍

തുനിവ് എന്ന ചിത്രത്തില്‍ അജിത്തിനൊപ്പം അഭിനയിച്ചതിന് ശേഷമായിരുന്നു, കുട്ടിക്കാലത്ത് എന്നോ ആഗ്രഹിച്ചിരുന്ന ബൈക്ക് റൈഡ് എന്ന ആഗ്രഹം മഞ്ജു പൊടി തട്ടിയെടുത്തത്. അതിന് ശേഷം ഒരു ബിഎംഡബ്ല്യു ആര്‍ 1250 ജിഎസ് ബൈക്കും മഞ്ജു സ്വന്തമാക്കിയിരുന്നു.

അഭിനയത്തിന്റെ കാര്യത്തില്‍ വളരെ സെലക്ടീവാണിപ്പോള്‍ മഞ്ജു വാര്യര്‍. എമ്പുരാന് ശേഷം ഒരു ഫീച്ചര്‍ സിനിമ മഞ്ജുവിന്റേതായി ഇറങ്ങിയിട്ടില്ല. ആരോ എന്ന ഷോര്‍ട് ഫിലിം ഏറെ ശ്രദ്ധ നേടിയിരുന്നു. മിസ്റ്റര്‍ എക്‌സ് എന്ന തമിഴ് ചിത്രമാണ് മഞ്ജുവിന്റെ അടുത്ത റിലീസ്. നേരെ ചൊവ്വേ എന്ന മലയാള സിനിമയും, ഇമേരിക്കി പണ്ഡിറ്റ് എന്ന ഹിന്ദി ചിത്രവും പോസ്റ്റ് പ്രൊഡക്ഷന്‍ ഘട്ടത്തിലാണ്.