എംഎസ് ധോണി 2026ലും സിഎസ്കെയിൽ ഉണ്ടാകുമോ? അഭ്യൂഹങ്ങൾക്ക് മറുപടിയുമായി കോച്ച്

Edited byഅനുഷ ഗംഗാധരൻ | Samayam Malayalam | Updated: 4 May 2025, 8:45 am

ഇന്ത്യൻ ക്രിക്കറ്റിലെ ഇതിഹാസ താരമാണ് എംഎസ് ധോണി. ഇന്റർനാഷണൽ ക്രിക്കറ്റിൽ നിന്ന് 2020 ൽ വിരമിച്ച അദ്ദേഹം ഐപിഎല്ലിൽ സജീവമാണ്. ഇന്റർനാഷണൽ ക്രിക്കറ്റിൽ നിന്ന് വിരമിച്ചതിന് ശേഷം ഓരോ ഐപിഎൽ സീസൺ അവസാനിക്കുമ്പോഴും എംഎസ് ധോണി കളിക്കുന്ന അവസാന സീസൺ ആണ് ഇത് എന്ന തരത്തിലുള്ള അഭ്യൂഹങ്ങൾ നിറയാറുണ്ട്.
ആരാധകരുടെ നെഞ്ചിടിപ്പ് കൂട്ടിയ ത്രില്ലർ പോരാട്ടം; ചെപ്പോക്കിലെ ജയം ചിന്നസ്വാമിയിലും തുടർന്ന് കോഹ്ലിയും പടയും; പ്ലേ ഓഫിന് അരികെയെത്തി ആർസിബിഐപിഎൽ 2025 അവസാനിക്കുമ്പോളും അത്തരത്തിലുള്ള അഭ്യൂഹങ്ങൾ സമൂഹ മാധ്യമങ്ങളിൽ നിറയുന്നുണ്ട്. ഇപ്പോഴിതാ എംഎസ് ധോണിയുടെ ഐപിഎൽ റിട്ടയർമെന്റിനെ കുറിച്ച് സംസാരിക്കുകയാണ് എംഎസ് ധോണിയുടെ കുട്ടിക്കാലത്തെ കോച്ച് കേശവ് രഞ്ജൻ ബാനർജി. ഇദ്ദേഹം നൽകുന്ന സൂചനകൾ അനുസരിച്ച് എംഎസ് ധോണി 2026 ലും ചെന്നൈക്കായി ബാറ്റ് വീശും എന്നാണ് മനസിലാക്കാൻ സാധിക്കുന്നത്.
ടൈംസ് നൗ ന്യൂസിന് കൊടുത്ത എക്‌സ്‌ക്ല്യൂസീവ് അഭിമുഖത്തിൽ ആണ് എംഎസ് ധോണിയുടെ കുട്ടിക്കാലത്തെ കോച്ച് കേശവ് രഞ്ജൻ ബാനർജി എംഎസ് ധോണിയുടെ ഭാവി കാര്യങ്ങളെ കുറിച്ച് സംസാരിക്കവെയാണ് ഈ കാര്യത്തിൽ കൂടുതൽ വ്യക്തത വന്നത്. 2026 ഐപിഎൽ സീസണ് വേണ്ടി ചെന്നൈയിലേക്ക് യുവ താരങ്ങളെ കണ്ടെത്തുന്ന തിരക്കിലാണ് ഇപ്പോൾ എംഎസ് ധോണി ഉള്ളത് എന്നാണ് അദ്ദേഹത്തിന്റെ കുട്ടിക്കാല കോച്ച് കേശവ് രഞ്ജൻ ബാനർജി പറയുന്നത്. മാത്രമല്ല 2026 ലും എംഎസ് ധോണി സിഎസ്കെയുടെ പ്ലേയിങ് ഇലവനിൽ ഉണ്ടാകാൻ സാധ്യത കൂടുതലാണ് എന്നും അദ്ദേഹം പറഞ്ഞുവെക്കുന്നുണ്ട്.

"2025 ലെ ഐ‌പി‌എൽ ലേലത്തിന് മുമ്പ് സി‌എസ്‌കെ അദ്ദേഹവുമായി ( എംഎസ് ധോണിയുമായി ) വേർപിരിഞ്ഞേനെ. എന്നിരുന്നാലും, ഈ ടീമിനെ വളർത്താൻ ധോണി തുടരണമെന്ന് അവർ ആഗ്രഹിച്ചു. അതിനാൽ, അടുത്ത ഐ‌പി‌എല്ലിലും അദ്ദേഹം കളിക്കുന്നത് നമുക്ക് കാണാൻ കഴിഞ്ഞേക്കും," കേശവ് രഞ്ജൻ ബാനർജി പറഞ്ഞു.

അതേസമയം സുനിൽ ഗവാസ്‌ക്കറും എംഎസ് ധോണിയെ കുറിച്ച് കഴിഞ്ഞ ദിവസം സംസാരിക്കുകയുണ്ടായി. സ്പോർട്സ് ടുഡേയ്ക്ക് നൽകിയ അഭിമുഖത്തിൽ ആണ് അദ്ദേഹം എംഎസ് ധോണിയെ കുറിച്ച് സംസാരിച്ചത്. എംഎസ് ധോണി ഈ സീസണിൽ സിഎസ്കെയുടെ താൽപ്പര്യം മാത്രം കണക്കിലെടുത്താണ് കളിക്കുന്നതെന്ന്. ഭാവിയിൽ അദ്ദേഹം എടുക്കുന്ന ഏതൊരു തീരുമാനവും ടീമിന്റെ താൽപ്പര്യത്തിന് അനുസരിച്ചായിരിക്കും എന്നായിരുന്നു അദ്ദേഹം പറഞ്ഞത്.

"ഏതൊരു കളിക്കാരനും സ്വന്തം കാര്യത്തിലല്ല, മറിച്ച് ടീമിന് നല്ലതായിരിക്കാൻ സാധ്യതയുള്ള കാര്യങ്ങൾക്ക് വേണ്ടിയാണ് തീരുമാനങ്ങൾ എടുക്കുന്നത്. ഈ സീസണിൽ കളിക്കുന്നതിനെക്കുറിച്ച് എംഎസ്ഡി എടുക്കുന്ന ഏതൊരു തീരുമാനവും സിഎസ്കെയ്ക്ക് എന്താണ് നല്ലത് എന്നതിനെ മാത്രം അടിസ്ഥാനമാക്കിയുള്ളതായിരിക്കും," എന്ന് ഗവാസ്കർ പറഞ്ഞു.

"ഭാവിയിൽ അദ്ദേഹം എടുക്കുന്ന ഏതൊരു തീരുമാനവും സിഎസ്കെയ്ക്ക് എന്താണ് നല്ലത് എന്നതിനെ ആശ്രയിച്ചിരിക്കും - അത് അദ്ദേഹത്തിന് നല്ലതല്ല," എന്നും അദ്ദേഹം കൂട്ടിച്ചേർത്തു.