ഇന്നും അപ്പയുടെ സ്ഥാനം തന്നെ! ബന്ധം മുറിഞ്ഞുപോയെങ്കിലും സ്നേഹവും ആരാധനയും കുറയില്ല; രജനീകാന്തിന് പിറന്നാൾ ആശംസകളുമായി ധനുഷ്

വിവാഹമോചനത്തിലൂടെ വേർപിരിഞ്ഞു കഴിഞ്ഞാൽ പരസ്പരം ഇകഴ്ത്തി സംസാരിക്കുന്ന ഒരു സമൂഹമാണ് നമ്മുടേത്, എല്ലാവരും ആ ഗണത്തിൽ പെടുകയില്ലെങ്കിലും കുറ്റപ്പെടുത്തുന്ന ആളുകൾ ഏറെയുണ്ടാകും. എന്നാൽ വേർപിരിഞ്ഞെങ്കിലുംപരസ്പരം ബഹുമാനം കാത്തുസൂക്ഷിക്കുന്ന ദമ്പതികൾ ആണ് ഐശ്വര്യയും ധനുഷും. കുടുംബങ്ങൾ തമ്മിലും ആ സന്തോഷവും സ്നേഹവും അവർ കാണിക്കാറുണ്ട്. ഊഷ്മളമായും ബന്ധം ഇരുകൂട്ടരും നിലനിർത്തുന്നുണ്ട്. അതിൽ ഏറ്റവും വലിയ കാര്യമാണ് രജനികാന്തിന്റെ പിറന്നാൾ ദിനം ധനുഷ് തന്റെ സ്നേഹം പങ്കിട്ടെത്തിയത്.

ഡിസംബർ 12 ന് ആണ് സൂപ്പർസ്റ്റാർ രജനീകാന്തിന് പിറന്നാൾ. 75 വയസ്സ് അദ്ദേഹത്തിന് തികഞ്ഞു, സോഷ്യൽ മീഡിയയിൽ ആരാധകരുടെയും സെലിബ്രിറ്റികളുടെയും രാഷ്ട്രീയ നേതാക്കളുടെയും ഊഷ്മളമായ ആശംസകൾ നിറഞ്ഞുകവിയുകയാണ്. ഇതിനിടയിൽ ആണ് ധനുഷിന്റെ ആശംസകൾ ശ്രദ്ധേയം ആകുന്നത്. അദ്ദേഹത്തിന്റെ ലളിതവും എന്നാൽ സ്നേഹനിർഭരവുമായ വിഷസ് ഓൺലൈന് മാധ്യമങ്ങളിൽ അതിവേഗം നിറയുകയും ചെയ്തു , രജനീകാന്തിനോട് അദ്ദേഹം ഇപ്പോഴും പുലർത്തുന്ന ബഹുമാനവും ആരാധനയും സ്നേഹവും ആണ് ഇത് പ്രതിഫലിപ്പിക്കുന്നത്.

രജനീകാന്തിന്റെ ചരിത്രത്തിലെ ഏറ്റവും മികച്ച ജന്മദിനമാണ് ഇത്, "ഹാപ്പി ബർത്ത്ഡേ തലൈവാ" എന്ന് കുറിച്ചാണ് ധനുഷ് എഴുതിയത്, കൈകൾ കൂപ്പി, കണ്ണുകളിൽ സ്നേഹം നിറച്ച് ലവബിൾ ആയ ഇമോജികൾക്ക് ഒപ്പം ആണ് ധനുഷിന്റെ കുറിപ്പ്. രജനീകാന്തിനോടുള്ള തന്റെ ആരാധന നടൻ പലപ്പോഴും പ്രകടിപ്പിച്ചിട്ടുണ്ട്, സൂപ്പർസ്റ്റാറിനോടുള്ള അദ്ദേഹത്തിന്റെ സ്നേഹവും കരുതലും ആണ് ഈ ജന്മദിനത്തിലും ധനുഷ് വീണ്ടും പ്രകടിപ്പിച്ചത്. കുടുംബത്തിന്റെ ഭാഗമാകുന്നതിന് മുമ്പുതന്നെ ധനുഷ് രജനീകാന്തിന്റെ ആരാധകനാണ്.

ALSO READ: നാ‍ലാളറിയേ കൈപിടിക്കും ! എന്താ മീനാക്ഷിക്ക് കല്യാണമായോ; ഈ ചോദ്യത്തിന് പണ്ട് ദിലീപ് നൽകിയ മറുപടി

ഐശ്വര്യയുമായി വേർപിരിഞ്ഞതിനുശേഷവും സോഷ്യൽ മീഡിയയിലെ അവരുടെ ഇടപെടലുകൾ പരസ്പര ബഹുമാനത്തെ ആണ്കാണിക്കുന്നത് , അദ്ദേഹത്തിന്റെ ഏറ്റവും പുതിയ പോസ്റ്റ് പോലും അത് കൂടുതൽ ദൃഢമാക്കുന്നതാണ് . 18 വർഷത്തെ ഒരുമിച്ചുള്ള ജീവിതം. വളർച്ചയുടെയും, മനസ്സിലാക്കലിന്റെയും, ഇണക്കങ്ങളുടെയും പിണക്കങ്ങളുടെയും ഒരു യാത്രയായിരുന്നു അത്. ഇന്ന് നമ്മൾ നമ്മുടെ വഴികൾ വേർപിരിയുന്ന ഇടത്താണ് നിൽക്കുന്നത്...

ഐശ്വര്യയും ഞാനും ദമ്പതികളായി ഇനി തുടരില്ല, വ്യക്തികളെന്ന നിലയിൽ ഞങ്ങളെ നന്നായി മനസ്സിലാക്കാൻ സമയമെടുക്കാനും തീരുമാനിച്ചു. ദയവായി ഞങ്ങളുടെ തീരുമാനത്തെ മാനിക്കുകയും സ്വകാര്യത നൽകുകയും വേണം. ഓം നമശിവായ! എന്നായിരുന്നു ധനുഷ് വേർപിരിയൽ ടൈമിൽ കുറിച്ചത്. ഇന്നും സ്വകാര്യമാണ് ഇവരുടെ ഡിവോഴ്സ് റീസൺ.