എനിക്കെന്നും നീ കുഞ്ഞാണ്, 20 വർഷങ്ങൾ എങ്ങനെ പോയി എന്ന ദൈവത്തിനറിയാം; ഹൻസു ബേബിയ്ക്ക് പിറന്നാൾ ആശംസകളുമായി സിന്ധു

Authored by: അശ്വിനി പി|Samayam Malayalam•30 Sept 2025, 1:56 pm

ഇന്ന് കൃഷ്ണകുമാറിന്റെയും സിന്ധു കൃഷ്ണയുടെയും ഏറ്റവും ഇളയ മകൾ ഹൻസുബീ എന്ന ഹൻസിക കൃഷ്ണയുടെ ജന്മദിനമാണ്. മക്കളുടെ ബർത്ത്ഡേ എല്ലാം ആഘോഷമായി തന്നെയാണ് കൃഷ്ണ കുമാറിന്റെ കുടുംബം നടത്താറുള്ളത്. ഏറ്റവും ഇളയവളായതുകൊണ്ടു തന്നെ ഹൻസുബീ എന്നും സ്പെഷ്യലാണ്.

പ്രിയപ്പെട്ട അനുജത്തിയ്ക്ക് പിറന്നാൾ ആശംസകളുമായി എന്നത്തെയും പോലെ ഇഷാനിയും അഹാനയും ദിയയുമൊക്കെ എത്തിയിട്ടുണ്ട്. പക്ഷേ ഏറ്റവും ഇമോഷണലും അട്രാക്ടീവും അമ്മ സിന്ധു കൃഷ്ണ യുടെ പോസ്റ്റ് തന്നെയാണ്. 20 വയസ്സുകാരിയാണെങ്കിലും ഹൻസുബീ തനിക്കെന്നും കുഞ്ഞാണെന്ന് സിന്ധു കൃഷ്ണ പറയുന്നു

Also Read: കിച്ചു സുധി കാർ വാങ്ങി; ആദ്യം ആ കീ കൊണ്ടു കൊണ്ടുകൊടുത്തത് അച്ഛന് ഏറ്റവും പ്രിയപ്പെട്ട ആളുടെ കൈയ്യിൽ!

എന്റെ ഹൻസു ബേബിയുടെ ജന്മദിനമാണ് ഇന്ന്. അവൾ എന്നും എനിക്ക് എന്റെ കൊച്ചു കുഞ്ഞായാൽ മതി. എങ്ങനെയാണ് ഈ വർഷങ്ങൾ ഇത്രവേഗം പോയത് എന്ന് ദൈവത്തിനറിയാം. നിനക്കൊപ്പമുള്ള 20 വർഷങ്ങൾ എനിക്ക് ജീവിതത്തിലെ ഏറ്റവും കംഫർട്ടബിൾ ആയിട്ടുള്ള ഫേസ് ആയിരുന്നു. നിന്റെ കെട്ടിപ്പിടുത്തങ്ങളും ചുംബനങ്ങളും, എന്റെ ഹൃദയം നിറയാൻ എന്നും നീ എനിക്ക് ചുറ്റിലും വേണം. നീ ഇല്ലാതെ എവിടെ പോയാലും, എന്റെ തൊട്ടടുത്ത് നീ ഇരിക്കണം എന്ന് ഞാൻ ആഗ്രഹിക്കാറുണ്ട്. എന്റെ മനസ്സ് എപ്പോഴും നിന്നെ കുറിച്ചാണ് ചിന്തിയ്ക്കുന്നത്, നിന്റെ പിറകെ ഓടുകയാണ്, നിന്നെ കെട്ടിപ്പിടിക്കുകയാണ്. എന്റെ സ്വന്തം ആയതിന് നന്ദി ഹൻസു, ഹാപ്പി ബർത്ത്ഡേ എന്റെ കുഞ്ഞേ- സിന്ധു കൃഷ്ണ എഴുതി.

Also Read: ഒരുകോടിയിൽ ഒതുങ്ങില്ല ഈ പ്രണയം! ഇത് ലേഖയുടെ പേരിൽ വാങ്ങിയത്, നമ്മുടെ ഇഷ്ടവണ്ടി; പുത്തൻ യാത്രകൾ വിശേഷങ്ങൾ

കൂട്ടത്തിൽ ഏറ്റവും കെയറിങും ലവ്വിങുമാണ് ഹൻസു എന്നാണ് കുടുംബത്തിലെ എല്ലാവരുടെയും അഭിപ്രായം. ഇതുവരെ ഏറ്റവും ഇളയ കുഞ്ഞ് എന്ന വിശേഷണം ഉണ്ടായിരുന്നുവെങ്കിലും, ദിയയുടെ കുഞ്ഞ് ഓമി വന്നതോടെ അത് മാറി. പക്ഷേ ഒരു കുഞ്ഞമ്മയായ ഫീൽ തനിക്കില്ല എന്നാണ് ഹൻസിക പറഞ്ഞിട്ടുള്ളത്.


ഇപ്പോൾ കോളേജിൽ പഠിച്ചുകൊണ്ടിരിയ്ക്കുന്ന ഹൻസിക യൂട്യൂബ് വരുമാനം ഉണ്ടാക്കുന്നതിനൊപ്പം, അമ്മയ്ക്കും സഹോദരിമാർക്കുമൊപ്പമുള്ള ബിസിനസ്സിലും പങ്കാളിയാണ്. അഭിനയത്തിലും ഡാൻസിലും എല്ലാം താത്പര്യമുള്ള ഹൻസു അഹാനയ്ക്കും ഇഷാനിയ്ക്കും പിന്നാലെ അഭിനയത്തിലേക്ക് എത്തും എന്നാണ് പ്രതീക്ഷിക്കുന്നത്.