എന്നെ ഒരു കൂട്ടുകാരിയെ പോലെ കണ്ടാല്‍ മതി; പുതുപ്പെണ്ണിനോട് ബിനീഷ് ബാസ്റ്റിന്റെ അമ്മച്ചി, ആദ്യത്തെ ദിവസം പങ്കുവച്ച് നടന്‍

ഇന്നലെയായിരുന്നു നടന്‍ ബിനീഷ് ബാസ്റ്റിന്റെ വിവാഹം. ഏറ്റവും പ്രിയപ്പെട്ടവരുടെ സാന്നിധ്യത്തില്‍ താരയുടെ കഴുത്തില്‍ ബിനീഷ് മിന്നു ചാര്‍ത്തി. അമ്മച്ചിയുടെ ഏറ്റവും വലിയ ആഗ്രഹവും പ്രാര്‍ത്ഥനയുമാണ് നടന്നത് എന്ന് വിവാഹത്തിന് ശേഷം മാധ്യമങ്ങളോട് പ്രതികരിക്കവെ ബിനീഷ് ബാസ്റ്റിന്‍ പറഞ്ഞിരുന്നു. ഇപ്പോഴിതാ വിവാഹം കഴിഞ്ഞ തൊട്ടടുത്ത ദിവസത്തെ വിശേഷം പങ്കുവച്ച് ബിനീഷ് എത്തിയിരിക്കുന്നു.

പുതുപ്പെണ്ണ് വീട്ടിലെത്തിയതിന്റെ തൊട്ടടുത്ത ദിവസത്തെ അടുക്കള കാഴ്ചയാണ് ബിനീഷിന്റെ പുതിയ വീഡിയോ. പതിവ് പോലെ അടുക്കളയില്‍ നില്‍ക്കുന്ന അമ്മച്ചിയുടെ അടുത്തേക്ക് ബിനീഷും താരയും ഉറക്കമുണര്‍ന്ന് എത്തുകയായിരുന്നു. സോറി അമ്മച്ചി ലേറ്റായിപ്പോയി എന്ന് പറഞ്ഞപ്പോള്‍, സാരമില്ല മോളെ എന്ന് പറഞ്ഞുകൊണ്ടാണ് സ്‌നേഹ സംഭാഷണം തുടങ്ങുന്നത്. റിസപ്ഷനൊക്കെ കഴിഞ്ഞ് കിടക്കാന്‍ പോയപ്പോള്‍ തന്നെ ഒരു മണി കഴിഞ്ഞിരുന്നുവത്രെ.

Also Read: കുഞ്ഞുങ്ങളെയും ശ്രീനിയെയും വച്ച് കണ്ടന്റ് ഉണ്ടാക്കുന്നു എന്ന വിമര്‍ശനത്തിന് പേളി മാണിയുടെ പ്രതികരണം, ഇനിയും ചെയ്യും എന്നല്ലേ?

താര ആദ്യമായി അടുക്കളയില്‍ കയറി കട്ടന്‍ ചായ ഇട്ടുകൊടുത്തു. എല്ലാ കാര്യങ്ങളും അമ്മച്ചി അടുത്ത് നിന്ന് പറഞ്ഞുകൊടുക്കുന്നുണ്ട്. ഇവിടെ പ്രത്യേകിച്ച് രീതികളൊന്നുമില്ല, മോളെങ്ങനെയാണോ ഇതുവരെ ചെയ്തത്, എന്താണോ മോള്‍ക്കിഷ്ടം അതുപോലെ തന്നെ ചെയ്‌തോളൂ. ഇതെടുത്തോട്ടെ, ഇത് ചെയ്‌തോട്ടെ എന്നൊന്നും ചോദിക്കേണ്ടതില്ല. എന്നെ ഒരു കൂട്ടുകാരിയെ പോലെ കണ്ടാല്‍ മതി എന്നൊക്കെയാണ് അമ്മച്ചി താരയോട് പറയുന്നത്.

ഇത്രയും സ്‌നേഹിക്കുന്ന അമ്മച്ചിയെയും, അത് മനസ്സിലാക്കുന്ന ഭാര്യയെയും കിട്ടിയ ബിനീഷ് ഭാഗ്യവനാണെന്ന് പറഞ്ഞുകൊണ്ടുള്ള കമന്റുകളും വീഡിയോയ്ക്ക് താഴെ വരുന്നു. ഇരുവര്‍ക്കും സന്തോഷമുള്ള ഒരു ദാമ്പത്യ ജീവിതം ആശംസിച്ചും സ്‌നേഹം അറിയിച്ചുമുള്ള കമന്റുകളാണ് കൂടുതലും

അഞ്ച് വര്‍ഷത്തെ പ്രണയമായിരുന്നു താരയുമായി. വീട്ടുകാരടക്കം എല്ലാവരില്‍ നിന്നും ഞാനത് മറച്ചുവയ്ക്കുകയായിരുന്നു. എന്റെ ഒരു ഫാന്‍ ഗേളായിരുന്നു താര. ഒരു പ്രോഗ്രാം ബുക്ക് ചെയ്യാന്‍ വേണ്ടി വിളിച്ചതാണ്. പിന്നീട് സൗഹൃദമായി. രണ്ട് രണ്ടര വര്‍ഷം സുഹൃത്തുക്കളായതിന് ശേഷമാണ് വിവാഹത്തെ കുറിച്ചൊക്കെ ഞങ്ങള്‍ ആലോചിച്ചത്. ഞാനൊരു താരമായതുകൊണ്ട് ഇഷ്ടപ്പെട്ടതല്ല, അമ്മച്ചിയെ ഞാന്‍ നോക്കുന്നത് കണ്ട് അതുപോലെ എന്നെയും നോക്കുമല്ലോ എന്ന് പറഞ്ഞാണ് അവള്‍ എന്നെ ഇഷ്ടപ്പെട്ടത്- എന്ന് ബിനീഷ് തന്റെ പ്രണയത്തെ കുറിച്ച് സംസാരിക്കവെ പറഞ്ഞിരുന്നു