ഈകാര്യങ്ങൾ മറികടന്നാൽ സഞ്ജുവിന്റെ റോയൽസിന് ജയം; പ്രധാന വെല്ലുവിളി ഡൽഹിയുടെ ആ താരം

Edited byഅനുഷ ഗംഗാധരൻ | Samayam Malayalam | Updated: 16 Apr 2025, 10:21 am

Samayam Malayalamരാജസ്ഥാൻ റോയൽസ്

ഡൽഹി: ഇന്ത്യൻ പ്രീമിയർ ലീഗ് 2025 സീസണിൽ ഇന്ന് ഡൽഹി ക്യാപിറ്റൽസും രാജസ്ഥാൻ റോയൽസും തമ്മിൽ ഏറ്റുമുട്ടുകയാണ്. സഞ്ജു സാംസണിന്റെ ക്യാപ്റ്റൻസിയിൽ ഇറങ്ങുന്ന റോയൽസ് ഡൽഹിയെ നേരിടുക ബൗളിങ് നിരയിൽ ചില മാറ്റങ്ങൾ വരുത്തിയാകും എന്നാണ് സൂചന. എന്നാൽ സഞ്ചുവിന്റെയും ടീമിന്റെയും തന്ത്രങ്ങൾ മറികടക്കാൻ നിലവിൽ ശേഷിയുള്ള ടീമാണ് അക്‌സർ പട്ടേലിന്റെ ഡൽഹി ക്യാപിറ്റൽസ്. സ്ഥിരതയില്ലാതെ കഷ്ടപ്പെടുന്ന സഞ്ജുവും കൂട്ടരും ഏറ്റുമുട്ടുന്നത് സ്ഥിരതയോടെ കളിക്കുന്ന ടീമിനോടാണ് എന്നത് ഡൽഹിയുടെ വിജയ സാധ്യത ഉയർത്തുന്നുമുണ്ട്.
111 റണ്‍സിന് ഓള്‍ഔട്ടായിട്ടും കെകെആറിനെ 95 റണ്‍സിന് എറിഞ്ഞിട്ടു; 16 റണ്‍സ് ജയത്തോടെ പഞ്ചാബ് നാലാമത്ഡൽഹിയിലെ അരുൺ ജെയ്റ്റ്‌ലി സ്റ്റേഡിയത്തിൽ ഇന്ന് രാത്രി 7.30 നാണ് മത്സരം നടക്കുന്നത്. കഴിഞ്ഞ മത്സരത്തിലെ തോൽവിയുടെ ക്ഷീണം മാത്രമാണ് ഡൽഹിയെ ബാധിച്ചിരിക്കുന്നത്. എന്നാൽ തങ്ങളുടെ അഞ്ചാം ജയം ഉറപ്പിച്ചാണ് ഡിസി ഇന്ന് കളിക്കളത്തിൽ ഇറങ്ങുന്നത്. അതേസമയം സഞ്ജുവിന്റെ രാജസ്ഥാൻ റോയൽസിന് ഇനിമുതലെങ്കിലും തിരിച്ചുവന്നെ മതിയാകുകയുള്ളു. അതുകൊണ്ടു ഡൽഹിയെ എങ്ങനെയെങ്കിലും പരാജയപ്പെടുത്തുക എന്നതാണ് രാജസ്ഥാന്റെ ലക്ഷ്യം. പക്ഷെ കെ എൽ രാഹുലിനെയും കുൽദീപ് യാദവിനെയും മിച്ചൽ സ്റ്റാർക്കിനെയും മറികടന്ന് ജയം സ്വന്തമാക്കുക എന്നത് രാജസ്ഥാന്റെ നിലവിലെ ഫോം വെച്ച് നോക്കുമ്പോൾ സാധ്യത കുറവാണ്. ഇരു ടീമുകളുടെയും ഐപിഎൽ ചരിത്രം പരിശോധിക്കുകയാണെങ്കിൽ 29 തവണയാണ് ഡൽഹിയും റോയൽസും ഏറ്റുമുട്ടിയത്. ഇതിൽ 14 മത്സരങ്ങളിൽ ഡൽഹിയും 15 മത്സരങ്ങളിൽ റോയൽസും ജയിച്ചു.
അതേസമയം റോയൽസ് ഭയപ്പെടേണ്ടത് അരുൺ ജെയ്റ്റ്‌ലി സ്റ്റേഡിയത്തിന്റെ പിച്ച് ആണ്. പൊതുവെ സ്പിന്നർമാർക്ക് അനുകൂലമാകുന്ന പിച്ച് ആണ് സ്റ്റേഡിയത്തിന്റേത്. ഡൽഹിയുടെ കുൽദീപ് അടക്കമുള്ള സ്പിന്നർമാർ മിന്നും ഫോമിലാണുള്ളത്. ഇവരെ മറികടന്ന് പന്ത് ബൗണ്ടറി കടത്തി സ്കോർ നേടുക എന്നത് ഏറെ പ്രയാസകരമായ ഒന്നാണ്. ഇതുതന്നെയായിരിക്കും റോയൽസ് ഇന്ന് നേരിടാൻ പോകുന്ന പ്രധാന വെല്ലുവിളി. ആദ്യം ബാറ്റ് ചെയ്യാൻ ഇറങ്ങുന്ന ടീം സ്കോർ 200 നു മുകളിൽ കടത്താൻ പരമാവധി ശ്രമിച്ചേക്കും. രാജസ്ഥാൻ റോയൽസിന്റെയും ഡൽഹി ക്യാപിറ്റൽസിന്റെയും വിജയ സാധ്യത മുകളിൽ പറഞ്ഞ കാര്യങ്ങൾ വെച്ചുനോക്കിയാൽ മുൻതൂക്കം കൂടുതൽ നിൽക്കുന്നത് ഡൽഹിക്ക് തന്നെയാണ്. ഹോം ഗ്രൗണ്ടിൽ റോയൽസിനെ നിലംപരിശാക്കാൻ ഡൽഹിക്ക് സാധിക്കും എന്ന് തന്നെയാണ് സൂചനകൾ വ്യക്തമാക്കുന്നതും.

ഡൽഹി കാപിറ്റൽസ് സാധ്യത പ്ലേയിംഗ് XI: ജേക്ക് ഫ്രേസർ-മക്‌ഗർക്ക്, അഭിഷേക് പോരേൽ, കരൺ നായർ, KL രാഹുൽ (വിക്കറ്റ് കീപ്പർ), ട്രിസ്റ്റൻ സ്റ്റബ്ബ്സ്, അക്ഷർ പട്ടേൽ (ക്യാപ്റ്റൻ), അശുതോഷ് ശർമ, വിപ്രജ് നിഗം, മിച്ചൽ സ്റ്റാർക്ക്, മോഹിത് ശർമ, കുൽദീപ് യാദവ്

രാജസ്ഥാൻ റോയൽസ് സാധ്യത പ്ലേയിംഗ് XI: യശസ്വി ജൈസ്വാൾ, സഞ്ജു സാംസൺ (ക്യാപ്റ്റൻ & വിക്കറ്റ് കീപ്പർ), നിതീഷ് രാണ, റിയാൻ പരാഗ്, ധ്രുവ് ജുരേൽ, ഷിംറൺ ഹെറ്റ്മെയർ, വാനിന്ദു ഹസരംഗ, ജോഫ്രാ ആർച്ചർ, മഹീഷ് തിക്ഷാണ, സന്ദീപ് ശർമ, യുദ്‌വീർ സിംഗ് ചരക്