എനിക്കേറ്റവും പ്രിയപ്പെട്ട ഇടത്തേക്ക് തിരിച്ചുവരുന്നു; ഇമോഷണൽ പോസ്റ്റുമായി മമ്മൂട്ടി, നന്ദി പറയാൻ വാക്കുകൾ പോര

Authored by: അശ്വിനി പി|Samayam Malayalam•30 Sept 2025, 7:31 pm

മലയാളികൾ ഏറ്റവും അധികം കാത്തിരുന്ന ഒരു തിരിച്ചുവരവ് സംഭവിച്ചിരിയ്ക്കുന്നു, അതെ മമ്മൂട്ടി തിരിച്ചെത്തി!. ആരോഗ്യ പ്രശ്നങ്ങളെ തുടർന്ന് സിനിമയിൽ നിന്ന് ബ്രേക്ക് എടുത്ത് മാറി നിന്ന മമ്മൂട്ടി തിരിച്ചുവരാനായി കേരളക്കര ഒന്നടങ്കം പ്രാർത്ഥിച്ചിരുന്നു. അവസാനത്തെ ടെസ്റ്റ് റിസൾട്ട് നെഗറ്റീവ് ആയതും, മമ്മൂട്ടി സുഖം പ്രാപിക്കുന്നു എന്ന വാർത്ത പുറത്തുവന്നും അത് ഇന്റസ്ട്രിയിലെ ഓരോരുത്തരും ഒരു ആഘോഷമായി പോസ്റ്റ് ചെയ്തതും നമ്മൾ കണ്ടതാണ്.

അവസാനം എല്ലാ പ്രാർത്ഥനകൾക്കും ഫലം കണ്ടു, മമ്മൂട്ടി സിനിമാ സെറ്റിലേക്ക് തിരിച്ചെത്തുന്ന എന്ന അപ്ഡേറ്റും കഴിഞ്ഞ ദിവസം വന്നിരുന്നു. മഹേഷ് നാരായണൻ സംവിധാനം ചെയ്യുന്ന ചിത്രത്തിന്റെ ഷൂട്ടിങ് സെറ്റിൽ വച്ചാണ് മമ്മൂട്ടിയ്ക്ക് ആരോഗ്യ പ്രശ്നങ്ങളുണ്ടായത്. മമ്മൂട്ടിയും മോഹൻലാലും വീണ്ടും ഒന്നിക്കുന്ന പാട്രിയേറ്റ് എന്ന ചിത്രത്തിന്റെ ലൊക്കേഷനിലേക്ക് തന്നെ മമ്മൂട്ടി തിരിച്ചെത്തുന്നു.

Also Read: കിച്ചു സുധി കാർ വാങ്ങി; ആദ്യം ആ കീ കൊണ്ടു കൊണ്ടുകൊടുത്തത് അച്ഛന് ഏറ്റവും പ്രിയപ്പെട്ട ആളുടെ കൈയ്യിൽ!

ഇപ്പോഴിതാ മമ്മൂട്ടി തന്നെ തന്റെ സോഷ്യൽ മീഡിയ പേജിലൂടെ ആ വാർത്ത അറിയിക്കുന്നു. തനിക്കേറ്റവും പ്രിയപ്പെട്ട ഇടത്തേക്ക് തിരിച്ചെത്തുന്നു എന്ന് പറഞ്ഞാണ് മമ്മൂട്ടിയുടെ സോഷ്യൽ മീഡിയ പോസ്റ്റ്.

ഒരു ചെറിയ ഇടവേളയ്ക്ക് ശേഷം ജീവിതത്തിൽ എനിക്ക് ഏറ്റവും ഇഷ്ടപ്പെട്ട കാര്യം ചെയ്യാൻ ഞാൻ വീണ്ടും ആഗ്രഹിക്കുന്നു. എന്റെ അഭാവത്തിൽ എന്നെ അന്വേഷിച്ച എല്ലാവർക്കും നന്ദി പറയാൻ വാക്കുകൾ പോരാ. ക്യാമറ വിളിക്കുന്നു... എന്നാണ് മമ്മൂട്ടി സോഷ്യൽ മീഡിയയിൽ കുറിച്ചത്. കൂളിങ് ഗ്ലാസ് വച്ച് തന്റെ കാറിൽ ചാരി നിൽക്കുന്ന ഒരു സ്റ്റൈലൻ ഫോട്ടോയ്ക്കൊപ്പമുള്ള പോസ്റ്റ് ആരാധകർ ഏറ്റെടുത്തു കഴിഞ്ഞു

Also Read: _{അർജുൻ സാരഥി സാക്ഷാൽ കൃഷ്ണൻ തന്നെ! ഗർഭാവസ്ഥയിൽ തന്നെ തിരിച്ചറിഞ്ഞു; മൂന്നാം വയസിൽ അത്ഭുതമായ ബാലൻ}


രാജാവിന് സ്വാഗതം, ഞങ്ങളുടെ ബോസ് തിരിച്ചെത്തി, എന്നിങ്ങനെയൊക്കെ പറഞ്ഞ് സ്നേഹവും സന്തോഷവും നിറയുകയാണ് കമന്റിൽ. അതിൽ സെലിബ്രേറ്റികളുടെ കമന്റ് ആരാധകരുടെ കമന്റ് എന്നില്ല, മലയാള സിനിമ മൊത്തം കമന്റ് ബോക്സിൽ എത്തിയതുപോലെയാണ്. പലരും സ്റ്റോറിയായും സ്റ്റാറ്റസ് ആയും ഈ സന്തോഷ വാർത്ത പങ്കുവച്ചിട്ടുണ്ട്.