എല്ലാം ഞാന്‍ നോക്കിക്കോളാം, നിങ്ങളാരും വിഷമിക്കേണ്ട; സംഗീത, തൃഷ വിഷയത്തില്‍ ആദ്യമായി പ്രതികരിച്ച് വിജയ്

26 വര്‍ഷത്തെ ദാമ്പത്യ ജീവിതത്തിന് ശേഷം വിജയ്‌ക്കെതിരെ ഭാര്യ സംഗീത സ്വര്‍ണലിംഗം കോടതിയില്‍ കേസ് കൊടുത്തത് ഇപ്പോഴും വലിയ ചര്‍ച്ചയാണ്. പ്രമുഖ നടിയുമായി അവിഹിത ബന്ധമാണെന്നും, അത് ചോദ്യം ചെയ്ത തന്നെ വീട്ടില്‍ നിന്ന് പുറത്താക്കി എന്നുമാണ് ഹര്‍ജിയില്‍ സംഗീത സ്വര്‍ണലിംഗ് ആരോപിക്കുന്നത്. നടിയുടെ പേര് പറയുന്നില്ലെങ്കിലും, ഇതിനെതിരെ കൃത്യമായ തെളിവ് തന്റെ പക്കലുണ്ട് എന്നും ആവശ്യമെങ്കില്‍ അത് ഹാജരാക്കാം എന്നും സംഗീത പറയുന്നുണ്ടായിരുന്നു

വിഷയത്തില്‍ വിജയ് യെ എതിര്‍ക്കുന്നവര്‍ ഇതൊരു ശക്തമായ ആയുധമാക്കി എടുക്കുകയും, എന്നാല്‍ പിന്തുണയ്ക്കുന്നവര്‍ സംഗീതയെ പഴി പറഞ്ഞുകൊണ്ട് വിജയ്‌ക്കൊപ്പം നില്‍ക്കുകയും ചെയ്തു. ഒന്നും രണ്ടും ഭാര്യമാരുണ്ടാവുന്നത് അത്ര വലിയ തെറ്റല്ല എന്നാണ് സ്ത്രീകളും അമ്മമാരും അടക്കമുള്ള വിജയ് സപ്പോര്‍ട്ടേഴ്‌സ് പറഞ്ഞത്.

Also Read: വിജയ ദേവരകൊണ്ടയും രശ്മിക മന്ദാനയും ഒന്നിക്കാന്‍ നിമിത്തമായ താരപുത്രി, ഐശ്വര്യ അര്‍ജുന്‍ പറയുന്നു

ചോര കൊടുത്തും വിജയ് യെ പിന്തുണയ്ക്കാന്‍ ആരാധകര്‍ ചാടി വീഴുമ്പോഴാണ്, ഒരു കല്യാണ ഫങ്ഷന് വിജയ് തൃഷയ്‌ക്കൊപ്പം എത്തിയത്. ഭാര്യയുടെ വികാരത്തിന് ഒരു വിലയും നല്‍കാത്ത വിജയ് യ്‌ക്കെതിരെയുള്ള വിമര്‍ശനം അതോടെ കടുത്തു. പൊരുതി നില്‍ക്കാന്‍ കഴിയാതെ പല വിജയ് ഫാന്‍സും പിന്മാറി. ഈ അവസ്ഥയിലാണ് വിഷയത്തോട് ആദ്യമായി വിജയ് പ്രതികരിക്കുന്നത്. അന്താരാഷ്ട്ര വനിത ദിനത്തില്‍ സ്ത്രീകളെ അഭിസംബോധന ചെയ്ത് സംസാരിക്കുകയായിരുന്നു വിജയം. ഇപ്പോള്‍ നടന്നുകൊണ്ടിരിക്കുന്ന എന്റെ പ്രശ്‌നം നിങ്ങളെ ബാധിക്കുന്നുണ്ട് എന്നെനിക്കറിയാം, അതോര്‍ത്ത് നിങ്ങള്‍ വേദനിക്കരുത് എന്ന് വിജയ് പറയുന്നു.

Also Read: അങ്ങനെ പേടിച്ചോടാന്‍ തീരുമാനിച്ചിട്ടില്ല; തൃഷയ്‌ക്കൊപ്പമുള്ള വിജയിയുടെ പുതിയ വീഡിയോ വന്നതിന് പിന്നാലെ സംഗീതയുടെ അടുത്ത നീക്കം

ഇപ്പോള്‍ നടന്നുകൊണ്ടിരിക്കുന്ന എന്റെ കാര്യത്തിലെ പ്രശ്‌നങ്ങളൊക്കെയുണ്ടല്ലോ, അതിനോടെല്ലാം പോരാടി നിങ്ങള്‍ വേദനിക്കുന്നത് ഞാന്‍ കാണുന്നുണ്ട്, അത് കാണുമ്പോഴാണ് എനിക്ക് കൂടുതല്‍ വേദന തോന്നുന്നത്. അതെല്ലാം ഞാന്‍ നോക്കിക്കോളാം. നമ്മള്‍ - നിങ്ങളും ഞങ്ങളും ചേര്‍ന്ന് ജനങ്ങളുടെ പ്രശ്‌നങ്ങള്‍ തീര്‍ക്കുന്നത് മാത്രം നോക്കാം. അക്കാര്യത്തിലൊന്നും ആരും അധികം വേദിനിക്കേണ്ട, അത്രയ്ക്ക് വിലയൊന്നും അതിന് കൊടുക്കേണ്ട. ആത്മവിശ്വാസത്തോടെ ഇരിക്കൂ. നല്ലത് മാത്രം നടക്കും, വിജയം ഉറപ്പാണം- വിജയ് പറഞ്ഞു