എനിക്ക് പോലും അറിയില്ല തിരിച്ചുവരണം എന്ന് ഒരിക്കലും പ്ലാൻ ചെയ്തത് അല്ല, ഒരു കളങ്കവും ഇല്ലാതെ എന്നെ സ്വീകരിച്ചത് പ്രേക്ഷകർ

പതിനാലുവര്ഷത്തെ ഇടവേള അവസാനിപ്പിച്ചുകൊണ്ട് മഞ്ജു വാര്യർ തിരിച്ചുവരുമ്പോൾ ഒരു പ്രതീക്ഷയും അവർക്ക് ഉണ്ടായിരുന്നില്ല. എനിക്ക് പോലും അറിയില്ല തിരിച്ചുവരണം എന്ന് ഒരിക്കലും പ്ലാൻ ചെയ്തത് അല്ല, ഒരു കളങ്കവും ഇല്ലാതെ എന്നെ സ്വീകരിച്ചത് പ്രേക്ഷകർ എന്ന് ഒരിക്കൽ മഞ്ജു പറഞ്ഞിട്ടുണ്ട്. ഒരിക്കൽ ജീവിതത്തിൽ എന്നും ഉണ്ടാകും എന്ന് കരുതിയ വിവാഹബന്ധത്തിൽ നിന്നും പുറത്തേക്ക് എത്തുമ്പോൾ അവർ ഒരിക്കലും അഭിനയം സ്വപ്നം കണ്ടില്ല പകരം ജീവിക്കാനുള്ള സാഹചര്യങ്ങൾ ആയിരുന്നു ആഗ്രഹിച്ചതും. പ്രസവിച്ച മകളെയും ഉണ്ടാക്കിയ സമ്പാദ്യവും എല്ലാം അവർക്ക് നഷ്ടമായി എന്ന് ഇൻഡസ്ട്രിയിൽ ഉള്ളവർ തന്നെ പറയുമ്പോൾ ഇതുവരെയും അതിനെക്കുറിച്ചൊന്നും മഞ്ജു തുറന്നു പറഞ്ഞിട്ടില്ല.ഇപ്പോൾ നിരവധി തമിഴ് മലയാളം ചിത്രങ്ങളിൽ ഭാഗം ആണ് മഞ്ജു. ഈ അടുത്ത് മഞ്ജുവിനെ കുറിച്ച് അഞ്ചു പങ്കിട്ട പോസ്റ്റിൽ നിന്നും ചില ഭാഗങ്ങൾ വായിക്കാം

1995 മുതൽ 1999 വരെ മാത്രം അഭിനയരംഗത്തുനിന്ന ഒരുവൾ ! പക്ഷേ ആ കാലയളവിൽ തന്നെ "മഞ്ജുവാര്യർ തരംഗം" സൃഷ്ടിച്ചശേഷം കുടുംബ ജീവിതത്തിലേയ്ക്ക് മടക്കം. അവിടെ സിനിമയെ കലർത്താതെ ഭാര്യയായും അമ്മയായും നല്ലൊരു കുടുംബിനിയായും തന്റെ റോൾ ഭംഗിയായി കൈകാര്യം ചെയ്തവൾ. ( എനിക്കറിയാം ഇതിന്റെ താഴെ അതേ കുറിച്ച് മറ്റ് പല അഭ്പ്രായങ്ങളുമായി, സല്ലാപം സിനിമയിൽ പതിനാലു വയസ്സ് ഉള്ളപ്പോൾ പറ്റിയ എന്തോ ഒരു പിഴവ് അതിന്റെ പേപ്പർ കട്ടിങ്ങുമായി ആളുകൾ വരുമെന്ന്). വിവാഹം കഴിഞ്ഞ് ദിലീപ് എന്ന നടന്റെ ഭാര്യയായി, മീനുവിന്റെ അമ്മയായി കഴിഞ്ഞ കാലത്ത് ആ വീട്ടുകാർക്കും ആ മുൻ ഭർത്താവിനും പറയാൻ ഉണ്ടായിരുന്നത് അത്രയും അവർ എങ്ങനെ മനോഹരമായി കുടുംബം കൈകാര്യം ചെയ്യുന്നു എന്ന് മാത്രമായിരുന്നു.

ALSO Read: എനിക്ക് കാവ്യയെ അത്രേം ഇഷ്ടാ, എന്റെ വീടിന്റെ അടുത്താ താമസം; ഇടക്കിടക്ക് സംസാരിക്കും; വിശേഷങ്ങൾ പങ്കിട്ട് പ്രിയങ്ക
പ്രണയത്തിലും ജീവിതത്തിലും മുറിവേറ്റ് അവർ തിരിഞ്ഞു നടക്കുമ്പോൾ ബാലൻസ്ഷീറ്റിൽ ഉണ്ടായിരുന്നത് നഷ്ടകണക്കുകൾ മാത്രം. അന്നും ഇപ്പോഴും അഭിമുഖീകരിക്കുന്നത് കഠിനമായ സമസ്യകളാണ് . പക്ഷെ ഒരു പുഞ്ചിരിയിൽ തന്റെ നിലപാടുകളിൽ ഉറച്ചു നിന്ന് ,ചിലപ്പോൾ അനിവാര്യമല്ലാത്ത വേദികളിൽ നിന്നും മാറി നിന്ന് മഞ്ജുവെന്ന സ്ത്രീ തന്റെ പ്രതിസന്ധികളെ തരണം ചെയ്തുക്കൊണ്ടേ ഇരിക്കുന്നു.

സ്ത്രീകളുടെ സ്വപ്‌നങ്ങള്‍ക്ക് പരിധികള്‍ നിശ്ചയിക്കാന്‍ ആര്‍ക്കും സാധിക്കില്ലെന്ന് റിയൽ ലൈഫിലും റീൽ ലൈഫിലും നിങ്ങൾ കാട്ടിത്തന്നു! പ്രതിസന്ധികളിൽ ഇടറിവീഴാൻ വേച്ചുപ്പോയ ഓരോ പെണ്‍മനസുകളുടെ മട്ടുപ്പാവിലും നിങ്ങൾ ജീവിതം കൊണ്ട്, വിജയം കൊണ്ട് ആത്മധൈര്യത്തിന്റെയും പ്രതീക്ഷയുടെയും വിത്തുകള്‍ മുളപ്പിച്ചു.