എങ്ങനെ സഹിക്കുന്നു ഇതിനെ, ശ്രീനിയോട് ജയം രവി ചോദിച്ച ചോദ്യം!

തന്റെ മുന്നില്‍ ആര് വന്നിരുന്നാലും, അവരെ തന്റെ വൈബിലേക്ക് എത്തിക്കാനുള്ള പേളി മാണി യുടെ കഴിവ് ഒന്നു വേറെ തന്നെയാണ്. പേളി മാണി ഷോയ്ക്ക് ഇത്രയേറെ ആരാധകരുണ്ടാവാനുള്ള കാരണവും അത് തന്നെ. ഗൗതം വാസുദേവ മേനോനെ പോലെ സീരിയസായി സംസാരിക്കുന്നവര്‍ പോലും പേളി മാണി ഷോയില്‍ വന്ന് ചിരി നിര്‍ത്താന്‍ കഴിയാത്ത സാഹചര്യത്തില്‍ എത്തിയിട്ടുണ്ട്. സ്വതസിദ്ധമായ സംസാര ശൈലി കൊണ്ട് ആരെയും പേളി തന്നിലേക്ക് ആകര്‍ഷിക്കും

പരാശക്തി എന്ന ചിത്രത്തിന്റെ പ്രമോഷനുമായി ബന്ധപ്പെട്ടാ ജയം രവി കേരളത്തിലേക്ക് എത്തിയത്. ആ അവസരത്തിലാണ് പേളി മാണി ഷോയില്‍ അതിഥിയായി എത്തിയതും. ജലദോശമൊക്കെ പിടിച്ച്, അല്പം ആരോഗ്യ പ്രശ്‌നങ്ങളോടെയാണ് ജയം രവി ഷോയ്ക്ക് എത്തിയത്. എന്നാല്‍ എന്റെ എല്ലാ അസുഖവും മാറിയിട്ടാണ് ഇവിടെ നിന്ന് പോകുന്നത് എന്ന് അവസാരം ജയം രവി പറഞ്ഞു. അത്രയും രസകരമായിരുന്നു ആ ഒരു അഭിമുഖം.

Also Read: രേവതി VZ കീർത്തി! ചില്ലറക്കാരിയല്ല, സ്വയം വെറുത്തകാലം; ചിക്കാഗോയിലും ഫ്ലോറിഡയിലും പഠനം; കിറ്റിയെപോലെ അറിയപ്പെടേണ്ടവൾ

സിനിമാ വിശേഷങ്ങളും സ്വകാര്യ ജീവിതത്തിലെ വിശേഷങ്ങളും എല്ലാം രസകരമായിട്ടാണ് പേളി ചോദിക്കുന്നത്. രവി മൂക്ക് ചീറ്റുന്നത് പോലും റെക്കോഡ് ചെയ്ത് ഇടാന്‍ ഒരുങ്ങി നിന്ന പേളി. ഒരു ഘട്ടത്തില്‍ ശ്രീനിയോട് ജയം രവി ചോദിക്കുന്നുണ്ട്, എങ്ങനെ സാധിക്കുന്നു ബ്രോ, നിങ്ങള്‍ ശരിക്കും ഗ്രേറ്റ് ആണ് എന്ന്. ദൈവമേ എന്ന് വിളിച്ചു പോകുന്ന അവസരവും ഉണ്ടായിട്ടുണ്ട്.

ജയം രവി അഭിനയിച്ച മിരുതന്‍ ഒരു സോംബി ചിത്രമാണെന്ന് പറഞ്ഞപ്പോഴാണ്, താനും ഒരു സോംബി ചിത്രത്തില്‍ അഭിനയിച്ചതായി പേളി പറഞ്ഞത്. സോംബി നിങ്ങളാണോ, എങ്കില്‍ പെര്‍ഫക്ട് കാസ്റ്റിങ് എന്നായിരുന്നു അതിന് ജയം രവിയുടെ മറുപടി.

പേളിയുടെ ചോദ്യങ്ങള്‍ അത്രയേരെ ആസ്വദിക്കുന്ന ജയം രവിയും അതിന് അനുസരിച്ച് ചില മറുപടി നല്‍കുന്നത് കാഴ്ചക്കാരെ ചിരിപ്പിക്കുന്നു. വിചിത്രമായ വിശ്വാസങ്ങലെ കുറിച്ച് ചോദിച്ചപ്പോള്‍, ചെറുപ്പത്തില്‍ ഒരു സുഹൃത്ത് എന്നോട് പറഞ്ഞു എല്ലാ ഞായരാഴ്ചയും ചുവന്ന വേഷം ധരിക്കണം എന്ന്. അപ്പോള്‍ ഷൂട്ടുള്ള ഞായറാഴ്ചകളില്‍ എന്ത് ചെയ്യും എന്ന് ചോദിച്ചപ്പോള്‍, ഷഡ്ഡിയായിട്ടെങ്കിലും ചുവപ്പ് ധരിക്കും എന്നായിരുന്നു ജയം രവിയുടെ മറുപടി. അഭിമുഖത്തിന്റെ അവസാനം താന്‍ ഇത് വളരെ ആസ്വദിച്ചു എന്ന് രവി മോഹന്‍ എന്ന ജയം രവി പറയുന്നുണ്ട്.