എക്‌സ്പ്രഷന്‍സ് വാരി വിതറി മീനാക്ഷി ദിലീപ്; അച്ഛനെയും അമ്മയും പോലെ താരപുത്രിയുടെയും ലക്ഷ്യം അത് തന്നെയാണോ?

Authored by: അശ്വിനി പി|Samayam Malayalam•26 Nov 2025, 2:42 pm

പണ്ടൊക്കെ ക്യാമറയ്ക്ക് മുന്നിലേക്ക് വരാനേ മടിച്ചിരുന്ന ആളാണ് മീനാക്ഷി ദിലീപ് . മീനാക്ഷി അഭിനയിക്കുമോ എന്ന് പലപ്പോഴായി ദിലീപിനോട് ചോദിച്ചപ്പോഴും, കൃത്യമായ മറുപടി ദിലീപ് നല്‍കിയിരുന്നില്ല. ഇപ്പോഴിതാ എന്തൊക്കെയായാലും മീനാക്ഷി അഭിനയത്തിലേക്ക് വന്നേക്കാം എന്ന സൂചന തരുന്ന വിധമാണ് താരപുത്രി പങ്കുവച്ചിരിയ്ക്കുന്ന പുതിയ ഇന്‍സ്റ്റഗ്രാം സ്റ്റോറി.

സാരിയില്‍ അതീവ സുന്ദരിയായി വീഡിയോയ്ക്ക് പോസ് കൊടുക്കുന്നതായിട്ടാണ് ഇന്‍സ്റ്റഗ്രാം സ്റ്റോറി. മുഖത്ത് ഭാവങ്ങള്‍ മിന്നി മറയുന്നതായി കാണാം. ചിരിയും, ആറ്റിറ്റിയൂഡും എല്ലാമുണ്ട്. രക്തത്തില്‍ അലിഞ്ഞ അഭിനയം അങ്ങനെയങ്ങ് കൈവിട്ടു കളയാന്‍ സാധിക്കുമോ, മീനാക്ഷി തീര്‍ച്ചയായും അഭിനയത്തിലേക്ക് വരാന്‍ സാധ്യതയുണ്ട് എന്ന തരത്തിലാണ് ഫാന്‍ പേജുകളിലെ ചര്‍ച്ചകള്‍.

Also Read: ഞാനും സിംഗിളാണ് അമ്മയും സിംഗിളാണ്; മകള്‍ക്ക് ഉടനെ വിവാഹം ഉണ്ടാവുമോ എന്ന ചോദ്യത്തിന് മഞ്ജു പിള്ളയുടെ മറുപടി

ചെന്നൈയിലാണ് മീനാക്ഷി എംബിബിഎസ് പഠിച്ചത്. പഠനം പൂര്‍ത്തിയാവുന്നത് വരെ സോഷ്യല്‍ മീഡിയയില്‍ വളരെ വിരളമായിരുന്നു മീനാക്ഷി. എപ്പോഴെങ്കിലും ഒരു ഫോട്ടോയും, ഡാന്‍സ് വീഡിയോയും മാത്രമാണ് പങ്കുവച്ചിരുന്നത്. പഠനം പൂര്‍ത്തിയാക്കി നാട്ടില്‍ തിരിച്ചെത്തിയതിന് ശേഷം മീനാക്ഷി ഇന്‍സ്റ്റഗ്രാമില്‍ സജീവമായി. കൂടുതലും കാവ്യ മാധവന് വേണ്ടിയായിരുന്നു മീനാക്ഷിയുടെ പോസ്റ്റുകള്‍

കാവ്യയുടെ ലക്ഷ്യ എന്ന ഓണ്‍ലൈന്‍ വസ്ത്രവ്യാപാരത്തിന്റെ മോഡല്‍ ആയിട്ട് മീനാക്ഷി ഓരോ പുതിയ ഫോട്ടോകള്‍ പങ്കുവച്ചുകൊണ്ടിരുന്നു. അതെല്ലാം വളരെ പെട്ടന്ന് തന്നെ പ്രേക്ഷക ശ്രദ്ധയും നേടിയിരുന്നു. പതിയെ സിനിമ സംബന്ധമായ പൊതു പരിപാടികളിലും അച്ഛനൊപ്പം സെലിബ്രിറ്റി വിവാഹങ്ങളും സജീവമായ മീനാക്ഷി, ക്യാമറയോടുള്ള തന്റെ വെറുപ്പ് മാറ്റിയെടുത്തു.

Also Read: കല്യാണം ജീവിതവും, കരിയറും എല്ലാം ഞാന്‍ ആഗ്രഹിച്ചതുപോലെ തന്നെ പോകുന്നുണ്ട്; ദൈവത്തിന് നന്ദി പറഞ്ഞ് കീര്‍ത്തി സുരേഷ്


ഇപ്പോള്‍ സോഷ്യല്‍ മീഡിയയില്‍ വളരെ അധികം സജീവമായിട്ടുള്ള മീനാക്ഷി തന്റെ വിശേഷങ്ങളും കുടുംബത്തിലെ സന്തോഷ നിമിഷങ്ങളും പങ്കുവയ്ക്കാറുണ്ട്. അത് മാത്രമല്ല അച്ഛന്റെ സിനിമ പ്രമോഷന്റെ ഭാഗമായിട്ടുള്ള ഇന്‍സ്റ്റഗ്രാം സ്‌റ്റോറികളും പോസ്റ്റുകളും പ്രേക്ഷക ശ്രദ്ധ നേടാറുണ്ട്‌.