എന്നെ പാടിച്ചില്ല എന്നതിന്റെ പേരിൽ ഞാൻ പിണങ്ങില്ല! ഞാനും ലാലും പിണങ്ങിയിട്ടില്ല; പിണക്കാന്‍ നോക്കിയാലും നടക്കില്ല!

Authored byഋതു നായർ | Samayam Malayalam | Updated: 16 Apr 2025, 11:42 am

Samayam Malayalamമോഹൻലാൽ എംജി

ഗായകനും സംഗീത സംവിധായകനുമായ എംജി ശ്രീകുമാറിന്റെ അടുത്ത സുഹൃത്താണ് നടൻ മോഹന്‍ലാല്‍. ഒരു വഴക്കിലൂടെയായാണ്ആ തങ്ങൾ ദ്യമായി പരിചയപ്പെട്ടതെന്ന് ഒരിക്കൽ എംജി തന്നെ പറഞ്ഞിട്ടുണ്ട്. മോഹന്‍ലാലിന്റെ ശബ്ദമായി വിശേഷിപ്പിക്കുമ്പോള്‍ സന്തോഷമാണ്. ലാലുവിന് വേണ്ടി പാടുമ്പോള്‍ എനിക്ക് പ്രത്യേകമായൊരു ഫീല്‍ അനുഭവപ്പെടാറുണ്ട് എന്നും പലകുറി അദ്ദേഹം പറഞ്ഞിരുന്നു. ഇതിനിടയിലാണ് ലാലും എംജിയും തമ്മിൽ പിണക്കമെന്നും ഇപ്പോൾ ഇറങ്ങുന്ന ചിത്രങ്ങളിൽ എംജി പാടുന്നില്ലെന്നും ഒരു പ്രചാരണം നടന്നത്. ഇപ്പോഴിതാ ഇതിനുള്ള ഉത്തരവും പ്രിയദർശനുമായുള്ള ബന്ധത്തെക്കുറിച്ചും കൈരളിക്ക് നൽകിയ അഭിമുഖത്തിൽ മനസ്സ് തുറക്കുകയാണ് എം ജി

പ്രിയനെ കുറിച്ച് പറഞ്ഞാല്‍ ഉറപ്പായും അദ്ദേഹമാണ് സിനിമയിലേക്ക് ഉള്ള എന്റെ ചവിട്ടുപടി. അത് പ്രിയൻ തന്നെ പറയാറുണ്ട് പലരും പറയും പ്രിയനും മോഹന്‍ലാലും ഉള്ളത് കൊണ്ടാണല്ലോ എംജി ശ്രീകുമാര്‍ ആയതെന്ന്. അതിന് ഉത്തരം പറയേണ്ടത് അവരാണ്. അതിനുള്ള മറുപടി അവര്‍ പല വേദികളിലും പറഞ്ഞിട്ടുമുണ്ട്. കമുകറ പുരുഷോത്തമന്‍ സാറിന്റെ അവാര്‍ഡ് എനിക്ക് സമ്മാനിച്ചത് പ്രിയനാണ്. അന്ന് ആ വേദിയില്‍ വെച്ച് പ്രിയൻ എന്നെ കുറിച്ച് സംസാരിച്ചിരുന്നു.

ALSO READ: ഒട്ടും വയ്യാതെ കിടന്ന ഈ ഒന്നര വര്‍ഷവും അവന്‍ മാത്രമാണ് കൂടെ ഉണ്ടായിരുന്നത്, മാനസികമായ ബലം തന്നത്; ഇമോഷണലായി സമാന്ത

ഞാന്‍ ഇവന് സിനിമയില്‍ പാടാന്‍ അവസരം കൊടുത്തു. പിന്നാലെ വേറെ സംവിധായകരും സംഗീത സംവിധായകരുമൊക്കെ ഇവനെ വിളിക്കാൻ തുടങ്ങി എന്ന്. എനിക്കെന്തെങ്കിലും കഴിവ് ഉണ്ടെന്നോ, അല്ലെങ്കില്‍ അവര്‍ ഉദ്ദേശിച്ചത് പോലെ പാടി കൊടുക്കാന്‍ എനിക്ക് സാധിക്കുമെന്ന് കണ്ടിട്ടായിരിക്കുമല്ലോ അവരൊക്കെ എന്നെ വിളിച്ചിട്ടുണ്ടാവുക. അല്ലാതെ പ്രിയന്‍ വിളിച്ച് പാടിച്ചത് കൊണ്ട് എല്ലാവരും പാട്ട് പാടുന്നവരാവുമോ, അല്ലെങ്കിൽ പ്രിയൻ വിളിച്ചു പറഞ്ഞതുകൊണ്ടല്ലല്ലോ എനിക്ക് അവസരം കിട്ടിയത് അങ്ങനെയെങ്കില്‍ ആര്‍ക്ക് വേണമെങ്കിലും പാടാം. ദുഃഖഗാനം പാടുമ്പോള്‍ അത് ദുഃഖമായിരിക്കണം. അതുപോലെ എല്ലാ ജോണറിലും പാടാന്‍ കഴിയുമെങ്കില്‍ വിജയിക്കും. അതാണ് പ്രിയദര്‍ശന്‍ എനിക്ക് വേണ്ടി തന്നത്. അദ്ദേഹം എന്റെ സ്റ്റെപ്പിംഗ് സ്റ്റോൺ ആണ് അത് ഞാൻ എവിടെയും പറയും.

ഇന്നുവരെ മോഹൻലാൽ എന്നെ ഒരു സിനിമയിൽ പാടിക്കണമെന്നോ പാടിക്കരുതെന്നോ പറഞ്ഞിട്ടില്ല, ഉദാഹരണത്തിന് ഭരതം എന്ന സിനിമ. അത് അദ്ദേഹത്തിന്റെ സ്വന്തം സിനിമയാണ്. എന്നെ അതിൽ പാടിച്ചിട്ടില്ല. എന്ന് കരുതി ഞങ്ങൾ പിണങ്ങിയിട്ടില്ല.. ഒരിക്കലും അതിന്റെ പേരിൽ പിണങ്ങാനും ആകില്ല. അതിനുശേഷം ഇറങ്ങിയ എത്രയോ പടങ്ങൾ എമ്പുരാൻ. അതിൽ ഞാൻ പാടിയിട്ടില്ലല്ലോ. അടുത്തിറങ്ങിയ വാലിബൻ സിനിമ അതിലും പാടിയില്ല. ബറോസിലും അതിന്റെ മുൻപുള്ള ചിത്രങ്ങളിലും ഒന്നും പാടിയിട്ടില്ല. എത്രയോ കാലങ്ങൾക്ക് ശേഷം ആണ് ഞാൻ ഇപ്പോൾ തുടരും സിനിമയിൽ പാടുന്നത്. അദ്ദേഹം പാടരുത് എന്നോ, പാടണം എന്നോ പറയില്ല. ഞങ്ങളുടെ സൗഹൃദം വേറെ ആണ്അത് സംഗീതമോ അഭിനയമോ അല്ല. ഞങ്ങൾടെ സൗഹൃദം അത്രയും സത്യസന്ധമായ ഒന്നാണ് അത് എനിക്ക് അറിയാം- MG Sreekumar പറഞ്ഞു