എംഎസ് ധോണി ഇത്തവണ ആ വമ്പൻ റെക്കോഡ് സ്വന്തമാക്കും; ഐപിഎല്ലിൽ കാത്തിരിക്കു‌ന്നത് ആർക്കുമില്ലാത്ത കിടില‌ൻ ‌നേട്ടം

Curated byഗോകുൽ എസ് | Samayam Malayalam | Updated: 18 Mar 2025, 12:31 am

Samayam Malayalamമഹേന്ദ്ര സിങ് ധോണി

ക്രിക്കറ്റ് ചരിത്രത്തിലെ എക്കാലത്തെയും മികച്ച താരങ്ങളിൽ ഒരാളായ മഹേന്ദ്ര സിങ് ധോണി, നീണ്ട 10 മാസത്തെ ഇടവേളക്ക് ശേഷം വീണ്ടും ക്രിക്കറ്റ് കളത്തിലേക്ക് എത്തുകയാണ്. ഈ മാസം 23 ന് നടക്കാനിരിക്കുന്ന ഐപിഎൽ മത്സരത്തിൽ ചെന്നൈ സൂപ്പർ കിങ്സ് ജേഴ്സിയിൽ മുംബൈ ഇന്ത്യൻസിന് എതിരെ ധോണി ഇറങ്ങുമ്പോൾ ആരാധകർ അത് ശരിക്കും ആഘോഷമാക്കും. ക്യാപ്റ്റൻ സ്ഥാനം റുതുരാജ് ഗെയിക്ക്വാദിന് നൽകിയ ധോണി കാര്യമായ സമ്മർദ്ദമൊന്നും ഇല്ലാതെയാണ് ഈ സീസണിലും കളിക്കുക. പ്രായം 43 പിന്നിട്ട ധോണി ഇക്കുറി എല്ലാ മത്സരങ്ങളിലും കളിക്കുമോ എന്ന കാര്യത്തിൽ വ്യക്തതയില്ല. എന്നാൽ പകുതിയിൽ കൂടുതൽ മത്സരങ്ങളിൽ അദ്ദേഹം കളിക്കുമെന്നാണ് കരുതപ്പെടുന്നത്. ഈ സീസണിനിടെ ഒരു തകർപ്പൻ റെക്കോഡ് സ്വന്തമാക്കാനുള്ള അവസരവും ധോണിക്ക് മുന്നിലുണ്ട് എന്നതാണ് ശ്രദ്ധേയം.


400 ടി20 മത്സരങ്ങളും, 350 ഏകദിന മത്സരങ്ങളും, 50 ടെസ്റ്റ് മത്സരങ്ങളും കളിക്കുന്ന ലോകത്തെ ആദ്യ താരമെന്ന റെക്കോഡ് സ്വന്തമാക്കാനുള്ള അവസരമാണ് 2025 സീസൺ ഐപിഎല്ലിൽ ധോണിക്ക് മുന്നിലുള്ളത്‌. 350 ഏകദിനങ്ങളും 90 ടെസ്റ്റ് മത്സരങ്ങളും 98 ടി20 മത്സരങ്ങളും കളിച്ചാണ് ധോണി അന്താരാഷ്ട്ര ക്രിക്കറ്റിൽ നിന്ന് വിരമിച്ചത്. കരിയറിൽ മൊത്തം 391 ടി20 മത്സരങ്ങളിലാണ് ധോണി ഇറങ്ങിയത്.

Also Read: വെടിക്കെട്ട് ബാറ്റിങ്ങുമായി ആന്ദ്രെ റസലും വെങ്കടേഷ് അയ്യരും; ഐപിഎല്ലിന് മുൻപ് മറ്റ് ടീമുകൾക്ക് മുന്നറിയിപ്പ് നൽകി കെകെആർ

2025 സീസൺ ഐപിഎല്ലിൽ ഒൻപത് മത്സരങ്ങൾ കളിക്കുന്നതോടെ ചരിത്ര നേട്ടമാണ് ധോണി സ്വന്തമാക്കുക. ടി20 ക്രിക്കറ്റിൽ ധാരാളം താരങ്ങൾ 400 ന് മുകളിൽ മത്സരങ്ങൾ കളിച്ചിട്ടുണ്ടെങ്കിലും അവരാരും 350 ഏകദിനങ്ങളും 50 ടെസ്റ്റുകളും കളിച്ചിട്ടില്ല.

Also Read: പരിശീലനത്തിൽ വെടിക്കെട്ട് നടത്തി സഞ്ജുവിന്റെ പുതിയ വജ്രായുധം; രാജസ്ഥാൻ റോയൽസിന്റെ പുതിയ താരം ഇക്കുറി ഞെട്ടിച്ചേക്കും

ഇന്ത്യൻ താരങ്ങളിൽ രോഹിത് ശർമയും ദിനേഷ് കാർത്തിക്കുമാണ് 400 ടി20 മത്സരങ്ങൾ കളിച്ചിട്ടുള്ളത്. രോഹിത് 448 ടി20 മത്സരങ്ങളും, കാർത്തിക് 412 ടി20 മത്സരങ്ങളുമാണ് കളിച്ചിട്ടുള്ളത്. ഐപിഎൽ 2025 സീസണിനിടെ ടി20 മത്സരങ്ങളുടെ എണ്ണത്തിൽ വിരാട് കോഹ്ലിയും 400 ലെത്തും. നിലവിൽ 399 ടി20 മത്സരങ്ങളാണ് കോഹ്ലി കളിച്ചിട്ടുള്ളത്.