എല്ലാം പെട്ടന്നായിരുന്നു! ഒരു ഹായ് പറഞ്ഞതേ ഓര്‍മയുള്ളൂ, ഇപ്പോള്‍ ആദ്യത്തെ കുഞ്ഞിനായുള്ള കാത്തിരിപ്പിലാണ്; ദിയയ്ക്ക് തന്നെ വിശ്വസിക്കാന്‍ കഴിയുന്നില്ല

Authored byഅശ്വിനി പി | Samayam Malayalam | Updated: 26 Apr 2025, 9:20 am

കൃഷ്ണകുമാറിന്റെ മക്കളില്‍ ആളുകള്‍ക്ക് ഏറ്റവും പരിചിത ഇപ്പോള്‍ ഓസി എന്ന ദിയ കൃഷ്ണയാണ്. യൂട്യൂബ് റീല്‍ വീഡിയോകലിലൂടെ പ്രേക്ഷകര്‍ക്ക് മുന്നിലെത്തിയ ദിയ, വ്‌ളോഗിങിലൂടെ കൂടുതല്‍ പുരിചിതയായി. അശ്വിനുമായുള്ള പ്രണയത്തിന് ശേഷം ദിയയുടെ ജീവിതത്തില്‍ സംഭവിച്ച എല്ലാ കാര്യങ്ങള്‍ക്കും സബ്‌സ്‌ക്രൈബേഴ്‌സ് സാക്ഷിയാണ്. എല്ലാം എത്ര പെട്ടന്നാണ് എന്നോര്‍ത്ത് ഇപ്പോള്‍ ദിയയ്ക്ക് തന്നെ അത്ഭുതം തോന്നുന്നു.

നിലവില്‍ ആദ്യത്തെ കുഞ്ഞിനായുള്ള കാത്തിരിപ്പിലാണ് ദിയ കൃഷ്ണനും അശ്വിന്‍ ഗണേശും, ഗര്‍ഭകാലത്തെ വിശേഷങ്ങള്‍ എല്ലാം ദിയ സോഷ്യല്‍ മീഡിയയിലൂടെ പങ്കുവയ്ക്കാറുണ്ട്. ഇപ്പോള്‍ തിരിഞ്ഞു നോക്കുമ്പോള്‍ അശ്വിനുമായുള്ള ബന്ധം എത്ര പെട്ടന്ന് എല്ലാം സംഭവിച്ചു എന്നാണ് ദിയയും ചിന്തിക്കുന്നത്. അശ്വിനെ കണ്ട തുടക്ക കാലത്ത് എടുത്ത ഫോട്ടോ മുതല്‍, ഇപ്പോഴുള്ള ഗര്‍ഭാവസ്ഥ വരെയുള്ള ദൃശ്യങ്ങള്‍ കോര്‍ത്തിണക്കിയാണ് വീഡിയോ

Also Read: ഒളിച്ചോടിപ്പോയി കല്യാണം കഴിച്ചു, ഭര്‍ത്താവിന്റെ മരണം, വെള്ള വസ്ത്രത്തിലേക്കുള്ള മാറ്റം; രണ്ട് മക്കള്‍ക്കൊപ്പം ജീവിതം തിരിച്ചുപിടിച്ചതിനെ കുറിച്ച് ശാന്തിപ്രിയ

'ഒരു ദിവസം ഹായ് എന്ന് പറഞ്ഞ പെണ്‍കുട്ടി പെട്ടന്ന് നിങ്ങളുടെ ഭാര്യയാവുന്നു, അത് കഴിഞ്ഞ് ഒരുമിച്ച് ആദ്യത്തെ കുഞ്ഞിന് വേണ്ടി കാത്തിരിയ്ക്കുന്നു' എന്ന ക്യാപ്ഷനോടെയാണ് വീഡിയോ. ദിയയുടെയും അശ്വിന്റെയും മനോഹരമായ പ്രണയ യാത്ര വീഡിയോയില്‍ കാണാം. എങ്ങനെ തുടങ്ങി എവിടെ വന്നു നില്‍ക്കുന്നു എന്നതിലാണ് ഈ ബന്ധത്തിന്റെ ഭംഗി എന്ന് ആരാധകരും പറയുന്നു.

Also Read: തൃഷയ്‌ക്കൊപ്പമുള്ള ലിപ് ലോക്ക് രംഗത്ത് അഭിനയിക്കാന്‍ വിജയ് സേതുപതി തയ്യാറായില്ല, കാരണം?

റീല്‍സ് വീഡിയോകളിലൂടെ അശ്വിന്‍ - ദിയ കോമ്പോ ഹിറ്റായപ്പോള്‍ തന്നെ ഇരുവരും തമ്മിലുള്ള പ്രണയ ഗോസിപ്പികള്‍ സജീവമായിരുന്നു. പിന്നീട് പ്രണയത്തിലാണ് എന്ന് വെളിപ്പെടുത്തിയതും വിവാഹവും എല്ലാം വളരെ പെട്ടന്ന് സംഭവിച്ചു. തന്റെ കല്യാണത്തിന്റെ എല്ലാ ഒരുക്കങ്ങള്‍ നടത്തിയതും, ചെലവുകള്‍ വഹിച്ചതും എല്ലാം ദിയ തന്നെയായിരുന്നു എന്നതും ഹൈലൈറ്റ് ആയിരുന്നു.

കല്യാണം കഴിഞ്ഞ് കുഞ്ഞുങ്ങള്‍ക്കായുള്ള കാത്തിരിപ്പ് അധികം വേണ്ട എന്നതും തന്റെയും അശ്വിന്റെയും തീരുമാനമായിരുന്നു എന്ന് ദിയ പറഞ്ഞിട്ടുണ്ട്. രണ്ട് പേര്‍ക്കും കുഞ്ഞുങ്ങളെ വലിയ ഇഷ്ടമാണ്. കുഞ്ഞ് തങ്ങളുടെ ബന്ധത്തെ കൂടുതല്‍ സ്‌ട്രോങ് ആക്കും എന്ന് ദിയ വിശ്വസിക്കുന്നു.