എന്റെ ജീവിതത്തിൽ ഇനിയൊരു വിവാഹം ഉണ്ടാവും എന്ന് കരുതിയില്ല, പ്രശാന്തും ഞാനും കുട്ടികളെ പോലെയാണ് ജീവിക്കുന്നത്- ലെന

Authored by: അശ്വിനി പി|Samayam Malayalam•25 Jul 2025, 1:20 pm

ബിഗ് സ്ക്രീനിൽ തുടങ്ങി. മിനിസ്ക്രീനിൽ ശ്രദ്ധ നേടി, വീണ്ടും ബിഗ് സ്ക്രീനിലേക്ക് തിരിച്ചെത്തി കരുത്തുറ്റ സ്ത്രീ കഥാപാത്രങ്ങൾ ചെയ്ത നടിയാണ് ലെന . അഭിനയത്തിനൊപ്പം എഴുത്തിലേക്കും തിരിഞ്ഞ നടിയുടെ ജീവിതം ആകെ മാറി മറിഞ്ഞത് ആ പുസ്തകത്തിന് വേണ്ടി നൽകിയ ഒരു അഭിമുഖത്തിലൂടെയാണ്

ഇനിയൊരു വിവാഹമേ വേണ്ട എന്ന് തീരുമാനിച്ചിരുന്ന തന്റെ ജീവിതത്തിലേക്ക് എങ്ങനെ ഗഗൻയാൻ ദൗത്യത്തിനായി നിയോഗിക്കപ്പെട്ട ബഹിരാകാശയാത്രികനായ ഗ്രൂപ്പ് ക്യാപ്റ്റൻ പ്രശാന്ത് നായർ കടന്നു വന്നു. വിവാഹത്തിന് ശേഷം ആദ്യമായി മൂവി വേൾഡ് മീഡിയയ്ക്ക് നൽകിയ അഭിമുഖത്തിസ്‍ ലെന തുറന്നു പറഞ്ഞു.

Also Read: മോഹൻലാലിന്റെയും മമ്മൂട്ടിയുടെയും തോളിൽ കൈയ്യിട്ട് നിൽക്കുന്ന സംവൃത സുനിൽ; മുണ്ട് മടക്കി സൂപ്പർ താരങ്ങൾ, ഇത് പൊളിച്ചെന്ന് ആരാധകർ

ദൈവത്തിന്റെ ആത്മകഥ എന്ന എന്റെ പുസ്തകത്തിന്റെ പബ്ലിഷുമായി ബന്ധപ്പെട്ട് ഞാൻ നൽകിയ ഒരു വീഡിയോ വൻ വൈറലായിരുന്നു. വിവാദവും ചർച്ചയുമായ പശ്ചാത്തലത്തിൽ ഇങ്ങനെയുള്ള അഭിമുഖങ്ങളൊന്നും കാണാത്തവരിൽ ചിലരും എന്താണ് സംഭവം എന്നറിയാം ആ അഭിമുഖം കണ്ടു നോക്കുമല്ലോ. അങ്ങനെ കണ്ട ഒരാളാണ് പ്രശാന്ത് നായർ. ഹോ ഇതാണല്ലേ ആൾ എന്ന് തോന്നിയതും, പ്രശാന്തിന് ഒരു റെക്കഗനേഷൻ കിട്ടിയത്രെ. ഞാനാണ് അദ്ദേഹത്തിന്റെ പങ്കാളി എന്ന റെക്കഗനേഷൻ.

എന്റെ നമ്പറ് തപ്പിയെടുത്തു വിളിച്ചു, ഞങ്ങളുടെ സംസാരത്തിന്റെ തുടക്കത്തിലെ എനിക്കും ആ സ്പാർക്ക് അനുഭവപ്പെട്ടു. ഇത്രകാലം ഇല്ലാത്ത എന്തോ ഒന്ന് എനിക്ക് തോന്നി. പിന്നെ വീട്ടുകാരുമായി സംസാരിച്ചു, വിവാഹം പെട്ടന്ന് തീരുമാനിച്ചു. വിവാഹത്തെ കുറിച്ച് മറച്ചുവച്ചത് മനപൂർവ്വമല്ല. ഞാൻ വിവാഹം ചെയ്തു എന്നറിഞ്ഞാൽ സ്വാഭാവികമായും ആരാണ് വരൻ എന്ന് മീഡിയാസ് അന്വേഷിക്കും. ഗഗൻയാൻ ദൗത്യത്തിനായി നിയോഗിക്കപ്പെട്ടവരുടെ വിവരങ്ങൾ വളരെ കോൺഫിഡൻഷ്യലാണ്, അത് ഔദ്യോഗികമായി പ്രഖ്യാപിച്ചിട്ടുമില്ല. ആ സാഹചര്യത്തിൽ വിവാഹ വാർത്ത പുറത്തുവിടേണ്ട എന്ന് കരുതിയാണ്, പ്രധാനമന്ത്രി ഔദ്യോഗികമായി പ്രഖ്യാപിയ്ക്കുന്നതുവരെ കാത്തു നിന്നത്.

വിവാഹത്തിന് ശേഷം ഇപ്പോൽ സ്ത്രീത്വം എന്താണ് എന്നത് ആസ്വദിക്കാനും മനസ്സിലാക്കാനും തുടങ്ങി. എനിക്ക് ചില ശീലങ്ങളൊക്കെയുണ്ട്, അതേ ശീലങ്ങളുള്ള ആരെയും ഞാൻ കണ്ടെത്തിയിരുന്നില്ല. പക്ഷേ പ്രശാന്തിന്റെ കാര്യത്തിൽ കറക്ടായി എന്നിലേക്ക് എത്തിയത് പോലെയാണ് തോന്നുന്നത്. ഞങ്ങളുടെ രണ്ട് പേരുടെയും ശീലങ്ങൾ ഒരുപോലെ തെന്നെയാണ്, ഒന്നും മാറ്റമില്ല, അതുകൊണ്ട് തന്നെ വിവാഹത്തിന് ശേഷം എനിക്ക് മാറേണ്ടതായും വന്നിട്ടില്ല.

ഞങ്ങളെ കൂടുതൽ കണക്ട് ചെയ്തത് സ്പിരിച്വൽ തന്നെയാണ്. രണ്ട് പേർക്കും ആത്മീയതയിൽ വലിയ താത്പര്യമാണ്. കഴിഞ്ഞതിനെ കുറിച്ചോ വരാനിരിക്കുന്നതിനെ കുറിച്ചോ ഞങ്ങൾ ചിന്തിയ്ക്കുന്നില്ല. ജീവിക്കുന്ന ആ നിമിഷമാണ് ജീവിതം. അതൊക്കെ പറഞ്ഞ് കളിച്ചും ചിരിച്ചും ഞങ്ങളങ്ങനെ മുന്നോട്ടു പോകുന്നു. കുട്ടികളെ പോലെയാണ് ഞങ്ങളുടെ ജീവിതം. രസകരമായി മുന്നോട്ടു പോകുന്നു- ലെന പറഞ്ഞു.