‘എന്റെ മതത്തെക്കുറിച്ചെന്നല്ല, ഒരു മതത്തെക്കുറിച്ചും മോശമായി സംസാരിച്ചിട്ടില്ല’: വിശദീകരണവുമായി ഇർഫാൻ പഠാൻ

1 month ago 3

ഓണ്‍ലൈൻ ഡെസ്‌ക്

Published: October 09, 2026 01:03 PM IST

1 minute Read

 Facebook/OfficialIrfanPathan/)
ഇർഫാൻ പഠാൻ. (ഫയൽ ചിത്രം: Facebook/OfficialIrfanPathan/)

ദുബായ് ∙ തന്റെ പേരിൽ വ്യാജവാർത്തകൾ പ്രചരിപ്പിക്കുന്നതിനെതിരെ രംഗത്തെത്തി മുൻ ഇന്ത്യൻ ക്രിക്കറ്റ് താരം ഇർഫാൻ പഠാൻ. താൻ ഒരു മതത്തെക്കുറിച്ചും ഒരിക്കലും ‘മോശമായി’ സംസാരിച്ചിട്ടില്ലെന്ന് അദ്ദേഹം വ്യക്തമാക്കി. ഇൻസ്റ്റഗ്രാമിൽ പങ്കുവച്ച സ്റ്റോറിയിലൂടെയാണ് താരം ഇത്തരത്തിലുള്ള പ്രചാരണങ്ങൾ നിഷേധിച്ചതും, വസ്തുതകൾ പരിശോധിക്കാതെ തന്റേതെന്ന പേരിൽ വരുന്ന പ്രസ്താവനകളോ പോസ്റ്റുകളോ പങ്കുവയ്ക്കരുതെന്ന് ആരാധകരോട് അഭ്യർഥിച്ചതും. ഇന്ത്യക്കായി 29 ടെസ്റ്റുകളും 120 ഏകദിനങ്ങളും 24 ട്വന്റി20 മത്സരങ്ങളും കളിച്ച ഓൾറൗണ്ടറാണ് ഇർഫാൻ പഠാൻ.

What you should work next

‘‘കാഴ്ചക്കാരെ (വ്യൂസ്) കൂട്ടാൻ വേണ്ടി മാത്രം, യാതൊരു തെളിവുമില്ലാതെ എന്റെ പേര് ഉപയോഗിച്ച് വ്യാജവാർത്തകൾ പ്രചരിപ്പിക്കുന്നുണ്ട്. ദയവായി ഇതു വിശ്വസിക്കുകയോ പങ്കുവയ്ക്കുകയോ ചെയ്യരുതെന്ന് ഞാൻ എല്ലാവരോടും അഭ്യർഥിക്കുന്നു. വാർത്ത എന്നിൽനിന്നു നേരിട്ട് വരുന്നതല്ലെങ്കിൽ, ദയവായി അതു വിശ്വസിക്കരുത്.’’– ഇർഫാൻ പഠാൻ പ്രസ്താവനയിൽ പറഞ്ഞു.

‘‘എന്റെ സ്വന്തം മതത്തെക്കുറിച്ച് പോട്ടെ, മറ്റൊരു മതത്തെക്കുറിച്ചും ഞാൻ ഇതുവരെ മോശമായി സംസാരിച്ചിട്ടില്ല. ഇത്തരം വ്യാജ അവകാശവാദങ്ങൾ വിശ്വസിക്കുന്നതിനോ പ്രചരിപ്പിക്കുന്നതിനോ മുൻപ് വസ്തുതകൾ പരിശോധിക്കാൻ ഞാൻ എല്ലാവരോടും അഭ്യർഥിക്കുന്നു.’’– അദ്ദേഹം കൂട്ടിച്ചേർത്തു. ലോക ലെജൻഡ്സ്‌ ചാംപ്യൻഷിപ്പിൽ ഇന്ത്യൻ ടീമിന്റെ ഭാഗമായ ഇർഫാൻ പഠാൻ, നിലവിൽ യുഎഇയിലാണ്.

ഇർഫാൻ പഠാൻ ഇൻസ്റ്റഗ്രാമിൽ പങ്കുവച്ച സ്റ്റോറി

ഇർഫാൻ പഠാൻ ഇൻസ്റ്റഗ്രാമിൽ പങ്കുവച്ച സ്റ്റോറി

ഈ സീസണിൽ പങ്കെടുക്കേണ്ടതില്ലെന്ന് പാക്കിസ്ഥാൻ തീരുമാനിച്ചതിനെത്തുടർന്ന് ലെജൻഡ്സ് ചാംപ്യൻഷിപ് അടുത്തിടെ ചർച്ചാവിഷയമായിരുന്നു. കഴിഞ്ഞ സീസണിലെ ഇന്ത്യൻ ടീമിന്റെ പെരുമാറ്റത്തിൽ രേഖാമൂലം മാപ്പ് പറയണമെന്ന പാക്കിസ്ഥാൻ ക്രിക്കറ്റ് ബോർഡിന്റെ ആവശ്യം സംഘാടകർ നിഷേധിച്ചതോടെയാണ് ടൂർണമെന്റിൽനിന്നു പാക്കിസ്ഥാൻ പിന്മാറിയത്. പാക്കിസ്ഥാൻ ചാംപ്യൻസ് ടീമിനെ താരങ്ങൾക്കുള്ള എൻഒസി പിസിബി നിഷേധിക്കുകയായിരുന്നു.

English Summary:

Irfan Pathan fake quality has been powerfully denied by the erstwhile Indian cricketer done an Instagram communicative wherever helium urged fans not to judge unverified statements. The cricketer clarified that helium has ne'er spoken disrespectfully astir immoderate religion portion addressing creators utilizing his sanction for views.

Read Entire Article