എന്റെ മകളുടെ അമ്മ മാത്രമല്ല, എനിക്ക് സോള്‍മേറ്റ് കൂടെയാണ്; കാലങ്ങള്‍ക്ക് ശേഷം അഭിഷേക് ബച്ചന്‍ അത് തുറന്നു പറയുന്നു

സോഷ്യല്‍ മീഡിയയില്‍ അധികവും വരുന്ന ഗോസിപ്പുകളില്‍ ഒന്നാണ്, ഐശ്വര്യ റായിയും അഭിഷേക് ബച്ചനും വേര്‍പിരിയുന്നു എന്ന്. പൊതു ചടങ്ങുകളില്‍ ഇരുവരും ഒന്നിച്ചെത്താത്തതും, റെഡ് കാര്‍പെറ്റില്‍ ഒന്നിച്ച് പോസ് ചെയ്യാത്തതുമൊക്കെ പലപ്പോഴും വൈറലായിട്ടുണ്ട്. ഇപ്പോഴിതാ കാലങ്ങള്‍ക്ക് ശേഷം ആ വിവാദങ്ങള്‍ക്കൊന്നും മറുപടി പറയാതെ, തന്റെ മനോഹരമായ പ്രണയത്തെ കുറിച്ച് അഭിഷേക് ബച്ചന്‍ സംസാരിക്കുന്നു.

അതിന് മുന്‍പ്, ഫിലിം ഫെയര്‍ പുരസ്‌കാരം ലഭിച്ചപ്പോള്‍ ഐശ്വര്യയ്ക്കും ആരാധ്യയ്ക്കും നന്ദി പറഞ്ഞുകൊണ്ട് അഭിഷേക് ബച്ചന്‍ സംസാരിച്ചതും വൈറലായിരുന്നു. എന്റെ സ്വപ്‌നങ്ങളെ പിന്‍തുടരാന്‍ അവര്‍ എന്നെ സ്വതന്ത്ര്യനാക്കി, അവരില്ലായിരുന്നെങ്കില്‍ എനിക്കിവിടെ എത്താന്‍ സാധിക്കില്ലായിരുന്നു എന്ന് പറഞ്ഞുകൊണ്ടാണ് അഭിഷേക് നന്ദി പറഞ്ഞിരുന്നത്. പിന്നാലെ നല്‍കിയ അഭിമുഖത്തിലാണ് തന്റെ പ്രണയത്തെ കുറിച്ചും അഭിഷേക് വാചാലനായത്.

Also Read: എന്തിനാണ് മേക്കപ്പിട്ട് കറുപ്പിച്ച ഒരു നായികയെ കൊണ്ടുവരുന്നത്; തനിക്കെതിരെ വന്ന ചോദ്യത്തിന് മറുപടി നല്‍കി മമിത ബൈജു

ഏപ്രില്‍ 20 ന് അഭിഷേകിന്റെയും ഐശ്വര്യയുടെയും വിവാഹം കഴിഞ്ഞിട്ട് 19 വര്‍ഷങ്ങളാവുന്നു, 20 വിവാഹ വാര്‍ഷികത്തില്‍ തനിക്കൊരു വലിയ പ്ലാന്‍ ഉണ്ടെന്നാണ് അഭിഷേക് ബച്ചന്‍ പറഞ്ഞത്. 2000 ല്ഡ ധായി അഷ്‌കര്‍ പ്രേം കി എന്ന ചിത്രത്തിലാണ് ഞാനും ആഷും ഒന്നിച്ച് അഭിനയിച്ചത്. നല്ല സുഹൃത്തുക്കളായിരുന്നുവെങ്കിലും, അതിനപ്പുറത്തേക്കൊരു ബന്ധമുണ്ടായിരുന്നില്ല. ഇനി എന്റെ സോള്‍മേറ്റ് ഇവളായിരിക്കുമോ എന്ന് ഞാന്‍ സംശയിച്ചിരുന്നോ എന്ന് ചോദിച്ചാല്‍ ഒരിക്കലുമില്ല.

പിന്നീട് കുച്ച് ന കഹോ എന്ന ചിത്രത്തില്‍ ഒന്നിച്ചഭിനയിച്ചു. അപ്പോഴും ഞങ്ങളുടെ ബന്ധത്തിന് മാറ്റമൊന്നും ഉണ്ടായിരുന്നില്ല. 2006 ല്‍ ഉംറോ ജാന്‍ എന്ന ചിത്രത്തില്‍ ഒന്നിച്ചഭിനയിക്കുന്നത് വരെ എനിക്ക് ആ സ്പാര്ക്ക് അനുഭവപ്പെട്ടിരുന്നില്ല. പക്ഷേ ഞങ്ങള്‍ തമ്മിലുള്ള ബന്ധം ശക്തമായത് മണിരത്‌നത്തിന്റെ ഗുരു എന്ന ചിത്രത്തില്‍ വര്‍ക്ക് ചെയ്യുമ്പോഴായിരുന്നു.

ന്യൂയോര്‍ക്കില്‍ വച്ച് ഗുരുവിന്റെ പ്രീമിയര്‍ ഷോ നടക്കുന്ന സമയത്താണ് ഞാന്‍ ഐശ്വര്യയോട് വിവാഹാഭ്യര്‍ത്ഥന നടത്തിയത്. ഗുരു റിലീസായി അധികം വൈകാതെ തന്നെ വീട്ടുകാരുടെ അനുഗ്രഹത്തോടെ, 2007 ല്‍ വളരെ ഇന്റിമേറ്റായി ഞങ്ങളുടെ വിവാഹവും നടന്നു.

ഐശ്വര്യ എന്റെ മകളുടെ അമ്മ മാത്രമല്ല, എന്റെ സോള്‍മേറ്റ് കൂടെയാണ്. എല്ലാ മൂല്യങ്ങളും പറഞ്ഞുകൊടുത്തും പഠിപ്പിച്ചും പതിനാലുകാരിയായ എന്റെ മകളെ വളര്‍ത്താന്‍ ഐശ്വര്യ അത്രയേറെ സ്വയം സമര്‍പ്പിച്ചിട്ടുണ്ട്. പത്തൊന്‍പത് വര്‍ഷത്തെ ഞങ്ങളുടെ വിവാഹ ജീവിതം ശരിക്കുമൊരു സ്വപ്‌നമാണ്. 20 ആം വിവാഹ വാര്‍ഷികത്തിന് എനിക്ക് വലിയൊരു പ്ലാനുണ്ട്, പക്ഷേ അതിപ്പോള്‍ ഞാന്‍ പറയില്ല- അഭിഷേക് ബച്ചന്‍ പറഞ്ഞു