എല്ലാം സ്വകാര്യ, വധു സെലിബ്രേറ്റിയല്ല; കിം ജൂങ് കൂക് വിവാഹിതനായി, ഫോട്ടോയും പുറത്തുവിടില്ലേ?

Authored by: അശ്വിനി പി|Samayam Malayalam•8 Sept 2025, 4:40 pm

സ്വകാര്യ ജീവിതത്തിന് വളരെ അധികം പ്രാധാന്യം നൽകുന്ന താരമാണ് ഗായകനും ഗാനരചയിതാവും യൂട്യൂബറും, ബോഡി ബിൽഡറും മിനിസ്ക്രീൻ താരവുമൊക്കെയായ ജിം ജൂങ് കൂക്. തന്റെ വിവാഹം ആണ് എന്ന് ആഗസ്റ്റ് 18 ന് ഒരു സോഷ്യൽ മീഡിയ പോസ്റ്റിലൂടെ കിം ആരാധകരെ അറിയിച്ചിരുന്നു. വിവാഹം കഴിഞ്ഞു എന്ന വാർത്തകളാണ് ഇപ്പോൾ പുറത്തുവരുന്നത്.

സെപ്റ്റംബർ 5 ന് ആയിരുന്നു വിവാഹം. വധു സെലിബ്രിറ്റിയല്ല എന്ന് നേരത്തെ കിം ജൂങ് കൂക് പറഞ്ഞിട്ടുള്ളതാണ്. വിവാഹത്തിന് അടുത്ത സുഹൃത്തുക്കളും ബന്ധുക്കളും മാത്രമാണ് പങ്കെടുത്തത്. സിയോളിൽ വച്ച് തീർത്തും സ്വകാര്യമായിരുന്നു ചടങ്ങഉകൾ. സിയോളിൽ എവിടെയാണ് എന്നോ, ആരൊക്കെ പങ്കെടുത്തു എന്നോ ഒന്നുമുള്ള വിവരങ്ങൾ പുറത്തുവിട്ടിട്ടില്ല. വിവാഹ ഫോട്ടോ എങ്കിലും സോഷ്യൽ മീഡിയയിലൂടെ പങ്കുവയ്ക്കും എന്നാണ് ആരാധകരുടെ പ്രതീക്ഷ.

Also Read: പ്രതീക്ഷിച്ചതിലും അധികം കുറഞ്ഞു പോയി! എന്തുപറ്റി, പെട്ടന്ന് മെലിയാൻ അസുഖം ബാധിച്ചോ; ചോദ്യങ്ങൾക്ക് മറുപടിയുമായി പാർക് മിൻ യങ്

മിനിസ്ക്രീൻ താരവും അവതാരകനുമായ യൂ ജേ സുക് ആണ് കിം ജൂങ് കൂകിന്റെ വിവാഹ പരിപാടി ഹോസ്റ്റ് ചെയ്തത് എന്നാണ് റിപ്പോർട്ടുകൾ. ഇരുവരും അടുത്ത സുഹൃത്തുക്കളാണ്. എന്നിരുന്നാലും വിവാഹത്തിന് പങ്കെടുക്കാൻ ക്ഷണിച്ചു എന്നതിനപ്പുറം, പ്രധാനമായും വിവാഹത്തിന്റെ ഹോസ്റ്റായിട്ടാണ് യൂ ജേ സുകിന് ക്ഷണം ലഭിച്ചത് എന്നാണ് വിവരം.

Also Read: വീണ്ടും അമ്മയായി! മക്കൾ മൂന്നുപേർ; ഏവരെയും ഞെട്ടിപ്പിച്ച ആ ലൈവ്; വിവാദവും വിവാഹവും കുഞ്ഞുങ്ങളുടെ വരവും; സാക്ഷിയുടെ ജീവിതത്തിലൂടെ

വധുവിനെ കുറിച്ചുള്ള വിവരങ്ങൾ ഇപ്പോഴും പുറത്തുവിട്ടിട്ടില്ല. ഒരേ രംഗത്ത് പ്രവൃത്തിക്കുന്ന ആളുകളല്ല, പെൺകുട്ടി ലൈംലൈറ്റിൽ ഉള്ള ആളുമല്ല എന്ന് നേരത്തെ വിവാഹത്തെ കുറിച്ച് സംസാരിക്കവെ കിം ജൂങ് കൂക് പറഞ്ഞിരുന്നു. ഇന്റസ്ട്രിയിൽ 30 വർഷം പൂർത്തിയാക്കവെ, തന്റെ 49 ആം വയസ്സിൽ വിവാഹിതനാകുന്നു എന്ന് പറഞ്ഞുകൊണ്ടാിരുന്നു കിം ജൂങ് കൂകിന്റെ ഇൻസ്റ്റഗ്രാം പോസ്റ്റ്.


പലപ്പോഴായി ഞാൻ ചില സൂചനകൾ നൽകിയിരുന്നു. പക്ഷേ നിങ്ങളാരും കണ്ടെത്തിയില്ല. ഇത് പെട്ടന്ന് എടുത്ത തീരമാനമല്ല, എന്റെ പങ്കാളിയ്ക്കൊപ്പം ഞാൻ നന്നായി ജീവിക്കും എന്ന ഉറപ്പ് സ്നേഹിക്കുന്നവർക്ക് നൽകുന്നു. ആഗ്രഹിച്ച ആൽബം പൂർത്തിയാക്കുന്നതിന് പകരം, ബെറ്റർ ഹാഫിനെ കണ്ടെത്തിയ സന്തോഷത്തിലാണ് കിം ജൂങ് കൂക് ആ സന്തോഷ വാർത്ത പങ്കുവച്ചത്. താനൊരു വിവാഹം കഴിക്കുന്നുണ്ട് എങ്കിൽ അത് എല്ലാവരെയും അറിയിച്ചുകൊണ്ടായിരിക്കും എന്നും നേരത്തെ താരം അറിയിച്ചതാണ്.