ഇവനൊക്കെ പറയുന്നത് ഞാന്‍ കേള്‍ക്കണോ, ഞാനല്ലേ സിനിമ നടന്‍, അവനല്ലല്ലോ; അനാവശ്യ കമന്റുകളോട് യോഗി ബാബു പ്രതികരിക്കുന്നു

യോഗി ബാബു ഇന്ന് തമിഴില്‍ ഒഴിച്ചു കൂടാന്‍ സാധിക്കാത്ത നടനാണ്. കോമഡിയോ, സീരിയസ് റോളോ ഏതും ചെയ്യും എന്ന നിലയില്‍, സൂപ്പര്‍ താരങ്ങള്‍ പോലും യോഗി ബാബുവിന്റെ ഡേറ്റിന് വേണ്ടി കാത്തിരുന്നു എന്നു പോലും വാര്‍ത്തകളുണ്ടായിരുന്നു. ഒന്നുവിട്ട് ഒന്ന്, യോഗി ബാബുവിന് സിനിമകളോട് സിനിമകളാണ്. മാസത്തില്‍ അഞ്ചും ആറും സിനിമകള്‍ വരെ ഏറ്റെടുത്തു ചെയ്തിട്ടുണ്ട്. ഒരു വര്‍ഷം മുപ്പതിലേറെ സിനിമകള്‍ വരെ ചെയ്തു. അത് വളരെ അധികം ഇഷ്ടപ്പെടുന്ന ഒന്നാണെന്ന് യോഗി ബാബു പറയുന്നു.

തന്നെ സംബന്ധിച്ച് നായകന്റെ വലുപ്പമോ, സംവിധായകന്റെ പരിചയ സമ്പത്തോ ഒന്നുമല്ല വിഷയം, തന്നിലൂടെ സിനിമ നന്നാവുമെങ്കില്‍ ഏത് റോളും ചെയ്യാന്‍ തയ്യാറാണ്. ടൂറിസ്റ്റ് ഫാമിലി എന്ന ചിത്രത്തില്‍ സിമ്രന്‍ മാമിന്റെ വരെ സഹോദരനായി അഭിനയിച്ചത് അങ്ങനെയാണെന്ന് യോഗി ബാബു പറയുന്നു. തമിഴ് സിനിമ മൊത്തത്തില്‍ നന്നാവുമ്പോഴാണ് എന്റെ തൊഴില്‍ സുരക്ഷിതമാവുന്നത്, എനിക്ക് നല്ല വേഷങ്ങള്‍ ലഭിക്കുന്നതും.

Also Read: എപ്പോഴാണ് ഭര്‍ത്താവിനൊപ്പം കുടുംബമായി ജീവിക്കുന്നത് എന്ന ചോദ്യത്തിന് മഞ്ജിമ മോഹന്‍ നല്‍കിയ മറുപടി; ജീവിതത്തില്‍ പഠിച്ച പാഠം

ഇതിനിടയില്‍ വരുന്ന സോഷ്യല്‍ മീഡിയ കമന്റുകളെ ഒന്നും താന്‍ വകവയ്ക്കുന്നില്ല എന്നും യോഗി ബാബു പറഞ്ഞു. ഒന്നാമത് അതിനുള്ള നേരമില്ല. സിനിമകള്‍ ചെയ്യുന്ന തിരക്കിലാണ്. കല്യാണം കഴിഞ്ഞ് കുട്ടികളൊക്കെ ആയതിന് ശേഷം ഇപ്പോള്‍ മാസത്തില്‍ അഞ്ച് - ആറ് എന്നത് മൂന്ന് - നാല് എന്ന നിലയിലേക്ക് കുറച്ചിട്ടുണ്ട്. അതും സമയക്കുറവ് കാരണമാണ്. ആ നിലയ്ക്ക് സോഷ്യല്‍ മീഡിയയില്‍ കളയാന്‍ സമയമില്ല എന്നാണ് യോഗി ബാബു പറഞ്ഞത്.

ഞാന്‍ അനാവശ്യമായ കമന്റുകള്‍ ശ്രദ്ധിക്കാറില്ല, അത് അനാവശ്യമായ പ്രശ്‌നങ്ങളുണ്ടാക്കേണ്ട എന്ന് കരുതിയല്ല വേണ്ട എന്ന് വച്ചിട്ടാണ്. ഞാന്‍ മറുപടി കൊടുക്കാന്‍ നിന്നാല്‍ അത് വേറെ മാതിരി ആയിപ്പോവും. പറയുന്നത് വളച്ചൊടിക്കുന്നതോ മറ്റോ അല്ല വിഷയം. എല്ലാവര്‍ക്കും എല്ലാവരും പറയുന്നത് മനസ്സിലാവുന്നുണ്ട്, പക്ഷേ അങ്ങനെയുള്ളവര്‍ പറഞ്ഞ് തിരിത്തേണ്ടതില്ല എന്നത് കൊണ്ടാണ് സോഷ്യല്‍ മീഡിയ കമന്റ് ഞാന്‍ ശ്രദ്ധിക്കാത്തത്

മറ്റൊരാള്‍ പറഞ്ഞ് നന്നാവേണ്ട അവസ്ഥ എനിക്കില്ല. മുഖം പോലും ഇല്ലാത്ത ഫേക്ക് ഐഡിയില്‍ നിന്ന് വന്ന് കമന്റുകള്‍ പറയുന്ന ഇവനെയൊക്കെ ഞാന്‍ അനുസരിക്കണോ, ഇവനല്ലല്ലോ ഞാനല്ലേ സിനിമ നടന്‍ എന്നതാണ് അപ്പോള്‍ എന്റെ ചിത്ര. അതൊന്നും എന്നെ ബാധിക്കുന്നതല്ല, ഞാന്‍ എന്റെ സിനിമകളുമായി മുന്നോട്ടു പോകുകയാണ് എന്ന് യോഗി ബാബു പറഞ്ഞു.