എന്തിനാണ് പേടി? വരാനിരിക്കുന്ന ആല്‍ബത്തെ കുറിച്ച് ജിമിനും ആര്‍ എമ്മും പറയുന്നു

Authored by: അശ്വിനി പി|Samayam Malayalam•25 Nov 2025, 4:31 pm

ബിടിഎസിന്റെ പുതിയ ആല്‍ബത്തിനായുള്ള കട്ട വെയിറ്റിങിലാണ് ആരാധകര്‍. സൈനിക സേവനത്തിന് ശേഷം ആദ്യമായി പുറത്തിറങ്ങുന്ന, രണ്ടര - മൂന്ന് വര്‍ഷത്തെ കാത്തിരിപ്പ് കൂടെയാണ് ഈ ആല്‍ബം. 2026 മാര്‍ച്ച് മാസത്തോടെ ആല്‍ബം പുറത്തിറങ്ങും എന്നാണ് പുറത്തുവരുന്ന വാര്‍ത്തകള്‍. ബിടിഎസിന്റെ പുതിയ ആല്‍ബവുമായി ബന്ധപ്പെട്ടുവരുന്ന ഏതൊരു അപ്‌ഡേറ്റും അത്രയധികം ആവേശത്തോടെയാണ് ആരാധകര്‍ സ്വീകരിക്കുന്നതും.

മ്യൂസിക് റെക്കോഡ് ചെയ്യുകയും, അതിന്റെ കൊറിയോഗ്രാഫി സെറ്റ് ചെയ്യുകയുമൊക്കെ ചെയ്യുന്ന തിരക്കിലാണിപ്പോള്‍ ബിടിഎസിന്റെ ഏഴംഗ സംഘവും. അതിനിടയില്‍ ജിമിനും ആര്‍ എമ്മും ആരാധകരുമായി ഒരു ലൈവ് വീഡിയോ ചെയ്തിരുന്നു. വരാന്‍ പോകുന്ന ആല്‍ബം എത്തരത്തിലുള്ളതായിരിക്കും എന്നും, എന്താണ് പുതിയ ആല്‍ബം പുറത്തിറങ്ങാന്‍ പോകുമ്പോഴുള്ള തങ്ങളുടെ ഭയം എന്നും ജിമിനും ആര്‍ എമ്മും പറയുന്നു.

Also Read: പൊതുവേദിയില്‍ വച്ച് തന്റെ പെണ്ണിനെ അപമാനിച്ച് കരയിപ്പിച്ചതിനെ കുറിച്ച് വിശാല്‍, അന്ന് അവര്‍ എല്ലാം ചിരിച്ചു

മ്യൂസിക് വളരെ മികച്ചതായി വന്നിട്ടുണ്ട് എന്ന് ജിമിന്‍ പറഞ്ഞു, ആര്‍ എമ്മും അത് അംഗീകരിച്ചു. പക്ഷേ എനിക്ക് പേടിയാണ്, ആരാധകര്‍ എങ്ങനെ സ്വീകരിക്കും എന്നതില്‍. പക്ഷേ ഞങ്ങള്‍ക്ക് ഞങ്ങളുടെ ആര്‍മി (ആരാധകര്‍) ഉണ്ട് എന്നതാണ് വിശ്വാസവും ബലവും എന്ന് ആര്‍ എം പറഞ്ഞു. മ്യൂസിക്കിന്റെ ആശയം എന്താണ് എന്ന് ആര്‍ എം പറയാന്‍ ശ്രമിക്കുമ്പോള്‍ ജിമിന്‍ അത് തടയാനും ശ്രമിക്കുന്നുണ്ട്. വസന്തകാലത്തെ കുറിച്ചാണ് എന്ന സൂചന ബിടിഎസ് നല്‍കി.

ലോസ് ആഞ്ചല്‍സില്‍ വച്ചാണ് ആല്‍ബം ക്രേയിറ്റ് ചെയ്തത്. അതും മെയ് - ജൂണ്‍ മാസത്തിലൊക്കെയായിട്ടായിരുന്നു. പൊതുവെ ലോസ് ആഞ്ചല്‍സിലെ സ്പ്രിങ് സീസണാണ് മെയ് മാസമൊക്കെ, അതുകൊണ്ടു തന്നെ ആര്‍ എം പറഞ്ഞത് ശരിയാവാം. ഇതൊരു വസന്തകാലത്തെ അടിസ്ഥാനമാക്കിയ ആല്‍ബം തന്നെയാവാം എന്ന ചര്‍ച്ചകളാണ് ഫാന്‍സ് ഗ്രൂപ്പുകളില്‍ നടക്കുന്നത്.

തുടര്‍ന്ന് നിരന്തരം ആരാധകര്‍ ആല്‍ബത്തെ സംബന്ധിച്ച ചോദ്യങ്ങള്‍ ചോദിച്ചുകൊണ്ടേയിരിക്കുന്നുണ്ട്. സ്‌പോയിലര്‍ ആക്കേണ്ട എന്ന് കരുതിയും, ആരാധകരുടെ ആകാംക്ഷ കുറക്കേണ്ട എന്ന് കരുതിയും ജിമിനോ ആര്‍ എമ്മോ കൂടുതലൊന്നും പറഞ്ഞില്ല. നിലവില്‍ നടക്കാനിരിക്കുന്ന തങ്ങളുടെ വേള്‍ഡ് ടൂറിന്റെ തിരക്കുകളിലാണ് ബിടിഎസ് താരങ്ങള്‍. ഇന്ത്യ ഉള്‍പ്പടെ പല രാജ്യങ്ങളിലായിട്ടാണ് വേള്‍ഡ് ടൂര്‍ നടക്കാനിരിക്കുന്നത്.