ഈ ടീമിലെ റൺ വേട്ടക്കാർ 'തീ'; മൂന്നുപേരും കൂടി അടിച്ചുകൂട്ടിയത് 1,517 റൺസ്, ഗുജറാത്തിൻ്റെ കരുത്ത് ഇവർ

Edited byജിബിൻ ജോർജ് | Samayam Malayalam | Updated: 8 May 2025, 6:57 pm

മുംബൈ: ഐപിഎല്ലിൽ പോയിൻ്റ് പട്ടികയിലെന്ന പോലെ റൺ വേട്ടക്കാരുടെ കാര്യത്തിൽ സസ്പെൻസ് പോരാട്ടം മുറുകുന്നു. ഇത്തവണ റൺ വേട്ടക്കാരുടെ ഓറഞ്ച് ക്യാപ് ആർക്കാകുമെന്ന കാര്യത്തിൽ പ്രവചനം നടത്താൻ ആർക്കുമാകുന്നില്ല. ലഖ്നൗ സൂപ്പർ ജയ്ൻ്റ്സ് താരം നിക്കോളാസ് പുരാൻ റൺ വേട്ടക്കാരുടെ ഓറഞ്ച് ക്യാപ് ഉറപ്പിക്കുമെന്ന് തോന്നിപ്പിച്ചെങ്കിലും പുരാൻ്റെ തൊപ്പി വൈകാതെ തെറിച്ചു. ഗുജറാത്ത് ടൈറ്റൻസിൻ്റെ സായ് സുദർശനായിരുന്നു പുരാന് വെല്ലുവെളിയായത്. എന്നാൽ കൂടുതൽ താരങ്ങൾ റൺ കണ്ടെത്തിയതോടെ റൺ വേട്ടക്കാരുടെ എണ്ണം കൂടുകയാണ്. രോഹിതിൻ്റെ വിരമിക്കൽ തീരുമാനത്തിന് പിന്നിലെന്ത്; ഇത് അപമാനിച്ചതിന് തുല്യം, ഹിറ്റ്മാന് കണക്കുകൾ തിരിച്ചടിയായോ?
മുംബൈ ഇന്ത്യസ് താരം സൂര്യകുമാർ യാദവ്, ആർസിബിയുടെ വിരാട് കോഹ്ലി, ഗുജറാത്ത് ക്യാപ്റ്റൻ ശുഭ്മാൻ ഗിൽ, ഗുജറാത്തിൻ്റെ തന്നെ ജോസ് ബട്‌ലർ എന്നിവരെല്ലാം ഓറഞ്ച് ക്യാപിനായുള്ള മത്സരത്തിലുണ്ട്. ഇതുവരെയുള്ള കണക്കുകൾ പ്രകാരം 12 ഇന്നിങ്സുകളിൽ നിന്നായി 510 റൺസ് നേടിയ സൂര്യകുമാർ യാദവാണ് മുന്നിലുള്ളത്. 509 റൺസുമായി സായ് സുദർശൻ തൊട്ടുപിന്നിലുണ്ട്. 508 റൺസുമായി ശുഭ്മാൻ ഗില്ലും 505 റൺസുമായി കോഹ്ലിയും 500 റൺസുമായി ജോസ് ബട്‌ലറും ആദ്യം അഞ്ചിലുണ്ട്.


എന്നാൽ റൺ വേട്ടക്കാരുടെ ഈ കണക്കിലെ രസം മൂന്ന് ഗുജറാത്ത് ടൈറ്റൻസ് താരങ്ങളുടെ റൺസാണ്. സായ് സുദർശൻ, ശുഭ്മാൻ ഗിൽ, ജോസ് ബട്‌ലർ എന്നിവർ ചേർന്ന് അടിച്ച് കൂട്ടിയത് 1,517 റൺസാണ്. 11 മത്സരങ്ങളിൽ നിന്ന് 509 റൺസാണ് സായ് സുദർശൻ നേടിയത്. ശുഭ്മാൻ ഗിൽ 508ഉം ബട്‌ലർ അഞ്ഞൂറ് റൺസുമാണ് സ്വന്തമാക്കിയത്. ഗുജറാത്ത് ടൈറ്റൻസിൻ്റെ ഈ കുതിപ്പിന് പിന്നിൽ ഈ മൂന്ന് റൺ വേട്ടക്കാരാണെന്ന് കണക്കുകൾ വ്യക്തമാക്കുന്നത്. 153.31 ആണ് സായ് സുദർശൻ്റെ സ്ട്രൈക് റേറ്റ്, ബട്ലറുടേത് 163.93 ഉം ക്യാപ്റ്റൽ ഗില്ലിൻ്റേത് 152.55 മാണ്.

സർപ്രൈസ് നീക്കം നടത്തി സഞ്ജുവിന്റെ രാജസ്ഥാൻ റോയൽസ്; ടീമിന്റെ തലവര മാറ്റാൻ പുതിയ വിദേശ താരമെത്തി
ഡോട്ട് ബോളുകളുടെ എണ്ണം കുറച്ച് ബൗണ്ടറികളുടെ എണ്ണം വർധിപ്പിക്കുകയെന്ന തന്ത്രമാണ് ഗുജറാത്ത് പിന്തുടരുന്നത്. പവർപ്ലേയിലെ റൺ സ്കോറിങ്ങിൻ്റെ കര്യത്തിലും ജിടി ആധിപത്യം പുലർത്തുന്നുണ്ട്. പവർ പ്ലേയിലെ റൺ റേറ്റ് 9.13 ആണ്. മധ്യ ഓവറുകളിൽ സായ് സുദർശൻ കളി നിയന്ത്രിക്കുന്നതും ബട്ലർ തകർത്തടിക്കുന്നതുമാണ് അവർക്ക് നേട്ടമാകുന്നത്.

റാണയ്ക്ക് പകരം രാജസ്ഥാനിലെത്തിയത് ഒരു സൂപ്പർ താരം; ഈ 19കാരൻ നിസ്സാരക്കാരനല്ല, ഇനി കളിമാറും
ഈ സീസണിൽ 7മുതൽ 15 ഓവറുകൾക്കിടയിൽ ഗുജറാത്തിൻ്റെ ബാറ്റിംഗ് സ്ട്രൈക്ക് റേറ്റ് 165.2 ആണ്. ഷാരൂഖ് ഖാൻ, രാഹുൽ തെവാട്ടിയ, വാഷിംഗ്ടൺ സുന്ദർ, റാഷിദ് ഖാൻ എന്നീ ബാറ്റർമാരും ഗുജറാത്തിൻ്റെ കരുത്താണ്. അതിനാൽ തന്നെ ടോപ് ഓർഡർ ബാറ്റ്സ്മാന്മാർക്ക് ആശങ്കയില്ലാതെ ബാറ്റ് വീശാൻ സാധിക്കുന്നുണ്ട്. ഈ ഐപിഎൽ സീസണിലെ കണ്ടെത്തലുകളിൽ പ്രധാനിയാണ് സായ് സുദർശൻ.