എനിക്ക് നോ പറയാന്‍ തോന്നാതിരുന്നത് ദൈവാനുഗ്രഹം; ഷാജി കൈലാസുമായുള്ള പ്രണയത്തെ കുറിച്ച് ആനി

ഇന്ന് ലോക പ്രണയ ദിനമാണ്. തന്റെ പ്രണയിനിക്കൊപ്പമുള്ളത് അല്ലെങ്കില്‍ പ്രിയതമനൊപ്പമുള്ള ഓരോ ഫോട്ടോകളും നല്ല നിമിഷങ്ങളും പങ്കുവയ്ക്കുന്ന തിരക്കിലാണ് സോഷ്യല്‍ മീഡിയയില്‍ ഓരോരുത്തരും. മലയാള സിനിമയിലെ മാതൃകാ ദമ്പതികള്‍ എന്ന വിശേഷണമുള്ള കപ്പിളാണ് സംവിധായകന്‍ ഷാജി കൈലാസും നടി ആനി യും. തങ്ങളുടെ പ്രണയ വിവാഹത്തെ കുറിച്ച് ആനി തുറന്ന് സംസാരിക്കുന്ന ഒരു വീഡിയോ ക്ലിപ് ആണ് ഇപ്പോള്‍ വൈറലാവുന്നത്

ഞങ്ങള്‍ തമ്മില്‍ പ്രണയം എന്ന ഒരു സാധനമേ ഉണ്ടായിരുന്നില്ല. ഒരു ആര്‍ട്ടിസ്റ്റ് - ഡിരക്ടര്‍ എന്നതിലുപരി ഒരു ബന്ധവും ഞങ്ങള്‍ക്കിടയില്‍ അന്നുണ്ടായിരുന്നില്ല. ആരും വിശ്വസിക്കില്ല ഇതു പറഞ്ഞാല്‍, പക്ഷേ അതാണ് സത്യം. സിനിമ ഷൂട്ടിങിന് വരുന്നു, അത് കഴിഞ്ഞ് ഞാന്‍ തിരിച്ചുപോയി. അവിടെ എല്ലാം തീര്‍ന്നു.

Also Read: ഓരോ ദിവസവും കരഞ്ഞുകൊണ്ടാണ് എഴുന്നേറ്റത്, ചെറിയ കാര്യത്തിന് പോലും ട്രിഗര്‍ ആവുമായിരുന്നു; ശിവാങ്കി പറയുന്നു

പിന്നീട് അമ്മയുടെ മീറ്റിങില്‍ വീണ്ടും കണ്ടുമുട്ടി. അവിടെ വച്ച് ചേട്ടന് എനിക്ക് നല്ല കെയറിങ് തരുന്നുണ്ടായിരുന്നു. പക്ഷേ ഞങ്ങള്‍ പരസ്പരം ഒന്നും സംസാരിച്ചതൊന്നുമില്ല. ആ പരിപാടി കഴിഞ്ഞ് ഞാന്‍ തിരിച്ചു പോയതിന് ശേഷമാണ് രഞ്ജിയേട്ടന്‍, രണ്‍ജി പണിക്കര്‍ എന്നെ വിളിക്കുന്നത്. ഒരാള്‍ക്ക് നിന്നെ ഇഷ്ടമാണ്, കളിയല്ല, തമാശയല്ല സീരിയസാണ് എന്ന് പറഞ്ഞു. എന്തോ ഞാന്‍ നോ എന്ന് പറഞ്ഞില്ല. എനിക്കപ്പോള്‍ അതിന് തോന്നിയില്ല, ഒരുപക്ഷേ ദൈവം കൂട്ടിവെച്ചതാവാം.

ആരാണ് എന്ന് ഞാന്‍ ചോദിക്കുന്നതിന് മുന്‍പേ ചേട്ടന്റെ ( ഷാജി കൈലാസ് ) കൈയ്യില്‍ ഫോണ്‍ കൊടുത്തു. അദ്ദേഹം വലിയൊരു കഥയൊക്കെയാണ് എന്നോട് പറയുന്നത്, എനിക്ക് ഭയങ്ക ഇഷ്ടമുള്ള പൊണ്‍കുട്ടിയാണ്, ആ കുട്ടിക്ക് ഇഷ്ടമുണ്ടോ എന്നൊന്നും എനിക്കറിയില്ല. ഞാന്‍ പ്രപ്പോസ് ചെയ്താല്‍ നോ പറയുമോ, താനാണ് ആ പെണ്‍കുട്ടിയുടെ സ്ഥാനത്ത് എങ്കില്‍ എന്ത് പറയും എന്ന് എന്നോട് ചോദിച്ചു. യെസ് എന്ന് പറയും എന്ന് ഞാന്‍ മറുപടി കൊടുത്തു. അവിടെയാണ് എല്ലാം തീരുമാനിച്ചത്- ആനി പറഞ്ഞു.

1996 ല്‍ ആയിരുന്നു ആനിയുടെയും ഷാജി കൈലാസിന്റെയും വിവാഹം. വിവാഹത്തിന് വേണ്ടി ഹിന്ദു മതം സ്വീകരിച്ച ആനി, പിന്നീട് സിനിമകളോട് ബൈ പറഞ്ഞ് ഒരു കുടുംബിനിയായി. മൂന്ന് ആണ്‍മക്കളുടെ അമ്മയായ നടി ഇന്ന് ആനീസ് കിച്ചണ്‍ എന്ന ഷോയിലൂടെ സജീവമാണ്