എന്നെ എന്റെ സ്വാതന്ത്ര്യത്തിനും സ്വകാര്യതയ്ക്കും വിട്ട ആരാധകർക്ക് നന്ദി എന്ന് വി; എന്താണ് സംഭവിച്ചത് എന്നറിഞ്ഞാൽ മലയാളികൾ നാണം കെടും!

Authored by: അശ്വിനി പി|Samayam Malayalam•26 Sept 2025, 4:40 pm

കേരളത്തിൽ എന്നല്ല, ഇന്ത്യൻ സിനിമ കൾച്ചർ തന്നെ അങ്ങനെയാണ്. എവിടെയെങ്കിലും സിനിമാ താരങ്ങളെ കണ്ടാൽ ഓടിക്കൂടി പൊതിഞ്ഞു നിന്ന് ഫോട്ടോകൾ എടുത്തും, തള്ളിയും തെറുപ്പിച്ചും വെറപ്പിക്കുന്ന കാഴ്ചയാണ് കാണാറുള്ളത്. മലയാളത്തിൽ ഓൺലൈൻ മാധ്യമങ്ങളുടെ തിക്കും തിരക്കും കാരണം സ്വസ്തമായി വിവാഹ ചടങ്ങുകൾ പോലും നടത്താൻ സാധിക്കാതെ പോയ സെലിബ്രിറ്റികളുണ്ട്. എന്നാൽ അത്തരം ആളുകൾ ബിടിഎസ് താരങ്ങൾക്ക് സൗത്ത് കൊറിയയിലുല്ള ആരാധകർ നൽകുന്ന ബഹുമാനം കണ്ടു തന്നെ പഠിക്കണം.

തന്റെ സ്വകാര്യ സോഷ്യൽ മീഡിയ പേജിൽ ആരാധകരുമായി ചാറ്റ് ചെയ്യവെ വി ആരാധകർക്ക് നന്ദി പറയുകയുണ്ടായി. തന്റെ സ്വകാര്യതയ്ക്കും സ്വാതന്ത്ര്യത്തിനും തങ്ങളുടെ വാക്ക് മാനിച്ച് വില നൽകിയതിനാണ് ആ നന്ദി പ്രകടനം.

Also Read: ജീവൻ ബിഗ് ബോസ് ഹൗസിലേക്ക് കയറിയതിന് ശേഷം സംഭവിച്ചത്? തകർന്നു നിന്ന അനുമോളെ ഫോക്കസ് ചെയ്ത് ബോസണ്ണൻ, ഇത് ക്രൂരം എന്ന് ആരാധകർ

ആൽബം ഷൂട്ടിന്റെയും മറ്റ് പ്രോഗ്രാമുകളുടെ തിരക്കിലും ഫിറ്റ്നെസ്സിനും വ്യായാമത്തിനും എല്ലാം പ്രാധാന്യം നൽകുന്നവരാണ് ബിടിഎസ് താരങ്ങൾ. ഹാൻ നദിയുടെ തീരത്തുകൂടെ വിയും ജങ്കൂക്കും വൈകുന്നേരങ്ങളിൽ ഓടാൻ പോകാറുണ്ട്. അങ്ങനെ പോയ തങ്ങളെ ഒരു ആരാധകൻ പോലും വളഞ്ഞു മൂടുകയോ ഫോട്ടോ എടുക്കുകയോ ഒന്നും തന്നെ ചെയ്തിട്ടില്ല എന്നതിനാണ് ഈ നന്ദി പ്രകടനം.

Also Read: പ്രണവ് ജർമ്മനയിൽ മീനാക്ഷിയും പുറത്താണ്; പൃഥ്വി എത്തിയില്ല; മഞ്ജു ഇത്തവണയും വിട്ടുനിന്നു; താര നിബിഢമായി കല്യാൺ നവരാത്രി

വിയും ജങ്കൂക്കും നേരത്തെ ഒരു ഏഴ് നിബന്ധനകൾ ആരാധകർക്ക് നൽകിയിരുന്നു. ഞങ്ങൾ വ്യായാമം ചെയ്യുന്നതിന്റെ ഭാഗമായി പൊതു ഇടങ്ങളിൽ ഓടുന്നത് കണ്ടാൽ ആരാധകർ അവരോട് സംസാരിക്കരുത്, അവരോടൊപ്പം ഓടരുത്, ചിരിക്കരുത്, ലജ്ജാകരമായ ഫോട്ടോകൾ എടുക്കരുത് തുടങ്ങിയ ഏഴ് നിയമങ്ങളായിരുന്നു അത്. അത് പാലിച്ചുകൊണ്ട് ആരാധകർ നിന്നു എന്നതിലാണ് ബിടിഎസ് താരങ്ങൾ ഇപ്പോൾ അഭിമാനിക്കുന്നത്.


ദശലക്ഷക്കണക്കിന് ആരാധകരുണ്ടായിട്ടും, ഗായകരെ കാണുമ്പോഴെല്ലാം ആർമി അത് പാലിച്ചു, ആരും അവർ ഓടുന്ന ഫോട്ടോകൾ പോലും ഒളിഞ്ഞു നിന്ന് പകർത്തിയില്ല.സത്യം പറഞ്ഞാൽ, ആർമി എന്നോട് വളരെ സൗമ്യരും മര്യാദയുള്ളവരുമാണ്. അവർ എന്നെ കണ്ടുമുട്ടിയാലും എന്നോട് സംസാരിക്കില്ല, പരിഗണനയുള്ളവരായിരിക്കും, എന്റെ അരികിൽ പോലും ഓടില്ല. ഞാൻ അവിടെ ഉണ്ടോ ഇല്ലയോ എന്നത് അവർക്ക് പ്രശ്നമല്ല എന്ന ഭാവത്തോടെയാണ് അവർ എന്നെ സ്വാഗതം ചെയ്യുന്നത്, ആംഗ്യത്തിലൂടെ അവർ എനിക്ക് വിഷ് ചെയ്തിട്ട് പോകും. അത് വളരെ നല്ലതും രസകരവുമാണെന്ന് എനിക്ക് തോന്നി- വി പറഞ്ഞു