എനിക്കും എന്റെ ഭാര്യക്കും അവൾ ഇന്നും കൊച്ചുകല്യാണി! മകളെ കൊച്ചു കല്യാണിയായിത്തന്നെയാണ് ഇപ്പോഴും കാണുന്നതെന്ന് പ്രിയൻ

Authored by: ഋതു നായർ|Samayam Malayalam•4 Sept 2025, 2:40 pm

വിവാഹമോചനത്തിന് ശേഷവും സൗഹൃദം കാത്തുസൂക്ഷിക്കുന്ന താര ദമ്പതികളെ നമുക്ക് അറിയാം. ഡിവോഴ്സ് ആയെന്ന് കരുതി പരസ്പരം കരി വാരിതേക്കാത്ത ആളുകളിൽ മുൻപന്തിയിൽ ആണ് ലിസിയും പ്രിയദർശനും. ഒരിക്കൽ പോലും ഒരു വേദിയിലും ഇവർ പരസ്പരം കുറ്റപ്പെടുത്തുന്നതോ, നിങ്ങൾ കാരണമാണ് ഈ ബന്ധം അവസാനിച്ചത് എന്ന് പറഞ്ഞോ കേട്ടിട്ടില്ല.

പകരം പരസ്പര ബഹുമാനത്തോടെ ആണ് ഇരുവരും സംസാരിച്ചത്. തന്റെ ഭാര്യ എന്ന് ഇന്നും അഭിമാനത്തോടെ ആണ് പ്രിയദർശൻ പറയുന്നത്. ഏറ്റവും ഒടുവിലത്തെ അഭിമുഖത്തിൽ പോലും തന്റെ ഭാര്യ എന്ന് അഭിമാനത്തോടെ പ്രിയൻ പറയുമ്പോൾ ആ അഭിമുഖത്തോടുള്ള പ്രതീക്ഷയും ആരാധകർക്കും കൂടുന്നു.

മാതൃഭൂമി ചാനലിന് നൽകിയ സ്‌പെഷ്യൽ അഭിമുഖത്തിൽ ആണ് മകളെ കുറിച്ചുള്ള സംസാരത്തിന്റെ ഇടയിൽ എന്റെ ഭാര്യ എന്ന് പ്രിയൻ വിശേഷിപ്പിക്കുന്നത്. തന്റെ ഭാര്യയും താനും ഇന്നും കൊച്ചു കല്യാണി എന്നാണ് മകളെ വിളിക്കുക. തനിക്കും ഭാര്യക്കും അവൾ ഇന്നും കൊച്ചു കല്യാണി ആണ്.

ഒരിക്കലും നടി എന്ന നിലയിൽ അല്ല കാണുന്നതെന്നും പ്രിയൻ പറയുന്നു. ഒരുപക്ഷേ കല്യാണിയെ കുറിച്ച് പ്രിയൻ പറയുന്നതിനേക്കാൾ ലിസി എന്ന പങ്കാളിയെ കുറിച്ച് പ്രിയൻ പറഞ്ഞ വാക്കുകൾ ആണ് ഏറെ ശ്രദ്ധിക്കപെടുന്നത്.

പ്രശസ്തി തലയിലേക്കും തോൽവി ഹൃദയത്തിലേക്കും എടുക്കരുത് എന്നാണ് മകൾക്ക് നൽകുന്ന ഉപേദശമെന്നും പ്രിയൻ പറയുന്നുണ്ട്. തൊണ്ണൂറ്റി എട്ടാമത്തെ ചിത്രത്തിന്റെ പണിപ്പുരയിലാണ് പ്രിയദർശൻ.

സെയ്ഫ് അലി ഖാൻ, അക്ഷയ് കുമാർ നായകന്മാരായി എത്തുന്ന ചിത്രം സംവിധാനം ചെയ്യുമ്പോൾ പ്രിയൻ ഒരു കാത്തിരിപ്പിൽ ആണ് തന്റെ നൂറാമത്തെ ചിത്രം പ്രിയപ്പെട്ട ലാലു മോഹൻലാലിൻറെ ഒപ്പം ചെയ്യാൻ വേണ്ടി.

ALSO READ: ഭർത്താവിനേക്കാൾ മൂത്തയാൾ മുതൽ 20 വയസോളം താഴെ ഉള്ളവർ വരെ; താരങ്ങളുടെ ജീവിതപങ്കാളികളും പ്രായവ്യത്യാസവും
അക്ഷയ് കുമാർ, പരേഷ് റാവൽ, വാമിക ഗബ്ബി എന്നിവർ പ്രധാന വേഷങ്ങളിൽ എത്തുന്ന ഭൂത് ബംഗ്ല എന്ന ചിത്രത്തിന്റെ ഷൂട്ടിംഗ് പ്രിയദർശൻ അടുത്തിടെയാണ് അദ്ദേഹം പൂർത്തിയാക്കിയത്.

ഹേര ഫേരി 3, ഹൈവാൻ എന്നീ ചിത്രങ്ങൾ ഇപ്പോൾ തന്റെ കരിയറിലെ അവസാന അധ്യായമായേക്കാമെന്ന് പ്രിയദർശൻ വെളിപ്പെടുത്തിയിരുന്നു. തന്റെ നൂറാമത്തെ ചിത്രം മോഹൻലാലിൻറെ ഒപ്പമാണ് എന്നും പ്രിയദർശൻ പ്രഖ്യാപിച്ചു.

അതേസമയം കല്യാണിയുടെ ഏറ്റവും പുത്തൻ ചിത്രം ലോക ബോക്സ് ഓഫീസിൽ വമ്പൻ ഹിറ്റ് ആണ് സമ്മാനിച്ചിരിക്കുന്നത്. ലോകയെ കൂടാതെ ഓടും കുതിര ചാടും കുതിരയിലും കല്യാണി എത്തി.