എന്റെ എല്ലാം അവളാണ്! പ്രിയപ്പെട്ടവള്‍ക്ക് പിറന്നാള്‍ ആശംസകളുമായി ശിവ കാര്‍ത്തികേയന്‍

Authored by: അശ്വിനി പി|Samayam Malayalam•13 Nov 2025, 9:04 pm

ഇന്റസ്ട്രിയില്‍ ഏറ്റവും വേറിട്ട താരപത്‌നിയാണ് ശിവകാര്‍ത്തികേയന്റെ ഭാര്യ ആര്‍തി ശിവകാര്‍ത്തികേയന്‍ എന്നാണ് പറയുന്നത്. ഒരു ഇടത്തരം കുടുംബത്തില്‍ ജനിച്ചു വളര്‍ന്ന പെണ്‍കുട്ടിയായതുകൊണ്ടു തന്നെ ഇപ്പോഴും ഭര്‍ത്താവിന്റെ സ്റ്റാര്‍ഡത്തിന്റെ ഗമ തലയ്ക്ക് കയറിയിട്ടില്ല. ഡ്രസ്സിഹിലോ ആര്‍തിയുടെ ആറ്റിറ്റിയൂഡിലോ ഒന്നും തന്നെ വ്യത്യാസവുമില്ല. തന്റെ എല്ലാ വളര്‍ച്ചയ്ക്കും പൂര്‍ണ പിന്തുണ നല്‍കി കൂടെ നില്‍ക്കുന്ന ആളാണ് ഭാര്യ എന്ന് പല സ്റ്റേജുകളിലും ശിവകാര്‍ത്തികേയന്‍ പറഞ്ഞിട്ടുണ്ട്.

ഇപ്പോഴിതാ പ്രിയപ്പെട്ടവള്‍ക്ക് പിറന്നാള്‍ ആശംസകളുമായി എത്തിയിരിക്കുകയാണ് നടന്‍. മനോഹരമായ ഒരു ഫോട്ടോ പങ്കുവച്ചുകൊണ്ടാണ് പോസ്റ്റ്, Happy Birthday to my everything എന്ന ക്യാപ്ഷനോടെ ആര്‍തിയെ ടാഗ് ചെയ്ത്, ഒരുപാട് ലവ് ഇമോജികള്‍ക്കൊപ്പം പങ്കുവച്ച പോസ്റ്റ് ആരാധകര്‍ ഏറ്റെടുത്തു കഴിഞ്ഞു. ഇരുവരോടും ഉള്ള സ്‌നേഹവും ആരാധനയും പങ്കുവച്ചുകൊണ്ട് വരുന്ന കമന്റുകളാണ് പോസ്റ്റിന് താഴെ

Also Read: ആലിയ ഭട്ടിനെ പോലെ മെലിഞ്ഞില്ലെങ്കില്‍ എന്താണ്, ഷംന കാസിം സുന്ദരിയല്ലേ? പുതിയ ചിത്രങ്ങള്‍

ഇതാദ്യമായല്ല ശിവകാര്‍ത്തികേയനും ഭാര്യയും ഒന്നിച്ചെത്തുന്ന ഒരു പോസ്റ്റ് വൈറലാവുന്നത്. ഇതിന് മുന്‍പ് അമരന്‍ എന്ന സിനിമയുടെ ഷൂട്ടിങ് സമയത്ത്, പട്ടാളക്കാരന്റെ വേഷത്തില്‍ പിന്നിലൂടെ വന്ന് ആര്‍തിയെ സര്‍പ്രൈസ് ചെയ്ത വീഡിയോ മില്യണ്‍സ് അടിച്ചിരുന്നു. ഇരുവരുടെയും സ്‌നേഹത്തെ കുറിച്ചും പരസ്പര ബഹുമാനത്തെ കുറിച്ചും അന്നു മുതലേ ആരാധകരും സംസാരിച്ചു തുടങ്ങി.

എന്റെ മാമന്റെ മകളാണ് ആര്‍തി. ഞാന്‍ ഒന്നുമല്ലാത്ത കാലത്ത് മുതലേ എന്നെ ഇഷ്ടപ്പെട്ടവള്‍. ടെലിവിഷന്‍ ഷോകള്‍ ചെയ്തു നടക്കുന്ന കാലത്ത് കാര്യമായ വരുമാനങ്ങള്‍ ഇല്ലെങ്കിലും, പലരും തന്റെ പേരില്‍ അവളെ അപമാനിച്ചിട്ടുണ്ട് എങ്കിലും അതൊന്നും എന്നോട് കാണിച്ചിരുന്നില്ല. സിനിമയോടുള്ള എന്റെ ആഗ്രഹം മനസ്സിലാക്കി കൂടെ നിന്ന ആളാണ്. എന്റെ മൂന്ന് കുട്ടികളുടെ അമ്മ- എന്നൊക്കെ എല്ലാ വേദികളിലും ആര്‍തിയെ കുറിച്ച് ശിവകാര്‍ത്തികേയന്‍ വാചാലനാവാറുണ്ട്. ഇന്റസ്ട്രിയില്‍ പലതരം ഗോസിപ്പുകള്‍ ശിവകാര്‍ത്തികേയന് നേരെ വരുമ്പോഴും കരുത്ത് നല്‍കി കൂടെ നില്‍ക്കുന്ന ആളാണ് ആര്‍തി.


മിനിസ്‌ക്രീന്‍ അവതാരകനായിട്ടായിരുന്നു ശിവകാര്‍ത്തികേയന്റെ തുടക്കം. പിന്നീട് സഹതാര വേഷങ്ങളിലൂടെ സിനിമയിലേക്ക് കടന്നു. ചെറിയ ചിത്രങ്ങളിലൂടെ നായക വേഷത്തിലേക്കും. കോമഡി സിനിമകള്‍ ചെയ്ത് കുട്ടികളുടെയും കുടുംബ പ്രേക്ഷകരുടെയും ഇഷ്ടം പിടിച്ചുപറ്റിയ ശിവകാര്‍ത്തികേയന്റെ കരിയര്‍ മാറി മറിഞ്ഞത് വളരെ പെട്ടന്നാണ്. ഇന്ന് തമിഴ് സിനിമാ ലോകത്ത് ഏറ്റവുമധികം താരമൂല്യമുള്ള യുവ സൂപ്പര്‍സാറ്റാറാണ് എസ്‌കെ എന്ന് വിളിക്കപ്പെടുന്ന ശിവകാര്‍ത്തികേയന്‍