ഇന്നോ ഇന്നലെയോ തുടങ്ങിയ ബന്ധമല്ല! ഒരു ചേട്ടൻ അനിയൻ ബന്ധം തുടങ്ങിയത് വിഷ്ണുലോകത്തിന്റെ കാലം മുതൽക്ക്

ദിലീപിന്റെ ഏറ്റവും പുത്തൻ ചിത്രം ഭ ഭ ബ ബോക്സ് ഓഫീസിൽ തിളക്കമാർന്ന വിജയം ആണ് നേടിയത്. ഏറെ കാലത്തേ കാത്തിരിപ്പിനൊടുവിൽ ദിലീപ് ചിത്രം ഇത്രയും നേട്ടം കൊയ്തതിന്റെ ആവേശത്തിൽ ആണ് ആരാധകരും. 2025 ഡിസംബർ 18 ന് ആണ് ചിത്രം റിലീസ് ചെയ്യുന്നത്.

തിയേറ്ററുകളിൽ ആദ്യ വാരാന്ത്യം മികച്ചതായിരുന്നു. പക്ഷേ പിന്നാലെ എത്തിയ ചിത്രങ്ങൾ മുൻപേ റിലീസ് ചെയ്ത കളങ്കാവൽ എല്ലാം കൂടി കുതിപ്പിന് ചെറിയ രീതിയിൽ ഒരു മാറ്റം കൊണ്ടുവന്നു. എങ്കിലും ഏറെനാളത്തെ കാത്തിരിപ്പിനുശേഷം എത്തിയ ദിലീപ് ചിത്രം നിരാശപ്പെടുത്തിയില്ല എന്നാണ് ഫാൻസിന്റെ പക്ഷം. എന്നാൽ എക്സ് ( ട്വിറ്റർ) ലെ ട്രേഡ് അനലിസ്റ്റ് ജെറിൻ ജോർജ്കുട്ടിയുടെ പോസ്റ്റ് പ്രകാരം, റിലീസ് ചെയ്ത് അഞ്ചാം ദിവസം തന്നെ ഭാ ഭാ ബായുടെ കളക്ഷനിൽ വലിയ ഇടിവ് സംഭവിച്ചു. ആദ്യ ഞായറാഴ്ചയിലെ വലിയ കളക്ഷന് ശേഷം, അഞ്ചാം ദിവസം ലോകമെമ്പാടുമുള്ള ബോക്സ് ഓഫീസിൽ നിന്ന് ഏകദേശം 2 കോടി രൂപ പോലും നേടിയില്ല ദിലീപിന്റെ ആക്ഷൻ കോമഡി ചിത്രം എന്നാണ് റിപ്പോർട്ട്.

ലെറ്റ്സ് സിനിമ എക്സ് ൽ അടുത്തിടെ പുറത്തുവിട്ട വിവരങ്ങൾ പ്രകാരം ദിലീപ് ചിത്രം ബുക്ക് മൈ ഷോയുടെ അഡ്വാൻസ് കളക്ഷനിൽ അഞ്ചാം ദിവസം വലിയ ഇടിവ് നേരിട്ടിട്ടുണ്ട്.

അതേസമയം ലാലേട്ടൻ ഈ ചിത്രത്തിൽ എത്തിയതോടെനിരവധി അഭിപ്രായങ്ങൾ ആണ് ഉയർന്നത്. ചിത്രത്തിൽ ഇദ്ദേഹത്തിന്റെ ഡയലോഗുകൾ കൂടി കൂട്ടിവായിക്കുമ്പോൾ ദിലീപിന് ഒപ്പം തന്നെയാണ് ലാലേട്ടൻ. അദ്ദേഹത്തിന് ശേഷം മലയാള സിനിമ ഇൻഡസ്ട്രിയിൽ പോലും ദിലീപ് യുഗം ആണ് നടക്കാൻ പോകുന്നത് എന്നും ഏതു കാഴ്ചക്കാരനും തോന്നിപോകുന്ന വിധത്തിലുള്ള ഡയലോഗ് ഡെലിവറി ആണ് സിനിമയിലും ഉള്ളത്. എന്നാൽ ഇന്നോ ഇന്നലെയോ തുടങ്ങിയ ബന്ധം ആല്ല ദിലീപ് മോഹന്ലാലിന്റേത്.

കമൽ ചിത്രത്തിൽ അസിസ്റ്റന്റ് ആയി എത്തിയ ദിലീപ് അന്നുമുതൽക്കെ മോഹൻലാലിൻറെ പ്രിയപ്പെട്ടവൻ ആണ്. ലൊക്കേഷനിൽ ഒരു അനുജൻ ചേട്ടൻ കോംബോ ആണ് ആദ്യം മുതൽക്കെ ഉണ്ടായിരുന്നത്. അണ്ണൻ തമ്പി കോംബോ അന്ന് തുടങ്ങിയതുമാണ്. വിഷ്ണുലോകത്തിന്റെ സെറ്റിൽ വച്ചാണ് അതിനു കൂടുതൽ ദൃഢത ഉണ്ടാകുന്നത്. കമലിന്റെ സിനിമാ ലോകത്തെ മാറ്റിമറിച്ച താരമാണ് ദിലീപ് എന്നൊരിക്കൽ ലാൽ ജോസ് തന്നെ പറഞ്ഞിട്ടുണ്.

ലാലേട്ടൻ ദിലീപിനെ കൊണ്ട് ഈ സെറ്റിൽ വച്ചു ഇടയ്ക്കിടെ അദ്ദേഹത്തിനെ തന്നെ അനുകരിപ്പിക്കുമായിരുന്നു. ഉള്ളടക്കം സിനിമയുടെ ഷൂട്ടിങ് സെറ്റിൽ വച്ച് സ്റ്റെതസ്കോപ്പ് വച്ചുകൊണ്ടും തമാശകൾ പതിവായിരുന്നു. അങ്ങനെ ഈ ലൊക്കേഷനുകൾ എല്ലാം മാറ്റിമറിച്ചതിൽ ദിലീപ് വഹിച്ച പങ്ക് ചെറുതല്ലെന്നാണ് ലാൽ ജോസ് പറഞ്ഞിരുന്നത്. ദിലീപ് കേസിലും ഇതുവരേയും അദ്ദേഹത്തെ എതിർത്തുകൊണ്ട് ഒരു വാക്ക് പോലും മോഹൻലാൽ പറഞ്ഞിട്ടുമില്ല എന്നതും യാതാർഥ്യമാണ്.