ഉറക്ക ഗുളിക കഴിക്കുന്നത് നിര്‍ത്തി; വരുന്ന വര്‍ഷം ബിടിഎസിന്റെയും ബിടിഎസ് ആര്‍മിയുടേതും ആയിരിക്കുമെന്ന് ആര്‍എം

Authored by: അശ്വിനി പി|Samayam Malayalam•14 Nov 2025, 4:25 pm

ആരാധകരുമായി വീണ്ടും വിശേഷങ്ങള്‍ പങ്കുവച്ച് ബിടിഎസിന്റെ ആര്‍ എം. കഴിഞ്ഞ ദിവസം നടത്തിയ ലൈവ് സ്ട്രീമിങിലാണ് ആര്‍ എം തന്റെ വിശേഷങ്ങളും ടീമിന്റെ പുതിയ ആല്‍ബത്തെ കുറിച്ചും നടക്കാന്‍ പോകുന്ന വേള്‍ഡ് ടൂറിനെ കുറിച്ചുമെല്ലാം ആരാധകരുമായി സംസാരിച്ചത്

ലൈവ് സ്ട്രീമിങില്‍ ആദ്യം തന്നെ ആര്‍ എം പറഞ്ഞു തുടങ്ങുന്നത്, ഇറങ്ങാനിരിക്കുന്ന പുതിയ ആല്‍ബത്തെ കുറിച്ചോ മറ്റോ ഞാന്‍ എന്തെങ്കിലും സ്‌പോയിലര്‍ പുറത്തു വിടുമോ എന്ന് ഏജന്‍സിയ്ക്ക് ഭയമുണ്ട്. അതുകൊണ്ടുതന്നെ പുതിയ ആല്‍ബത്തെ കുറിച്ച് ഒന്നും തന്നെ ആര്‍ പങ്കുവയ്ക്കുന്നില്ല. എന്നാല്‍ അത് പ്രതീക്ഷിച്ചതിലും ഗംഭീരമായിട്ടുണ്ട് എന്ന തരത്തില്‍ ഉറപ്പ് നല്‍കുന്നുണ്ട്.

Also Read: ഈ സമയത്ത് ഞാന്‍ വ്യത്യസ്തമായി ഒന്ന് തിളങ്ങും; ഗൗരി കിഷന്റെ പുതിയ പോസ്റ്റും ഫോട്ടോകളും

ലോസ് ആഞ്ചല്‍സില്‍ ഞങ്ങള്‍ ഒരുമിച്ച ദിവസങ്ങള്‍ മറക്കാന്‍ സാധിക്കത്താതാണ്, അത് നല്ല കുരേ ഓര്‍മകള്‍ തന്നു. പുതിയ ആല്‍ബത്തിന്റെ വര്‍ക്കുകള്‍ നടക്കുമ്പോള്‍ എനിക്ക് ചെറിയ ആശങ്കയുണ്ടായിരുന്നു, അത് ജനം സ്വീകരിക്കുമോ എന്ന്. പക്ഷേ ഇപ്പോള്‍ എനിക്ക് പൂര്‍ണ വിശ്വാസവും സംതൃപ്തിയുമുണ്ട്, ഈ പുതിയ ആല്‍ബം തീര്‍ച്ചയായും വര്‍ക്കാകും. പുറത്തിറങ്ങാന്‍ പോകുന്ന ആല്‍ബത്തില്‍ പുതിയതും വ്യത്യസ്തമായതുമായ ചിലതൊക്കെയുണ്ട് എന്നാണ് ആര്‍എം പറയുന്നത്.

2026 നായി ഞങ്ങള്‍ ഏഴു പേരും കാത്തിരിക്കുകയാണ്, എല്ലാം പഴയതു പോലെ ആകാന്‍ വേണ്ടി. മാത്രമല്ല, വരാനിരിക്കുന്ന വേള്‍ഡ് ടൂറിലൂടെ ആരാധകരിലേക്ക് തങ്ങള്‍ നേരിട്ട് എത്തുന്ന സന്തോഷവും ആര്‍ എം പങ്കുവയ്ക്കുന്നുണ്ട്. അതിന്റെ ആവേശത്തിലാണ് ഞങ്ങള്‍. ലോകത്തിലെ എല്ലാ ഭൂഖണ്ഡത്തിലും എത്തണം എന്നാണത്രെ ടീമിന്റെ ആഗ്രഹം

ഉറക്ക ഗുളിക കഴിക്കുന്നത് താന്‍ നിര്‍ത്തി എന്ന കാര്യവും ലൈവ് സ്ട്രീമിങില്‍ ആര്‍ എം പറയുന്നുണ്ട്. ഉറക്കമില്ലായ്മയ്ക്ക് ഇനി ഞാന്‍ മരുന്ന് കഴിക്കുന്നില്ല. ഇനി അവ ആവശ്യമുണ്ടെങ്കില്‍ പോലും വേണ്ട എന്നാണ് തീരുമാനം, അല്പം വൈകിയാലും ഉറക്ക ഗുളികയുടെ സഹായമില്ലാതെ തന്നെ ഉറങ്ങണം. ഇനിയും ഞാന്‍ ഉറങ്ങുന്നതിനായി ഗുളികകളെ ആശ്രയിച്ചാല്‍ ഒരു വ്യക്തി എന്ന നിലയില്‍ എന്നെ അത് ബാധിക്കും, ഭാവിയില്‍ ഞാനൊരു സോംബിയെ പോലെ ആയെന്നും വരാം- ആര്‍ എം പറഞ്ഞു


ഈ കാലയളവില്‍ എന്തൊക്കെ ഞങ്ങള്‍ക്ക് സംഭവിച്ചോ, അതൊക്കെ മാറ്റി നിര്‍ത്തി ആരാധകരിലേക്ക് നേരിട്ട് എത്താനാണ് ഞങ്ങള്‍ ഇപ്പോള്‍ ശ്രമിക്കുന്നത്. ചുറ്റിലും ഒരുപാട് കാര്യങ്ങള്‍ സംഭവിക്കുന്നുണ്ട്. അതിനൊന്നും ശ്രദ്ധ നല്‍കരുത്, 2026 ബിടിഎസിന്റെയും ബിടിഎസ് ആര്‍മിയുടെയും വര്‍ഷമാവും. പ്രതീക്ഷകള്‍ ഒരു തരത്തില്‍ വലിയൊരു സമ്മര്‍ദ്ദമാണെങ്കിലും, അതിനെ കാര്യമായി എടുത്ത് ആ പ്രതീക്ഷക്കൊത്ത് ഉയരാന്‍ കഷ്ടപ്പെടും എന്നുമാണ് ആര്‍എം പറഞ്ഞത്