ഈ ചോദ്യം ആ കുട്ടിയോട് ആണ് ചോദിക്കേണ്ടത്! അത് നിങ്ങൾ മണത്താൽ ഓടും; പെർഫ്യൂമിനെക്കുറിച്ചും ചിന്നുവിനെക്കുറിച്ചും രേണു

Authored byഋതു നായർ | Samayam Malayalam | Updated: 28 Apr 2025, 2:36 pm

സോഷ്യൽ മീഡിയിൽ ഇന്ന് സ്റ്റാർ ആണ് രേണു സുധി. വിമർശനങ്ങൾ കൂടും തോറും അതിനെയൊന്നും തനിക്ക് ഭയമില്ലെന്ന് ആവർത്തിച്ചു പറഞ്ഞിട്ടുണ്ട് താരം. ഫോട്ടോഷൂട്ടുകളും ഷോർട്ട് ഫിലിമുകളും ഒക്കെയായി രേണു ഇൻഡസ്ട്രിയിൽ സജീവം ആകുമ്പോൾ നെഗറ്റീവ് കമന്റുകളും അതിനൊപ്പം തന്നെ സോഷ്യൽ മീഡിയയിൽ നിറയുന്നുണ്ട്. ഏറ്റവും ഒടുവിലായി മാധ്യമപ്രവർത്തകരുടെ ചോദ്യങ്ങൾക്ക് രേണു നൽകിയ മറുപടിയാണ് ഇപ്പോൾ വൈറലായി മാറുന്നത്. പെർഫ്യൂം തീർന്നോ എന്ന് പലരും ചോദിച്ചു കളിയാക്കുന്നുണ്ട് എന്നാൽ ആ പെർഫ്യൂം ദേഹത്ത് അടിക്കാൻ പറ്റില്ല. അതിന്റെ മണം നിങ്ങൾക്ക് കിട്ടിയാൽ ഓടും അങ്ങനെ ഒരു സ്മെൽ ആണെന്നും രേണു പറയുന്നു.

എന്റെ പൊന്നു സുഹൃത്തുക്കളെ ആ പെർഫ്യൂം ദേഹത്ത് അടിക്കാൻ ആകില്ല.

സുധിച്ചേട്ടന്റെ സ്മെൽ എന്നുപറയുന്നത് എനിക്കും എന്റെ മക്കൾക്കും വീട്ടിലെ കുറച്ച് ആളുകൾക്കും മാത്രം അറിയുന്ന മണമാണ്. അത് ദേഹത്ത് പൂശി നടക്കാൻ ആകില്ല. സുധിച്ചേട്ടനെ ഓർക്കുമ്പോൾ അല്ലെങ്കിൽ അദ്ദേഹത്തിന്റെ മണം വേണം എന്ന് തോന്നുമ്പോൾ അത് തുറന്നു മണക്കുമ്പോൾ ഒരു സ്മെൽ ഇവിടെ ഫീൽ ചെയ്യും. അത് കിട്ടുമ്പോൾ സുധിച്ചേട്ടൻ ഇവിടെ എവിടെയോ ഉണ്ടെന്ന് മനസിലാകും. അതിനുവേണ്ടി മാത്രമുള്ള പെർഫ്യൂം ആണ്. അല്ലാതെ ദേഹത്ത് അടിക്കാൻ ആകില്ല. അത് നിങ്ങൾ മണത്താൽ ഇവിടെ നിന്നും ഓടും അത്രയും രൂക്ഷമായ ഒരു മണമാണ്. അതായത് സുധിച്ചേട്ടൻ ഷൂട്ട് ഒക്കെ കഴിഞ്ഞു വീട്ടിൽ വരുമ്പോൾ ഷർട്ട് ഒക്കെ ഊരി ഇടുമ്പോൾ ഒരു സ്മെൽ. വിയർപ്പും പിന്നെ അന്നത്തെ ദിവസത്തിലെ ബ്ലഡിന്റെ മണവും എല്ലാം കൂടി ഒത്തുള്ള ഒരു സ്മെൽ ആണ് അതിന്. ആ മണം എങ്ങനെ ദേഹത്ത് അടിച്ചുകൊണ്ട് നടക്കാൻ കഴിയും. അത് അടിക്കാൻ പറ്റുന്നതല്ല. അത് തീർന്നിട്ടുമില്ല. അങ്ങനെ തന്നെ ഇരിപ്പുണ്ട് എന്നും രേണു പറയുന്നു.

ALSO READ: ലാലേട്ടനെക്കാൾ പ്രായവ്യത്യാസമുണ്ട്! ലാല്‍ അവര്‍ക്ക് സമ്മാനിച്ച കോടികളുടെ വീട്; ആഡംബരങ്ങളിൽ പോലും ലാളിത്യം കാണിക്കുന്ന സുചിത്ര

അത് ആ കുട്ടിയോട് ചോദിക്കണം!
പുതിയ വീട്ടിലേക്ക് മാറിയ ശേഷം ലക്ഷ്മി നക്ഷത്ര വീട്ടിലേക്ക് വന്നിട്ടില്ല. തിരക്കൊക്കെ ആണ്. കേറി താമസത്തിനും വന്നിട്ടില്ല. തിരക്കായിരിക്കും. ഒരു ദിവസത്തേക്ക് പോലും മാറ്റി വച്ചിട്ട് വരാൻ ആകില്ലേ എന്ന ചോദ്യത്തിന് അതിനു ഞാൻ അല്ല ലക്ഷ്മിയാണ് മറുപടി നൽകേണ്ടതെന്നും രേണു പറഞ്ഞു.
എല്ലാം ഉണ്ട് എസി ആവശ്യം എങ്കിൽ വാങ്ങും
വീട്ടിൽ എല്ലാ സാധനങ്ങളും ഉണ്ട്. എല്ലാ സാധനങ്ങളും ഗിഫ്റ്റ് കിട്ടിയിരുന്നു എന്ന് രേണു പറയുമ്പോൾ, ഏസി ഉണ്ടോ എന്നായി അടുത്ത ചോദ്യം. എ സി ഇല്ല അത് വയ്ക്കണം എന്ന നിർബന്ധം ഒന്നും എനിക്ക് ഇല്ല. എങ്കിലും അത് വാങ്ങണം എന്നുണ്ട്. ഇപ്പോൾ എ സി ലക്ഷ്വറി അല്ലല്ലോ രേണു കൂട്ടിച്ചേർത്തു.

എസ്മ പോലെയുള്ള പ്രോജക്ടുകളിൽ അഭിനയിക്കാൻ താത്പര്യമില്ല. എന്നാൽ ഷൈൻ ടോം ചാക്കോയുടെ നായികയാകാൻ വിളിച്ചാൽ പോകുമെന്നും രേണു പറയുന്നു.

‘‘ഞാൻ അഭിനയിക്കുന്നത് എന്റെ മക്കൾക്ക്‌ നാണക്കേടാ, എന്ന് പറഞ്ഞവർക്ക്. അതേ എന്റെ രണ്ടും മക്കളുമായി ഞാൻ ഇതാ മുന്നോട്ടു പോകുന്നു. അവരാണ് എന്റെ ഏറ്റവും വലിയ പിന്തുണ, ഇന്നലെ രാത്രി ഞങ്ങൾ എടുത്ത സെൽഫിയാണ്, കിച്ചു എന്റെ മൂത്തമോൻ, എന്റെ ഋതുവിനേക്കാൾ സ്നേഹം അൽപം കൂടുതൽ എന്റെ കിച്ചുവിനോടാ, കാരണം അവൻ ആണ് എന്നെ ആദ്യം അമ്മ എന്ന് വിളിച്ചത്... നീ ഒക്കെ ഇനി എന്നാ നെഗറ്റീവ് പറഞ്ഞാലും നോ പോബ്ലം- എന്നാണ് ഏറ്റവും ഒടുവിൽ പങ്കിട്ട പോസ്റ്റിൽ രേണു പറഞ്ഞത്.