എന്റെ വേദനകള്‍ അമ്മയ്ക്ക് പോലും മനസ്സിലാക്കാന്‍ കഴിഞ്ഞില്ല, ഒറ്റയ്ക്കിരുന്ന് കരഞ്ഞ രാത്രികളെ കുറിച്ച് രശ്മിക

ഇന്നലെ, ഫെബ്രുവരി 26 ന് ആയിരുന്നു രശ്മിക മന്ദാനയുടെയും വിജയ് ദേവരകൊണ്ടയുടെയും രാജകീയാമായ വിവാഹം നടന്നത്. കഴിഞ്ഞ കുറച്ച് ദിവസങ്ങളായി സോഷ്യല്‍ മീഡിയയിലെ ഏറ്റവും വലിയ ചര്‍ച്ചകളും ഇത് തന്നെയായിരുന്നു. ഇന്നലെ വിവാഹ ചിത്രങ്ങള്‍ വന്നതോടെ വധൂ വരന്മാരുടെ വിവാഹ വേഷത്തെ കുറിച്ചും ചടങ്ങുകളെ കുറിച്ചുമുള്ള ചര്‍ച്ചയായി.

അതിനിടയില്‍ പല അഭിമുഖങ്ങളിലും രശ്മിക പറഞ്ഞ ചില കാര്യങ്ങളും വൈറലാവുന്നുണ്ട്. അതിലൊന്ന് നടി ചെറുപ്പം മുതല്‍ അനുഭവിച്ച വേദനകളെ കുറിച്ചായിരുന്നു. തന്റെ വേദന അമ്മയോട് പോലും പറയാന്‍ സാധിക്കാതെ ഒറ്റയ്ക്കിരുന്ന് കരഞ്ഞു തീര്‍ത്തതിനെ കുറിച്ച് രശ്മിക സംസാരിക്കുന്നു.

Also Read: 14 വര്‍ഷങ്ങള്‍ക്കിടയില്‍ താന്‍ ഇതുവരെ പങ്കുവയ്ക്കാത്ത ചില ഫോട്ടോകളുമായി സംവൃത സുനില്‍

എന്റെ സ്‌കൂള്‍ ജീവിതത്തില്‍ എനിക്ക് നല്ല അനുഭവങ്ങളല്ല ഉണ്ടായിട്ടുള്ളത്. എനിക്ക് നല്ല കമ്യൂണിക്കേഷന്‍ സ്‌കില്‍ ഉണ്ടായിരുന്നില്ല, അത് കാരണം ഒരുപാട് തെറ്റിദ്ധരിക്കപ്പെട്ടു. അതുകൊണ്ടു തന്നെ ആരോടും മിണ്ടാന്‍ കഴിയാതെ ഒറ്റപ്പെട്ട അവസ്ഥയായി. ഒരുപാട് ദിവസങ്ങളില്‍, പല രാത്രികളില്‍ ഞാന്‍ ഒറ്റയ്ക്കിരുന്ന് കരഞ്ഞു തീര്‍ത്തിട്ടുണ്ട്. പക്ഷേ ഞാന്‍ കരയുന്നത് ആരും കാണില്ല. എന്റെ മുറിയില്‍ ഒറ്റയ്ക്കിരുന്നാണ് ഞാന്‍ കരയുന്നത്.

എന്തെങ്കിലും ചെറിയ ചില പ്രശ്‌നങ്ങള്‍ അമ്മയോട് പങ്കുവയ്ക്കാന്‍ പോയാല്‍ അമ്മ എപ്പോഴും പറയുന്നത്, കരയരുത്, എന്തിനാണ് നീ കരയുന്നത്, ഇതാണ് ലോകത്തെ ഏറ്റവും വലിയ പ്രശ്‌നം എന്ന് നീ കരുതുന്നുണ്ടോ, ഇതൊന്നും ഒന്നുമല്ല എന്ന്. അത് കേള്‍ക്കുമ്പോള്‍ എനിക്ക് തോന്നും, ഹോ ഇത്രയും ചെറിയ കാര്യത്തിന് ആളുകളുടെ മുന്നില്‍ കരയുന്നത് തെറ്റാണല്ലേ എന്ന്.

Also Read: എനിക്ക് അബോര്‍ഷന്‍ ആവാന്‍ കാരണം ആ ഗോസിപ്പാണ്, അത്രയധികം മാനസികമായി അത് ബാധിച്ചു; തുറന്ന് പറഞ്ഞ് അശ്വതി രാഹുല്‍

ഇന്നും ആര്‍ക്കും അറിയില്ല എന്താണ് എന്നെ ബാധിക്കുന്നത്, എന്താണ് എന്നെ സങ്കടപ്പെടുത്തുന്നത് എന്ന്. എല്ലാം ശരിയാണ്, ഒരു പ്രശ്‌നവുമില്ല എന്ന തരത്തിലാണ് ഞാന്‍ എല്ലാവരോടും പെരുമാറുന്നത്, അങ്ങനെ അല്ലെങ്കില്‍ പോലും. എന്നെ സംബന്ധിച്ച് ഏറ്റവും വിഷമമുള്ള കാര്യമാണ്, ഏതൊരു സങ്കടാവസ്ഥയില്‍ നില്‍ക്കുമ്പോഴും മറ്റുള്ളവരുടെ മുന്നില്‍ ഒന്നും സംഭവിച്ചിട്ടില്ല എന്ന ഭാവത്തില്‍ സന്തോഷത്തോടെ നില്‍ക്കുന്നത്. പക്ഷേ റൂമിലേക്ക് തിരിച്ചെത്തിയാല്‍ ഞാന്‍ പൊട്ടിക്കരയും- എന്നാണ് രശ്മിക മന്ദാന പറഞ്ഞത്‌.